# Deuteronomy · 9

> https://missale.online/biblia/en/dt/9

## Verses

[↗](https://missale.online/biblia/en/dt/9#text-738a397ca42f89be3041)

**Latin**

Audi, Israël : tu transgredieris hodie Jordanem, ut possideas nationes maximas et fortiores te, civitates ingentes, et ad cælum usque muratas,

**English**

This passage has not yet been translated.

[↗](https://missale.online/biblia/en/dt/9#text-a431dc21500084281aad)

**Latin**

populum magnum atque sublimem, filios Enacim, quos ipse vidisti et audisti, quibus nullus potest ex adverso resistere.

**English**

This passage has not yet been translated.

[↗](https://missale.online/biblia/en/dt/9#text-51d615e65f2b8ce7b8f8)

**Latin**

Scies ergo hodie quod Dominus Deus tuus ipse transibit ante te, ignis devorans atque consumens, qui conterat eos, et deleat atque disperdat ante faciem tuam velociter, sicut locutus est tibi :

**English**

This passage has not yet been translated.

[↗](https://missale.online/biblia/en/dt/9#text-5d4da59ebdbb384b8c9f)

**Latin**

ne dicas in corde tuo, cum deleverit eos Dominus Deus tuus in conspectu tuo : Propter justitiam meam introduxit me Dominus ut terram hanc possiderem, cum propter impietates suas istæ deletæ sint nationes.

**English**

This passage has not yet been translated.

[↗](https://missale.online/biblia/en/dt/9#text-c9a99567837d7d8a5257)

**Latin**

Neque enim propter justitias tuas, et æquitatem cordis tui ingredieris, ut possideas terras earum : sed quia illæ egerunt impie, introëunte te deletæ sunt : et ut compleret verbum suum Dominus, quod sub juramento pollicitus est patribus tuis, Abraham, Isaac, et Jacob.

**English**

This passage has not yet been translated.

[↗](https://missale.online/biblia/en/dt/9#text-db8941e9bfe92ba71d70)

**Latin**

Scito ergo quod non propter justitias tuas Dominus Deus tuus dederit tibi terram hanc optimam in possessionem, cum durissimæ cervicis sis populus.

**English**

This passage has not yet been translated.

[↗](https://missale.online/biblia/en/dt/9#text-d18c4bffa042bddf03b6)

**Latin**

Memento, et ne obliviscaris, quomodo ad iracundiam provocaveris Dominum Deum tuum in solitudine. Ex eo die, quo egressus es ex Ægypto usque ad locum istum, semper adversum Dominum contendisti.

**English**

This passage has not yet been translated.

[↗](https://missale.online/biblia/en/dt/9#text-280b739fac2695c16a42)

**Latin**

Nam et in Horeb provocasti eum, et iratus delere te voluit,

**English**

This passage has not yet been translated.

[↗](https://missale.online/biblia/en/dt/9#text-3dd53cfa29a281509a99)

**Latin**

quando ascendi in montem, ut acciperem tabulas lapideas, tabulas pacti quod pepigit vobiscum Dominus : et perseveravi in monte quadraginta diebus ac noctibus, panem non comedens, et aquam non bibens.

**English**

This passage has not yet been translated.

[↗](https://missale.online/biblia/en/dt/9#text-c297fce5deb3b72375f2)

**Latin**

Deditque mihi Dominus duas tabulas lapideas scriptas digito Dei, et continentes omnia verba quæ vobis locutus est in monte de medio ignis, quando concio populi congregata est.

**English**

This passage has not yet been translated.

[↗](https://missale.online/biblia/en/dt/9#text-44b28169590526f68717)

**Latin**

Cumque transissent quadraginta dies, et totidem noctes, dedit mihi Dominus duas tabulas lapideas, tabulas fœderis,

**English**

This passage has not yet been translated.

[↗](https://missale.online/biblia/en/dt/9#text-40022955d80a097e447c)

**Latin**

dixitque mihi : Surge, et descende hinc cito : quia populus tuus, quem eduxisti de Ægypto, deseruerunt velociter viam, quam demonstrasti eis, feceruntque sibi conflatile.

**English**

This passage has not yet been translated.

[↗](https://missale.online/biblia/en/dt/9#text-9cddad593f73adeac016)

**Latin**

Rursumque ait Dominus ad me : Cerno quod populus iste duræ cervicis sit :

**English**

This passage has not yet been translated.

[↗](https://missale.online/biblia/en/dt/9#text-77f0bcf628a6b2c6b32a)

**Latin**

dimitte me ut conteram eum, et deleam nomen ejus de sub cælo, et constituam te super gentem, quæ hac major et fortior sit.

