# Deuteronomy · 21

> https://missale.online/biblia/en/dt/21

## Verses

[↗](https://missale.online/biblia/en/dt/21#text-738a397ca42f89be3041)

**Latin**

Quando inventum fuerit in terra, quam Dominus Deus tuus daturus est tibi, hominis cadaver occisi, et ignorabitur cædis reus,

**English**

This passage has not yet been translated.

[↗](https://missale.online/biblia/en/dt/21#text-a431dc21500084281aad)

**Latin**

egredientur majores natu, et judices tui, et metientur a loco cadaveris singularum per circuitum spatia civitatum :

**English**

This passage has not yet been translated.

[↗](https://missale.online/biblia/en/dt/21#text-51d615e65f2b8ce7b8f8)

**Latin**

et quam viciniorem ceteris esse perspexerint, seniores civitatis illius tollent vitulam de armento, quæ non traxit jugum, nec terram scidit vomere,

**English**

This passage has not yet been translated.

[↗](https://missale.online/biblia/en/dt/21#text-5d4da59ebdbb384b8c9f)

**Latin**

et ducent eam ad vallem asperam atque saxosam, quæ numquam arata est, nec sementem recepit : et cædent in ea cervices vitulæ :

**English**

This passage has not yet been translated.

[↗](https://missale.online/biblia/en/dt/21#text-c9a99567837d7d8a5257)

**Latin**

accedentque sacerdotes filii Levi, quos elegerit Dominus Deus tuus ut ministrent ei, et benedicant in nomine ejus, et ad verbum eorum omne negotium, et quidquid mundum, vel immundum est, judicetur.

**English**

This passage has not yet been translated.

[↗](https://missale.online/biblia/en/dt/21#text-db8941e9bfe92ba71d70)

**Latin**

Et venient majores natu civitatis illius ad interfectum, lavabuntque manus suas super vitulam, quæ in valle percussa est,

**English**

This passage has not yet been translated.

[↗](https://missale.online/biblia/en/dt/21#text-d18c4bffa042bddf03b6)

**Latin**

et dicent : Manus nostræ non effuderunt sanguinem hunc, nec oculi viderunt :

**English**

This passage has not yet been translated.

[↗](https://missale.online/biblia/en/dt/21#text-280b739fac2695c16a42)

**Latin**

propitius esto populo tuo Israël, quem redemisti, Domine, et ne reputes sanguinem innocentem in medio populi tui Israël. Et auferetur ab eis reatus sanguinis :

**English**

This passage has not yet been translated.

[↗](https://missale.online/biblia/en/dt/21#text-3dd53cfa29a281509a99)

**Latin**

tu autem alienus eris ab innocentis cruore, qui fusus est, cum feceris quod præcepit Dominus.

**English**

This passage has not yet been translated.

[↗](https://missale.online/biblia/en/dt/21#text-c297fce5deb3b72375f2)

**Latin**

Si egressus fueris ad pugnam contra inimicos tuos, et tradiderit eos Dominus Deus tuus in manu tua, captivosque duxeris,

**English**

This passage has not yet been translated.

[↗](https://missale.online/biblia/en/dt/21#text-44b28169590526f68717)

**Latin**

et videris in numero captivorum mulierem pulchram, et adamaveris eam, voluerisque habere uxorem,

**English**

This passage has not yet been translated.

[↗](https://missale.online/biblia/en/dt/21#text-40022955d80a097e447c)

**Latin**

introduces eam in domum tuam : quæ radet cæsariem, et circumcidet ungues,

**English**

This passage has not yet been translated.

[↗](https://missale.online/biblia/en/dt/21#text-9cddad593f73adeac016)

**Latin**

et deponet vestem, in qua capta est : sedensque in domo tua, flebit patrem et matrem suam uno mense : et postea intrabis ad eam, dormiesque cum illa, et erit uxor tua.

**English**

This passage has not yet been translated.

[↗](https://missale.online/biblia/en/dt/21#text-77f0bcf628a6b2c6b32a)

**Latin**

Si autem postea non sederit animo tuo, dimittes eam liberam, nec vendere poteris pecunia, nec opprimere per potentiam : quia humiliasti eam.

**English**

This passage has not yet been translated.

[↗](https://missale.online/biblia/en/dt/21#text-e93f4ea4f81375c9a221)

**Latin**

Si habuerit homo uxores duas, unam dilectam, et alteram odiosam, genuerintque ex eo liberos, et fuerit filius odiosæ primogenitus,

**English**

This passage has not yet been translated.

[↗](https://missale.online/biblia/en/dt/21#text-ad0dbb7caa8136e57bff)

**Latin**

volueritque substantiam inter filios suos dividere, non poterit filium dilectæ facere primogenitum, et præferre filio odiosæ :

**English**

This passage has not yet been translated.

[↗](https://missale.online/biblia/en/dt/21#text-a344e3eeceed7e93233c)

**Latin**

sed filium odiosæ agnoscet primogenitum, dabitque ei de his quæ habuerit cuncta duplicia : iste est enim principium liberorum ejus, et huic debentur primogenita.

**English**

This passage has not yet been translated.

[↗](https://missale.online/biblia/en/dt/21#text-292f98d53276b7e92ddb)

**Latin**

Si genuerit homo filium contumacem et protervum, qui non audiat patris aut matris imperium, et coërcitus obedire contempserit :

**English**

This passage has not yet been translated.

[↗](https://missale.online/biblia/en/dt/21#text-ea8c03b9efa00fc49552)

**Latin**

apprehendent eum, et ducent ad seniores civitatis illius, et ad portam judicii,

**English**

This passage has not yet been translated.

[↗](https://missale.online/biblia/en/dt/21#text-0b9188f9827bc9369014)

**Latin**

dicentque ad eos : Filius noster iste protervus et contumax est : monita nostra audire contemnit, comessationibus vacat, et luxuriæ atque conviviis :

**English**

This passage has not yet been translated.

[↗](https://missale.online/biblia/en/dt/21#text-4a377fb8b3ab2ddc2997)

**Latin**

lapidibus eum obruet populus civitatis, et morietur, ut auferatis malum de medio vestri, et universus Israël audiens pertimescat.

**English**

This passage has not yet been translated.

[↗](https://missale.online/biblia/en/dt/21#text-558828010cd7e67a3b8c)

**Latin**

Quando peccaverit homo quod morte plectendum est, et adjudicatus morti appensus fuerit in patibulo :

**English**

This passage has not yet been translated.

[↗](https://missale.online/biblia/en/dt/21#text-ec73ab42682871a72627)

**Latin**

non permanebit cadaver ejus in ligno, sed in eadem die sepelietur : quia maledictus a Deo est qui pendet in ligno : et nequaquam contaminabis terram tuam, quam Dominus Deus tuus dederit tibi in possessionem.

**English**

This passage has not yet been translated.