# Ephesians · 4

> https://missale.online/biblia/en/eph/4

## Verses

[↗](https://missale.online/biblia/en/eph/4#text-738a397ca42f89be3041)

**Latin**

Obsecro itaque vos ego vinctus in Domino, ut digne ambuletis vocatione, qua vocati estis,

**English**

This passage has not yet been translated.

[↗](https://missale.online/biblia/en/eph/4#text-a431dc21500084281aad)

**Latin**

cum omni humilitate, et mansuetudine, cum patientia, supportantes invicem in caritate,

**English**

This passage has not yet been translated.

[↗](https://missale.online/biblia/en/eph/4#text-51d615e65f2b8ce7b8f8)

**Latin**

solliciti servare unitatem Spiritus in vinculo pacis.

**English**

This passage has not yet been translated.

[↗](https://missale.online/biblia/en/eph/4#text-5d4da59ebdbb384b8c9f)

**Latin**

Unum corpus, et unus Spiritus, sicut vocati estis in una spe vocationis vestræ.

**English**

This passage has not yet been translated.

[↗](https://missale.online/biblia/en/eph/4#text-c9a99567837d7d8a5257)

**Latin**

Unus Dominus, una fides, unum baptisma.

**English**

This passage has not yet been translated.

[↗](https://missale.online/biblia/en/eph/4#text-db8941e9bfe92ba71d70)

**Latin**

Unus Deus et Pater omnium, qui est super omnes, et per omnia, et in omnibus nobis.

**English**

This passage has not yet been translated.

[↗](https://missale.online/biblia/en/eph/4#text-d18c4bffa042bddf03b6)

**Latin**

Unicuique autem nostrum data est gratia secundum mensuram donationis Christi.

**English**

This passage has not yet been translated.

[↗](https://missale.online/biblia/en/eph/4#text-280b739fac2695c16a42)

**Latin**

Propter quod dicit : Ascendens in altum, captivam duxit captivitatem : dedit dona hominibus.

**English**

This passage has not yet been translated.

[↗](https://missale.online/biblia/en/eph/4#text-3dd53cfa29a281509a99)

**Latin**

Quod autem ascendit, quid est, nisi quia et descendit primum in inferiores partes terræ ?

**English**

This passage has not yet been translated.

[↗](https://missale.online/biblia/en/eph/4#text-c297fce5deb3b72375f2)

**Latin**

Qui descendit, ipse est et qui ascendit super omnes cælos, ut impleret omnia.

**English**

This passage has not yet been translated.

[↗](https://missale.online/biblia/en/eph/4#text-44b28169590526f68717)

**Latin**

Et ipse dedit quosdam quidem apostolos, quosdam autem prophetas, alios vero evangelistas, alios autem pastores et doctores,

**English**

This passage has not yet been translated.

[↗](https://missale.online/biblia/en/eph/4#text-40022955d80a097e447c)

**Latin**

ad consummationem sanctorum in opus ministerii, in ædificationem corporis Christi :

**English**

This passage has not yet been translated.

[↗](https://missale.online/biblia/en/eph/4#text-9cddad593f73adeac016)

**Latin**

donec occurramus omnes in unitatem fidei, et agnitionis Filii Dei, in virum perfectum, in mensuram ætatis plenitudinis Christi :

**English**

This passage has not yet been translated.

[↗](https://missale.online/biblia/en/eph/4#text-77f0bcf628a6b2c6b32a)

**Latin**

ut jam non simus parvuli fluctuantes, et circumferamur omni vento doctrinæ in nequitia hominum, in astutia ad circumventionem erroris.

**English**

This passage has not yet been translated.

[↗](https://missale.online/biblia/en/eph/4#text-e93f4ea4f81375c9a221)

**Latin**

Veritatem autem facientes in caritate, crescamus in illo per omnia, qui est caput Christus :

**English**

This passage has not yet been translated.

[↗](https://missale.online/biblia/en/eph/4#text-ad0dbb7caa8136e57bff)

**Latin**

ex quo totum corpus compactum et connexum per omnem juncturam subministrationis, secundum operationem in mensuram uniuscujusque membri, augmentum corporis facit in ædificationem sui in caritate.