**English**

This passage has not yet been translated.

[↗](https://missale.online/biblia/en/dt/9#text-e93f4ea4f81375c9a221)

**Latin**

Cumque de monte ardente descenderem, et duas tabulas fœderis utraque tenerem manu,

**English**

This passage has not yet been translated.

[↗](https://missale.online/biblia/en/dt/9#text-ad0dbb7caa8136e57bff)

**Latin**

vidissemque vos peccasse Domino Deo vestro, et fecisse vobis vitulum conflatilem, ac deseruisse velociter viam ejus, quam vobis ostenderat :

**English**

This passage has not yet been translated.

[↗](https://missale.online/biblia/en/dt/9#text-a344e3eeceed7e93233c)

**Latin**

projeci tabulas de manibus meis, confregique eas in conspectu vestro.

**English**

This passage has not yet been translated.

[↗](https://missale.online/biblia/en/dt/9#text-292f98d53276b7e92ddb)

**Latin**

Et procidi ante Dominum sicut prius, quadraginta diebus et noctibus panem non comedens, et aquam non bibens, propter omnia peccata vestra quæ gessistis contra Dominum, et eum ad iracundiam provocastis :

**English**

This passage has not yet been translated.

[↗](https://missale.online/biblia/en/dt/9#text-ea8c03b9efa00fc49552)

**Latin**

timui enim indignationem et iram illius, qua adversum vos concitatus, delere vos voluit. Et exaudivit me Dominus etiam hac vice.

**English**

This passage has not yet been translated.

[↗](https://missale.online/biblia/en/dt/9#text-0b9188f9827bc9369014)

**Latin**

Adversum Aaron quoque vehementer iratus, voluit eum conterere, et pro illo similiter deprecatus sum.

**English**

This passage has not yet been translated.

[↗](https://missale.online/biblia/en/dt/9#text-4a377fb8b3ab2ddc2997)

**Latin**

Peccatum autem vestrum quod feceratis, id est, vitulum, arripiens, igne combussi, et in frusta comminuens, omninoque in pulverem redigens, projeci in torrentem, qui de monte descendit.

**English**

This passage has not yet been translated.

[↗](https://missale.online/biblia/en/dt/9#text-558828010cd7e67a3b8c)

**Latin**

In incendio quoque, et in tentatione, et in Sepulchris concupiscentiæ provocastis Dominum :

**English**

This passage has not yet been translated.

[↗](https://missale.online/biblia/en/dt/9#text-ec73ab42682871a72627)

**Latin**

et quando misit vos de Cadesbarne, dicens : Ascendite, et possidete terram, quam dedi vobis, et contempsistis imperium Domini Dei vestri, et non credidistis ei, neque vocem ejus audire voluistis :

**English**

This passage has not yet been translated.

[↗](https://missale.online/biblia/en/dt/9#text-67cd7490abc0fa3b8079)

**Latin**

sed semper fuistis rebelles a die qua nosse vos cœpi.

**English**

This passage has not yet been translated.

[↗](https://missale.online/biblia/en/dt/9#text-3ac038d6962289bd3c26)

**Latin**

Et jacui coram Domino quadraginta diebus ac noctibus, quibus eum suppliciter deprecabar, ne deleret vos ut fuerat comminatus :

**English**

This passage has not yet been translated.

[↗](https://missale.online/biblia/en/dt/9#text-2b08b45b7a9fd92ff7f8)

**Latin**

et orans dixi : Domine Deus, ne disperdas populum tuum, et hæreditatem tuam, quam redemisti in magnitudine tua, quos eduxisti de Ægypto in manu forti.

**English**

This passage has not yet been translated.

[↗](https://missale.online/biblia/en/dt/9#text-1b9b77d3fcc49350a3f4)

**Latin**

Recordare servorum tuorum Abraham, Isaac, et Jacob : ne aspicias duritiam populi hujus, et impietatem atque peccatum :

**English**

This passage has not yet been translated.

[↗](https://missale.online/biblia/en/dt/9#text-21478efda9e3bd77c058)

**Latin**

ne forte dicant habitatores terræ, de qua eduxisti nos : Non poterat Dominus introducere eos in terram, quam pollicitus est eis, et oderat illos : idcirco eduxit, ut interficeret eos in solitudine :

**English**

This passage has not yet been translated.

[↗](https://missale.online/biblia/en/dt/9#text-66af0bf07849f0763ec9)

**Latin**

qui sunt populus tuus et hæreditas tua, quos eduxisti in fortitudine tua magna, et in brachio tuo extento.

**English**

This passage has not yet been translated.