# Exodus · 36

> https://missale.online/biblia/en/ex/36

## Verses

[↗](https://missale.online/biblia/en/ex/36#text-738a397ca42f89be3041)

**Latin**

Fecit ergo Beseleel, et Ooliab, et omnis vir sapiens, quibus dedit Dominus sapientiam et intellectum, ut scirent fabre operari quæ in usus sanctuarii necessaria sunt, et quæ præcepit Dominus.

**English**

This passage has not yet been translated.

[↗](https://missale.online/biblia/en/ex/36#text-a431dc21500084281aad)

**Latin**

Cumque vocasset eos Moyses et omnem eruditum virum, cui dederat Dominus sapientiam, et qui sponte sua obtulerant se ad faciendum opus,

**English**

This passage has not yet been translated.

[↗](https://missale.online/biblia/en/ex/36#text-51d615e65f2b8ce7b8f8)

**Latin**

tradidit eis universa donaria filiorum Israël. Qui cum instarent operi, quotidie mane vota populus offerebat.

**English**

This passage has not yet been translated.

[↗](https://missale.online/biblia/en/ex/36#text-5d4da59ebdbb384b8c9f)

**Latin**

Unde artifices venire compulsi,

**English**

This passage has not yet been translated.

[↗](https://missale.online/biblia/en/ex/36#text-c9a99567837d7d8a5257)

**Latin**

dixerunt Moysi : Plus offert populus quam necessarium est.

**English**

This passage has not yet been translated.

[↗](https://missale.online/biblia/en/ex/36#text-db8941e9bfe92ba71d70)

**Latin**

Jussit ergo Moyses præconis voce cantari : Nec vir, nec mulier quidquam offerat ultra in opere sanctuarii. Sicque cessatum est a muneribus offerendis,

**English**

This passage has not yet been translated.

[↗](https://missale.online/biblia/en/ex/36#text-d18c4bffa042bddf03b6)

**Latin**

eo quod oblata sufficerent et superabundarent.

**English**

This passage has not yet been translated.

[↗](https://missale.online/biblia/en/ex/36#text-280b739fac2695c16a42)

**Latin**

Feceruntque omnes corde sapientes ad explendum opus tabernaculi, cortinas decem de bysso retorta, et hyacintho, et purpura, coccoque bis tincto, opere vario, et arte polymita :

**English**

This passage has not yet been translated.

[↗](https://missale.online/biblia/en/ex/36#text-3dd53cfa29a281509a99)

**Latin**

quarum una habebat in longitudine viginti octo cubitos, et in latitudine quatuor ; una mensura erat omnium cortinarum.

**English**

This passage has not yet been translated.

[↗](https://missale.online/biblia/en/ex/36#text-c297fce5deb3b72375f2)

**Latin**

Conjunxitque cortinas quinque, alteram alteri, et alias quinque sibi invicem copulavit.

**English**

This passage has not yet been translated.

[↗](https://missale.online/biblia/en/ex/36#text-44b28169590526f68717)

**Latin**

Fecit et ansas hyacinthinas in ora cortinæ unius ex utroque latere, et in ora cortinæ alterius similiter,

**English**

This passage has not yet been translated.

[↗](https://missale.online/biblia/en/ex/36#text-40022955d80a097e447c)

**Latin**

ut contra se invicem venirent ansæ, et mutuo jungerentur.

**English**

This passage has not yet been translated.

[↗](https://missale.online/biblia/en/ex/36#text-9cddad593f73adeac016)

**Latin**

Unde et quinquaginta fudit circulos aureos, qui morderent cortinarum ansas, et fieret unum tabernaculum.

**English**

This passage has not yet been translated.

[↗](https://missale.online/biblia/en/ex/36#text-77f0bcf628a6b2c6b32a)

**Latin**

Fecit et saga undecim de pilis caprarum ad operiendum tectum tabernaculi :

**English**

This passage has not yet been translated.

[↗](https://missale.online/biblia/en/ex/36#text-e93f4ea4f81375c9a221)

**Latin**

unum sagum in longitudine habebat cubitos triginta, et in latitudine cubitos quatuor : unius mensuræ erant omnia saga :

**English**

This passage has not yet been translated.

[↗](https://missale.online/biblia/en/ex/36#text-ad0dbb7caa8136e57bff)

**Latin**

quorum quinque junxit seorsum, et sex alia separatim.

**English**

This passage has not yet been translated.

[↗](https://missale.online/biblia/en/ex/36#text-a344e3eeceed7e93233c)

**Latin**

Fecitque ansas quinquaginta in ora sagi unius, et quinquaginta in ora sagi alterius, ut sibi invicem jungerentur.

**English**

This passage has not yet been translated.

[↗](https://missale.online/biblia/en/ex/36#text-292f98d53276b7e92ddb)

**Latin**

Et fibulas æneas quinquaginta, quibus necteretur tectum, ut unum pallium ex omnibus sagis fieret.

**English**

This passage has not yet been translated.

[↗](https://missale.online/biblia/en/ex/36#text-ea8c03b9efa00fc49552)

**Latin**

Fecit et opertorium tabernaculi de pellibus arietum rubricatis : aliudque desuper velamentum de pellibus janthinis.

