# Esther · 6

> https://missale.online/biblia/en/est/6

## Verses

[↗](https://missale.online/biblia/en/est/6#text-738a397ca42f89be3041)

**Latin**

Noctem illam duxit rex insomnem, jussitque sibi afferri historias et annales priorum temporum. Quæ cum illo præsente legerentur,

**English**

This passage has not yet been translated.

[↗](https://missale.online/biblia/en/est/6#text-a431dc21500084281aad)

**Latin**

ventum est ad illum locum ubi scriptum erat quomodo nuntiasset Mardochæus insidias Bagathan et Thares eunuchorum, regem Assuerum jugulare cupientium.

**English**

This passage has not yet been translated.

[↗](https://missale.online/biblia/en/est/6#text-51d615e65f2b8ce7b8f8)

**Latin**

Quod cum audisset rex, ait : Quid pro hac fide honoris ac præmii Mardochæus consecutus est ? Dixerunt ei servi illius ac ministri : Nihil omnino mercedis accepit.

**English**

This passage has not yet been translated.

[↗](https://missale.online/biblia/en/est/6#text-5d4da59ebdbb384b8c9f)

**Latin**

Statimque rex : Quis est, inquit, in atrio ? Aman quippe interius atrium domus regiæ intraverat, ut suggereret regi, et juberet Mardochæum affigi patibulo, quod ei fuerat præparatum.

**English**

This passage has not yet been translated.

[↗](https://missale.online/biblia/en/est/6#text-c9a99567837d7d8a5257)

**Latin**

Responderunt pueri : Aman stat in atrio. Dixitque rex : Ingrediatur.

**English**

This passage has not yet been translated.

[↗](https://missale.online/biblia/en/est/6#text-db8941e9bfe92ba71d70)

**Latin**

Cumque esset ingressus, ait illi : Quid debet fieri viro, quem rex honorare desiderat ? Cogitans autem in corde suo Aman, et reputans quod nullum alium rex, nisi se, vellet honorare,

**English**

This passage has not yet been translated.

[↗](https://missale.online/biblia/en/est/6#text-d18c4bffa042bddf03b6)

**Latin**

respondit : Homo, quem rex honorare cupit,

**English**

This passage has not yet been translated.

[↗](https://missale.online/biblia/en/est/6#text-280b739fac2695c16a42)

**Latin**

debet indui vestibus regiis, et imponi super equum, qui de sella regis est, et accipere regium diadema super caput suum :

**English**

This passage has not yet been translated.

[↗](https://missale.online/biblia/en/est/6#text-3dd53cfa29a281509a99)

**Latin**

et primus de regiis principibus ac tyrannis teneat equum ejus, et per plateam civitatis incedens clamet, et dicat : Sic honorabitur, quemcumque voluerit rex honorare.

**English**

This passage has not yet been translated.

[↗](https://missale.online/biblia/en/est/6#text-c297fce5deb3b72375f2)

**Latin**

Dixitque ei rex : Festina, et sumpta stola et equo, fac, ut locutus es, Mardochæo Judæo, qui sedet ante fores palatii. Cave ne quidquam de his, quæ locutus es, prætermittas.

**English**

This passage has not yet been translated.

[↗](https://missale.online/biblia/en/est/6#text-44b28169590526f68717)

**Latin**

Tulit itaque Aman stolam et equum, indutumque Mardochæum in platea civitatis, et impositum equo præcedebat, atque clamabat : Hoc honore condignus est, quemcumque rex voluerit honorare.

**English**

This passage has not yet been translated.

[↗](https://missale.online/biblia/en/est/6#text-40022955d80a097e447c)

**Latin**

Reversusque est Mardochæus ad januam palatii : et Aman festinavit ire in domum suam, lugens et operto capite :

**English**

This passage has not yet been translated.

[↗](https://missale.online/biblia/en/est/6#text-9cddad593f73adeac016)

**Latin**

narravitque Zares uxori suæ, et amicis, omnia quæ evenissent sibi. Cui responderunt sapientes quos habebat in consilio, et uxor ejus : Si de semine Judæorum est Mardochæus, ante quem cadere cœpisti, non poteris ei resistere, sed cades in conspectu ejus.

**English**

This passage has not yet been translated.

[↗](https://missale.online/biblia/en/est/6#text-77f0bcf628a6b2c6b32a)

**Latin**

Adhuc illis loquentibus, venerunt eunuchi regis, et cito eum ad convivium, quod regina paraverat, pergere compulerunt.

**English**

This passage has not yet been translated.