# Exodus · 22

> https://missale.online/biblia/en/ex/22

## Verses

[↗](https://missale.online/biblia/en/ex/22#text-738a397ca42f89be3041)

**Latin**

Si quis furatus fuerit bovem aut ovem, et occiderit vel vendiderit : quinque boves pro uno bove restituet, et quatuor oves pro una ove.

**English**

This passage has not yet been translated.

[↗](https://missale.online/biblia/en/ex/22#text-a431dc21500084281aad)

**Latin**

Si effringens fur domum sive suffodiens fuerit inventus, et accepto vulnere mortuus fuerit, percussor non erit reus sanguinis.

**English**

This passage has not yet been translated.

[↗](https://missale.online/biblia/en/ex/22#text-51d615e65f2b8ce7b8f8)

**Latin**

Quod si orto sole hoc fecerit, homicidium perpetravit, et ipse morietur. Si non habuerit quod pro furto reddat, ipse venundabitur.

**English**

This passage has not yet been translated.

[↗](https://missale.online/biblia/en/ex/22#text-5d4da59ebdbb384b8c9f)

**Latin**

Si inventum fuerit apud eum quod furatus est, vivens : sive bos, sive asinus, sive ovis, duplum restituet.

**English**

This passage has not yet been translated.

[↗](https://missale.online/biblia/en/ex/22#text-c9a99567837d7d8a5257)

**Latin**

Si læserit quispiam agrum vel vineam, et dimiserit jumentum suum ut depascatur aliena : quidquid optimum habuerit in agro suo, vel in vinea, pro damni æstimatione restituet.

**English**

This passage has not yet been translated.

[↗](https://missale.online/biblia/en/ex/22#text-db8941e9bfe92ba71d70)

**Latin**

Si egressus ignis invenerit spinas, et comprehenderit acervos frugum, sive stantes segetes in agris, reddet damnum qui ignem succenderit.

**English**

This passage has not yet been translated.

[↗](https://missale.online/biblia/en/ex/22#text-d18c4bffa042bddf03b6)

**Latin**

Si quis commendaverit amico pecuniam aut vas in custodiam, et ab eo, qui susceperat, furto ablata fuerint : si invenitur fur, duplum reddet :

**English**

This passage has not yet been translated.

[↗](https://missale.online/biblia/en/ex/22#text-280b739fac2695c16a42)

**Latin**

si latet fur, dominus domus applicabitur ad deos, et jurabit quod non extenderit manum in rem proximi sui,

**English**

This passage has not yet been translated.

[↗](https://missale.online/biblia/en/ex/22#text-3dd53cfa29a281509a99)

**Latin**

ad perpetrandam fraudem, tam in bove quam in asino, et ove ac vestimento, et quidquid damnum inferre potest : ad deos utriusque causa perveniet, et si illi judicaverint, duplum restituet proximo suo.

**English**

This passage has not yet been translated.

[↗](https://missale.online/biblia/en/ex/22#text-c297fce5deb3b72375f2)

**Latin**

Si quis commendaverit proximo suo asinum, bovem, ovem, et omne jumentum ad custodiam, et mortuum fuerit, aut debilitatum, vel captum ab hostibus, nullusque hoc viderit :

**English**

This passage has not yet been translated.

[↗](https://missale.online/biblia/en/ex/22#text-44b28169590526f68717)

**Latin**

jusjurandum erit in medio, quod non extenderit manum ad rem proximi sui : suscipietque dominus juramentum, et ille reddere non cogetur.

**English**

This passage has not yet been translated.

[↗](https://missale.online/biblia/en/ex/22#text-40022955d80a097e447c)

**Latin**

Quod si furto ablatum fuerit, restituet damnum domino ;

**English**

This passage has not yet been translated.

[↗](https://missale.online/biblia/en/ex/22#text-9cddad593f73adeac016)

**Latin**

si comestum a bestia, deferat ad eum quod occisum est, et non restituet.

**English**

This passage has not yet been translated.

[↗](https://missale.online/biblia/en/ex/22#text-77f0bcf628a6b2c6b32a)

**Latin**

Qui a proximo suo quidquam horum mutuo postulaverit, et debilitatum aut mortuum fuerit domino non præsente, reddere compelletur.

**English**

This passage has not yet been translated.

