# Deuteronomy · 20

> https://missale.online/biblia/en/dt/20

## Verses

[↗](https://missale.online/biblia/en/dt/20#text-738a397ca42f89be3041)

**Latin**

Si exieris ad bellum contra hostes tuos, et videris equitatus et currus, et majorem quam tu habeas adversarii exercitus multitudinem, non timebis eos : quia Dominus Deus tuus tecum est, qui eduxit te de terra Ægypti.

**English**

This passage has not yet been translated.

[↗](https://missale.online/biblia/en/dt/20#text-a431dc21500084281aad)

**Latin**

Appropinquante autem jam prælio, stabit sacerdos ante aciem, et sic loquetur ad populum :

**English**

This passage has not yet been translated.

[↗](https://missale.online/biblia/en/dt/20#text-51d615e65f2b8ce7b8f8)

**Latin**

Audi, Israël : vos hodie contra inimicos vestros pugnam committitis : non pertimescat cor vestrum, nolite metuere, nolite cedere, nec formidetis eos :

**English**

This passage has not yet been translated.

[↗](https://missale.online/biblia/en/dt/20#text-5d4da59ebdbb384b8c9f)

**Latin**

quia Dominus Deus vester in medio vestri est, et pro vobis contra adversarios dimicabit, ut eruat vos de periculo.

**English**

This passage has not yet been translated.

[↗](https://missale.online/biblia/en/dt/20#text-c9a99567837d7d8a5257)

**Latin**

Duces quoque per singulas turmas audiente exercitu proclamabunt : Quis est homo qui ædificavit domum novam, et non dedicavit eam ? vadat, et revertatur in domum suam, ne forte moriatur in bello, et alius dedicet eam.

**English**

This passage has not yet been translated.

[↗](https://missale.online/biblia/en/dt/20#text-db8941e9bfe92ba71d70)

**Latin**

Quis est homo qui plantavit vineam, et necdum fecit eam esse communem, de qua vesci omnibus liceat ? vadat, et revertatur in domum suam, ne forte moriatur in bello, et alius homo ejus fungatur officio.

**English**

This passage has not yet been translated.

[↗](https://missale.online/biblia/en/dt/20#text-d18c4bffa042bddf03b6)

**Latin**

Quis est homo, qui despondit uxorem, et non accepit eam ? vadat, et revertatur in domum suam, ne forte moriatur in bello, et alius homo accipiat eam.

**English**

This passage has not yet been translated.

[↗](https://missale.online/biblia/en/dt/20#text-280b739fac2695c16a42)

**Latin**

His dictis addent reliqua, et loquentur ad populum : Quis est homo formidolosus, et corde pavido ? vadat, et revertatur in domum suam, ne pavere faciat corda fratrum suorum, sicut ipse timore perterritus est.

**English**

This passage has not yet been translated.

[↗](https://missale.online/biblia/en/dt/20#text-3dd53cfa29a281509a99)

**Latin**

Cumque siluerint duces exercitus, et finem loquendi fecerint, unusquisque suos ad bellandum cuneos præparabit.

**English**

This passage has not yet been translated.

[↗](https://missale.online/biblia/en/dt/20#text-c297fce5deb3b72375f2)

**Latin**

Siquando accesseris ad expugnandam civitatem, offeres ei primum pacem.

**English**

This passage has not yet been translated.

[↗](https://missale.online/biblia/en/dt/20#text-44b28169590526f68717)

**Latin**

Si receperit, et aperuerit tibi portas, cunctus populus, qui in ea est, salvabitur, et serviet tibi sub tributo.

**English**

This passage has not yet been translated.

[↗](https://missale.online/biblia/en/dt/20#text-40022955d80a097e447c)

**Latin**

Sin autem fœdus inire noluerit, et cœperit contra te bellum, oppugnabis eam.

**English**

This passage has not yet been translated.

[↗](https://missale.online/biblia/en/dt/20#text-9cddad593f73adeac016)

**Latin**

Cumque tradiderit Dominus Deus tuus illam in manu tua, percuties omne quod in ea generis masculini est, in ore gladii,

**English**

This passage has not yet been translated.

[↗](https://missale.online/biblia/en/dt/20#text-77f0bcf628a6b2c6b32a)

**Latin**

absque mulieribus et infantibus, jumentis et ceteris quæ in civitate sunt. Omnem prædam exercitui divides, et comedes de spoliis hostium tuorum, quæ Dominus Deus tuus dederit tibi.

**English**

This passage has not yet been translated.

[↗](https://missale.online/biblia/en/dt/20#text-e93f4ea4f81375c9a221)

**Latin**

Sic facies cunctis civitatibus, quæ a te procul valde sunt, et non sunt de his urbibus, quas in possessionem accepturus es.

**English**

This passage has not yet been translated.

[↗](https://missale.online/biblia/en/dt/20#text-ad0dbb7caa8136e57bff)

**Latin**

De his autem civitatibus, quæ dabuntur tibi, nullum omnino permittes vivere :

**English**

This passage has not yet been translated.

[↗](https://missale.online/biblia/en/dt/20#text-a344e3eeceed7e93233c)

**Latin**

sed interficies in ore gladii, Hethæum videlicet, et Amorrhæum, et Chananæum, Pherezæum, et Hevæum, et Jebusæum, sicut præcepit tibi Dominus Deus tuus :

**English**

This passage has not yet been translated.

[↗](https://missale.online/biblia/en/dt/20#text-292f98d53276b7e92ddb)

**Latin**

ne forte doceant vos facere cunctas abominationes, quas ipsi operati sunt diis suis, et peccetis in Dominum Deum vestrum.

**English**

This passage has not yet been translated.

[↗](https://missale.online/biblia/en/dt/20#text-ea8c03b9efa00fc49552)

**Latin**

Quando obsederis civitatem multo tempore, et munitionibus circumdederis ut expugnes eam, non succides arbores, de quibus vesci potest, nec securibus per circuitum debes vastare regionem : quoniam lignum est, et non homo, nec potest bellantium contra te augere numerum.

**English**

This passage has not yet been translated.

[↗](https://missale.online/biblia/en/dt/20#text-0b9188f9827bc9369014)

**Latin**

Si qua autem ligna non sunt pomifera, sed agrestia, et in ceteros apta usus, succide, et instrue machinas, donec capias civitatem, quæ contra te dimicat.

**English**

This passage has not yet been translated.