**English**

This passage has not yet been translated.

[↗](https://missale.online/biblia/en/ex/36#text-0b9188f9827bc9369014)

**Latin**

Fecit et tabulas tabernaculi de lignis setim stantes.

**English**

This passage has not yet been translated.

[↗](https://missale.online/biblia/en/ex/36#text-4a377fb8b3ab2ddc2997)

**Latin**

Decem cubitorum erat longitudo tabulæ unius : et unum ac semis cubitum latitudo retinebat.

**English**

This passage has not yet been translated.

[↗](https://missale.online/biblia/en/ex/36#text-558828010cd7e67a3b8c)

**Latin**

Binæ incastraturæ erant per singulas tabulas, ut altera alteri jungeretur. Sic fecit in omnibus tabernaculi tabulis.

**English**

This passage has not yet been translated.

[↗](https://missale.online/biblia/en/ex/36#text-ec73ab42682871a72627)

**Latin**

E quibus viginti ad plagam meridianam erant contra austrum,

**English**

This passage has not yet been translated.

[↗](https://missale.online/biblia/en/ex/36#text-67cd7490abc0fa3b8079)

**Latin**

cum quadraginta basibus argenteis. Duæ bases sub una tabula ponebantur ex utraque parte angulorum, ubi incastraturæ laterum in angulis terminantur.

**English**

This passage has not yet been translated.

[↗](https://missale.online/biblia/en/ex/36#text-3ac038d6962289bd3c26)

**Latin**

Ad plagam quoque tabernaculi, quæ respicit ad aquilonem, fecit viginti tabulas,

**English**

This passage has not yet been translated.

[↗](https://missale.online/biblia/en/ex/36#text-2b08b45b7a9fd92ff7f8)

**Latin**

cum quadraginta basibus argenteis, duas bases per singulas tabulas.

**English**

This passage has not yet been translated.

[↗](https://missale.online/biblia/en/ex/36#text-1b9b77d3fcc49350a3f4)

**Latin**

Contra occidentem vero, id est, ad eam partem tabernaculi quæ mare respicit, fecit sex tabulas,

**English**

This passage has not yet been translated.

[↗](https://missale.online/biblia/en/ex/36#text-21478efda9e3bd77c058)

**Latin**

et duas alias per singulos angulos tabernaculi retro :

**English**

This passage has not yet been translated.

[↗](https://missale.online/biblia/en/ex/36#text-66af0bf07849f0763ec9)

**Latin**

quæ junctæ erant a deorsum usque sursum, et in unam compaginem pariter ferebantur. Ita fecit ex utraque parte per angulos :

**English**

This passage has not yet been translated.

[↗](https://missale.online/biblia/en/ex/36#text-8ce0bbceaab8ff918d3a)

**Latin**

ut octo essent simul tabulæ, et haberent bases argenteas sedecim, binas scilicet bases sub singulis tabulis.

**English**

This passage has not yet been translated.

[↗](https://missale.online/biblia/en/ex/36#text-ccc106774904a733b00e)

**Latin**

Fecit et vectes de lignis setim, quinque ad continendas tabulas unius lateris tabernaculi,

**English**

This passage has not yet been translated.

[↗](https://missale.online/biblia/en/ex/36#text-3885b8fb3f9b0c24fd89)

**Latin**

et quinque alios ad alterius lateris coaptandas tabulas : et extra hos, quinque alios vectes ad occidentalem plagam tabernaculi contra mare.

**English**

This passage has not yet been translated.

[↗](https://missale.online/biblia/en/ex/36#text-578310eff006266469cc)

**Latin**

Fecit quoque vectem alium, qui per medias tabulas ab angulo usque ad angulum perveniret.

**English**

This passage has not yet been translated.

[↗](https://missale.online/biblia/en/ex/36#text-fe2917b9f5e3cb90d74f)

**Latin**

Ipsa autem tabulata deauravit, fusis basibus earum argenteis. Et circulos eorum fecit aureos, per quos vectes induci possent : quos et ipsos laminis aureis operuit.

**English**

This passage has not yet been translated.

[↗](https://missale.online/biblia/en/ex/36#text-79e5363277408edadf4d)

**Latin**

Fecit et velum de hyacintho, et purpura, vermiculo, ac bysso retorta, opere polymitario, varium atque distinctum :

**English**

This passage has not yet been translated.

[↗](https://missale.online/biblia/en/ex/36#text-5f3b65a9d805032a9ee2)

**Latin**

et quatuor columnas de lignis setim, quas cum capitibus deauravit, fusis basibus earum argenteis.

**English**

This passage has not yet been translated.

[↗](https://missale.online/biblia/en/ex/36#text-762d295fd73e6f7c5976)

**Latin**

Fecit et tentorium in introitu tabernaculi ex hyacintho, purpura, vermiculo, byssoque retorta, opere plumarii :

**English**

This passage has not yet been translated.

[↗](https://missale.online/biblia/en/ex/36#text-cda9e96bec793da3010d)

**Latin**

et columnas quinque cum capitibus suis, quas operuit auro, basesque earum fudit æneas.

**English**

This passage has not yet been translated.