[↗](https://missale.online/biblia/en/ex/22#text-e93f4ea4f81375c9a221)

**Latin**

Quod si impræsentiarum dominus fuerit, non restituet, maxime si conductum venerat pro mercede operis sui.

**English**

This passage has not yet been translated.

[↗](https://missale.online/biblia/en/ex/22#text-ad0dbb7caa8136e57bff)

**Latin**

Si seduxerit quis virginem necdum desponsatam, dormieritque cum ea : dotabit eam, et habebit eam uxorem.

**English**

This passage has not yet been translated.

[↗](https://missale.online/biblia/en/ex/22#text-a344e3eeceed7e93233c)

**Latin**

Si pater virginis dare noluerit, reddet pecuniam juxta modum dotis, quam virgines accipere consueverunt.

**English**

This passage has not yet been translated.

[↗](https://missale.online/biblia/en/ex/22#text-292f98d53276b7e92ddb)

**Latin**

Maleficos non patieris vivere.

**English**

This passage has not yet been translated.

[↗](https://missale.online/biblia/en/ex/22#text-ea8c03b9efa00fc49552)

**Latin**

Qui coierit cum jumento, morte moriatur.

**English**

This passage has not yet been translated.

[↗](https://missale.online/biblia/en/ex/22#text-0b9188f9827bc9369014)

**Latin**

Qui immolat diis, occidetur, præterquam Domino soli.

**English**

This passage has not yet been translated.

[↗](https://missale.online/biblia/en/ex/22#text-4a377fb8b3ab2ddc2997)

**Latin**

Advenam non contristabis, neque affliges eum : advenæ enim et ipsi fuistis in terra Ægypti.

**English**

This passage has not yet been translated.

[↗](https://missale.online/biblia/en/ex/22#text-558828010cd7e67a3b8c)

**Latin**

Viduæ et pupillo non nocebitis.

**English**

This passage has not yet been translated.

[↗](https://missale.online/biblia/en/ex/22#text-ec73ab42682871a72627)

**Latin**

Si læseritis eos, vociferabuntur ad me, et ego audiam clamorem eorum :

**English**

This passage has not yet been translated.

[↗](https://missale.online/biblia/en/ex/22#text-67cd7490abc0fa3b8079)

**Latin**

et indignabitur furor meus, percutiamque vos gladio, et erunt uxores vestræ viduæ, et filii vestri pupilli.

**English**

This passage has not yet been translated.

[↗](https://missale.online/biblia/en/ex/22#text-3ac038d6962289bd3c26)

**Latin**

Si pecuniam mutuam dederis populo meo pauperi qui habitat tecum, non urgebis eum quasi exactor, nec usuris opprimes.

**English**

This passage has not yet been translated.

[↗](https://missale.online/biblia/en/ex/22#text-2b08b45b7a9fd92ff7f8)

**Latin**

Si pignus a proximo tuo acceperis vestimentum, ante solis occasum reddes ei.

**English**

This passage has not yet been translated.

[↗](https://missale.online/biblia/en/ex/22#text-1b9b77d3fcc49350a3f4)

**Latin**

Ipsum enim est solum, quo operitur, indumentum carnis ejus, nec habet aliud in quo dormiat : si clamaverit ad me, exaudiam eum, quia misericors sum.

**English**

This passage has not yet been translated.

[↗](https://missale.online/biblia/en/ex/22#text-21478efda9e3bd77c058)

**Latin**

Diis non detrahes, et principi populi tui non maledices.

**English**

This passage has not yet been translated.

[↗](https://missale.online/biblia/en/ex/22#text-66af0bf07849f0763ec9)

**Latin**

Decimas tuas et primitias tuas non tardabis reddere : primogenitum filiorum tuorum dabis mihi.

**English**

This passage has not yet been translated.

[↗](https://missale.online/biblia/en/ex/22#text-8ce0bbceaab8ff918d3a)

**Latin**

De bobus quoque, et ovibus similiter facies : septem diebus sit cum matre sua, die octava reddes illum mihi.

**English**

This passage has not yet been translated.

[↗](https://missale.online/biblia/en/ex/22#text-ccc106774904a733b00e)

**Latin**

Viri sancti eritis mihi : carnem, quæ a bestiis fuerit prægustata, non comedetis, sed projicietis canibus.

**English**

This passage has not yet been translated.