# Deuteronomy · 15

> https://missale.online/biblia/en/dt/15

## Verses

[↗](https://missale.online/biblia/en/dt/15#text-738a397ca42f89be3041)

**Latin**

Septimo anno facies remissionem,

**English**

This passage has not yet been translated.

[↗](https://missale.online/biblia/en/dt/15#text-a431dc21500084281aad)

**Latin**

quæ hoc ordine celebrabitur. Cui debetur aliquid ab amico vel proximo ac fratre suo, repetere non poterit, quia annus remissionis est Domini.

**English**

This passage has not yet been translated.

[↗](https://missale.online/biblia/en/dt/15#text-51d615e65f2b8ce7b8f8)

**Latin**

A peregrino et advena exiges : civem et propinquum repetendi non habebis potestatem.

**English**

This passage has not yet been translated.

[↗](https://missale.online/biblia/en/dt/15#text-5d4da59ebdbb384b8c9f)

**Latin**

Et omnino indigens et mendicus non erit inter vos : ut benedicat tibi Dominus Deus tuus in terra, quam traditurus est tibi in possessionem.

**English**

This passage has not yet been translated.

[↗](https://missale.online/biblia/en/dt/15#text-c9a99567837d7d8a5257)

**Latin**

Si tamen audieris vocem Domini Dei tui, et custodieris universa quæ jussit, et quæ ego hodie præcipio tibi, benedicet tibi, ut pollicitus est.

**English**

This passage has not yet been translated.

[↗](https://missale.online/biblia/en/dt/15#text-db8941e9bfe92ba71d70)

**Latin**

Fœnerabis gentibus multis, et ipse a nullo accipies mutuum. Dominaberis nationibus plurimis, et tui nemo dominabitur.

**English**

This passage has not yet been translated.

[↗](https://missale.online/biblia/en/dt/15#text-d18c4bffa042bddf03b6)

**Latin**

Si unus de fratribus tuis, qui morantur intra portas civitatis tuæ in terra quam Dominus Deus tuus daturus est tibi, ad paupertatem venerit, non obdurabis cor tuum, nec contrahes manum,

**English**

This passage has not yet been translated.

[↗](https://missale.online/biblia/en/dt/15#text-280b739fac2695c16a42)

**Latin**

sed aperies eam pauperi, et dabis mutuum, quo eum indigere perspexeris.

**English**

This passage has not yet been translated.

[↗](https://missale.online/biblia/en/dt/15#text-3dd53cfa29a281509a99)

**Latin**

Cave ne forte subrepat tibi impia cogitatio, et dicas in corde tuo : Appropinquat septimus annus remissionis : et avertas oculos tuos a paupere fratre tuo, nolens ei quod postulat mutuum commodare : ne clamet contra te ad Dominum, et fiat tibi in peccatum.

**English**

This passage has not yet been translated.

[↗](https://missale.online/biblia/en/dt/15#text-c297fce5deb3b72375f2)

**Latin**

Sed dabis ei : nec ages quippiam callide in ejus necessitatibus sublevandis, ut benedicat tibi Dominus Deus tuus in omni tempore, et in cunctis ad quæ manum miseris.

**English**

This passage has not yet been translated.

[↗](https://missale.online/biblia/en/dt/15#text-44b28169590526f68717)

**Latin**

Non deerunt pauperes in terra habitationis tuæ : idcirco ego præcipio tibi, ut aperias manum fratri tuo egeno et pauperi, qui tecum versatur in terra.

**English**

This passage has not yet been translated.

[↗](https://missale.online/biblia/en/dt/15#text-40022955d80a097e447c)

**Latin**

Cum tibi venditus fuerit frater tuus Hebræus aut Hebræa, et sex annis servierit tibi, in septimo anno dimittes eum liberum :

**English**

This passage has not yet been translated.

[↗](https://missale.online/biblia/en/dt/15#text-9cddad593f73adeac016)

**Latin**

et quem libertate donaveris, nequaquam vacuum abire patieris :

**English**

This passage has not yet been translated.

[↗](https://missale.online/biblia/en/dt/15#text-77f0bcf628a6b2c6b32a)

**Latin**

sed dabis viaticum de gregibus, et de area, et torculari tuo, quibus Dominus Deus tuus benedixerit tibi.

**English**

This passage has not yet been translated.

[↗](https://missale.online/biblia/en/dt/15#text-e93f4ea4f81375c9a221)

**Latin**

Memento quod et ipse servieris in terra Ægypti, et liberaverit te Dominus Deus tuus, et idcirco ego nunc præcipio tibi.

**English**

This passage has not yet been translated.

[↗](https://missale.online/biblia/en/dt/15#text-ad0dbb7caa8136e57bff)

**Latin**

Sin autem dixerit : Nolo egredi : eo quod diligat te, et domum tuam, et bene sibi apud te esse sentiat :

**English**

This passage has not yet been translated.

[↗](https://missale.online/biblia/en/dt/15#text-a344e3eeceed7e93233c)

**Latin**

assumes subulam, et perforabis aurem ejus in janua domus tuæ, et serviet tibi usque in æternum. Ancillæ quoque similiter facies.

**English**

This passage has not yet been translated.

[↗](https://missale.online/biblia/en/dt/15#text-292f98d53276b7e92ddb)

**Latin**

Non avertas ab eis oculos tuos, quando dimiseris eos liberos, quoniam juxta mercedem mercenarii per sex annos servivit tibi : ut benedicat tibi Dominus Deus tuus in cunctis operibus quæ agis.

**English**

This passage has not yet been translated.

[↗](https://missale.online/biblia/en/dt/15#text-ea8c03b9efa00fc49552)

**Latin**

De primogenitis, quæ nascuntur in armentis, et in ovibus tuis, quidquid est sexus masculini, sanctificabis Domino Deo tuo. Non operaberis in primogenito bovis, et non tondebis primogenita ovium.

**English**

This passage has not yet been translated.

[↗](https://missale.online/biblia/en/dt/15#text-0b9188f9827bc9369014)

**Latin**

In conspectu Domini Dei tui comedes ea per annos singulos in loco quem elegerit Dominus, tu et domus tua.

**English**

This passage has not yet been translated.

[↗](https://missale.online/biblia/en/dt/15#text-4a377fb8b3ab2ddc2997)

**Latin**

Sin autem habuerit maculam, vel claudum fuerit, vel cæcum, aut in aliqua parte deforme vel debile, non immolabitur Domino Deo tuo :

**English**

This passage has not yet been translated.

[↗](https://missale.online/biblia/en/dt/15#text-558828010cd7e67a3b8c)

**Latin**

sed intra portas urbis tuæ comedes illud : tam mundus quam immundus similiter vescentur eis, quasi caprea et cervo.

**English**

This passage has not yet been translated.

[↗](https://missale.online/biblia/en/dt/15#text-ec73ab42682871a72627)

**Latin**

Hoc solum observabis, ut sanguinem eorum non comedas, sed effundes in terram quasi aquam.

**English**

This passage has not yet been translated.