**English**

This passage has not yet been translated.

[↗](https://missale.online/biblia/en/eph/4#text-a344e3eeceed7e93233c)

**Latin**

Hoc igitur dico, et testificor in Domino, ut jam non ambuletis, sicut et gentes ambulant in vanitate sensus sui,

**English**

This passage has not yet been translated.

[↗](https://missale.online/biblia/en/eph/4#text-292f98d53276b7e92ddb)

**Latin**

tenebris obscuratum habentes intellectum, alienati a vita Dei per ignorantiam, quæ est in illis, propter cæcitatem cordis ipsorum,

**English**

This passage has not yet been translated.

[↗](https://missale.online/biblia/en/eph/4#text-ea8c03b9efa00fc49552)

**Latin**

qui desperantes, semetipsos tradiderunt impudicitiæ, in operationem immunditiæ omnis in avaritiam.

**English**

This passage has not yet been translated.

[↗](https://missale.online/biblia/en/eph/4#text-0b9188f9827bc9369014)

**Latin**

Vos autem non ita didicistis Christum,

**English**

This passage has not yet been translated.

[↗](https://missale.online/biblia/en/eph/4#text-4a377fb8b3ab2ddc2997)

**Latin**

si tamen illum audistis, et in ipso edocti estis, sicut est veritas in Jesu,

**English**

This passage has not yet been translated.

[↗](https://missale.online/biblia/en/eph/4#text-558828010cd7e67a3b8c)

**Latin**

deponere vos secundum pristinam conversationem veterem hominem, qui corrumpitur secundum desideria erroris.

**English**

This passage has not yet been translated.

[↗](https://missale.online/biblia/en/eph/4#text-ec73ab42682871a72627)

**Latin**

Renovamini autem spiritu mentis vestræ,

**English**

This passage has not yet been translated.

[↗](https://missale.online/biblia/en/eph/4#text-67cd7490abc0fa3b8079)

**Latin**

et induite novum hominem, qui secundum Deum creatus est in justitia, et sanctitate veritatis.

**English**

This passage has not yet been translated.

[↗](https://missale.online/biblia/en/eph/4#text-3ac038d6962289bd3c26)

**Latin**

Propter quod deponentes mendacium, loquimini veritatem unusquisque cum proximo suo : quoniam sumus invicem membra.

**English**

This passage has not yet been translated.

[↗](https://missale.online/biblia/en/eph/4#text-2b08b45b7a9fd92ff7f8)

**Latin**

Irascimini, et nolite peccare : sol non occidat super iracundiam vestram.

**English**

This passage has not yet been translated.

[↗](https://missale.online/biblia/en/eph/4#text-1b9b77d3fcc49350a3f4)

**Latin**

Nolite locum dare diabolo :

**English**

This passage has not yet been translated.

[↗](https://missale.online/biblia/en/eph/4#text-21478efda9e3bd77c058)

**Latin**

qui furabatur, jam non furetur : magis autem laboret, operando manibus suis, quod bonum est, ut habeat unde tribuat necessitatem patienti.

**English**

This passage has not yet been translated.

[↗](https://missale.online/biblia/en/eph/4#text-66af0bf07849f0763ec9)

**Latin**

Omnis sermo malus ex ore vestro non procedat : sed si quis bonus ad ædificationem fidei ut det gratiam audientibus.

**English**

This passage has not yet been translated.

[↗](https://missale.online/biblia/en/eph/4#text-8ce0bbceaab8ff918d3a)

**Latin**

Et nolite contristare Spiritum Sanctum Dei : in quo signati estis in diem redemptionis.

**English**

This passage has not yet been translated.

[↗](https://missale.online/biblia/en/eph/4#text-ccc106774904a733b00e)

**Latin**

Omnis amaritudo, et ira, et indignatio, et clamor, et blasphemia tollatur a vobis cum omni malitia.

**English**

This passage has not yet been translated.

[↗](https://missale.online/biblia/en/eph/4#text-3885b8fb3f9b0c24fd89)

**Latin**

Estote autem invicem benigni, misericordes, donantes invicem sicut et Deus in Christo donavit vobis.

**English**

This passage has not yet been translated.