# Ezekiel · 1

> https://missale.online/biblia/en/ez/1

## Verses

[↗](https://missale.online/biblia/en/ez/1#text-738a397ca42f89be3041)

**Latin**

Et factum est in trigesimo anno, in quarto, in quinta mensis, cum essem in medio captivorum juxta fluvium Chobar, aperti sunt cæli, et vidi visiones Dei.

**English**

This passage has not yet been translated.

[↗](https://missale.online/biblia/en/ez/1#text-a431dc21500084281aad)

**Latin**

In quinta mensis, ipse est annus quintus transmigrationis regis Joachin,

**English**

This passage has not yet been translated.

[↗](https://missale.online/biblia/en/ez/1#text-51d615e65f2b8ce7b8f8)

**Latin**

factum est verbum Domini ad Ezechielem filium Buzi sacerdotem, in terra Chaldæorum, secus flumen Chobar : et facta est super eum ibi manus Domini.

**English**

This passage has not yet been translated.

[↗](https://missale.online/biblia/en/ez/1#text-5d4da59ebdbb384b8c9f)

**Latin**

Et vidi, et ecce ventus turbinis veniebat ab aquilone, et nubes magna, et ignis involvens, et splendor in circuitu ejus : et de medio ejus, quasi species electri, id est, de medio ignis :

**English**

This passage has not yet been translated.

[↗](https://missale.online/biblia/en/ez/1#text-c9a99567837d7d8a5257)

**Latin**

et in medio ejus similitudo quatuor animalium. Et hic aspectus eorum, similitudo hominis in eis.

**English**

This passage has not yet been translated.

[↗](https://missale.online/biblia/en/ez/1#text-db8941e9bfe92ba71d70)

**Latin**

Quatuor facies uni, et quatuor pennæ uni.

**English**

This passage has not yet been translated.

[↗](https://missale.online/biblia/en/ez/1#text-d18c4bffa042bddf03b6)

**Latin**

Pedes eorum, pedes recti, et planta pedis eorum quasi planta pedis vituli : et scintillæ quasi aspectus æris candentis.

**English**

This passage has not yet been translated.

[↗](https://missale.online/biblia/en/ez/1#text-280b739fac2695c16a42)

**Latin**

Et manus hominis sub pennis eorum, in quatuor partibus : et facies et pennas per quatuor partes habebant.

**English**

This passage has not yet been translated.

[↗](https://missale.online/biblia/en/ez/1#text-3dd53cfa29a281509a99)

**Latin**

Junctæque erant pennæ eorum alterius ad alterum : non revertebantur cum incederent, sed unumquodque ante faciem suam gradiebatur.

**English**

This passage has not yet been translated.

[↗](https://missale.online/biblia/en/ez/1#text-c297fce5deb3b72375f2)

**Latin**

Similitudo autem vultus eorum, facies hominis et facies leonis a dextris ipsorum quatuor, facies autem bovis a sinistris ipsorum quatuor, et facies aquilæ desuper ipsorum quatuor.

**English**

This passage has not yet been translated.

[↗](https://missale.online/biblia/en/ez/1#text-44b28169590526f68717)

**Latin**

Facies eorum et pennæ eorum extentæ desuper : duæ pennæ singulorum jungebantur, et duæ tegebant corpora eorum.

**English**

This passage has not yet been translated.

[↗](https://missale.online/biblia/en/ez/1#text-40022955d80a097e447c)

**Latin**

Et unumquodque eorum coram facie sua ambulabat : ubi erat impetus spiritus, illuc gradiebantur, nec revertebantur cum ambularent.

**English**

This passage has not yet been translated.

[↗](https://missale.online/biblia/en/ez/1#text-9cddad593f73adeac016)

**Latin**

Et similitudo animalium, aspectus eorum quasi carbonum ignis ardentium, et quasi aspectus lampadarum : hæc erat visio discurrens in medio animalium, splendor ignis, et de igne fulgur egrediens.

**English**

This passage has not yet been translated.

[↗](https://missale.online/biblia/en/ez/1#text-77f0bcf628a6b2c6b32a)

**Latin**

Et animalia ibant et revertebantur, in similitudinem fulguris coruscantis.

**English**

This passage has not yet been translated.

[↗](https://missale.online/biblia/en/ez/1#text-e93f4ea4f81375c9a221)

**Latin**

Cumque aspicerem animalia, apparuit rota una super terram juxta animalia, habens quatuor facies.

**English**

This passage has not yet been translated.

[↗](https://missale.online/biblia/en/ez/1#text-ad0dbb7caa8136e57bff)

**Latin**

Et aspectus rotarum et opus earum quasi visio maris : et una similitudo ipsarum quatuor : et aspectus earum et opera quasi sit rota in medio rotæ.

**English**

This passage has not yet been translated.

[↗](https://missale.online/biblia/en/ez/1#text-a344e3eeceed7e93233c)

**Latin**

Per quatuor partes earum euntes ibant, et non revertebantur cum ambularent.

**English**

This passage has not yet been translated.

[↗](https://missale.online/biblia/en/ez/1#text-292f98d53276b7e92ddb)

**Latin**

Statura quoque erat rotis, et altitudo, et horribilis aspectus : et totum corpus oculis plenum in circuitu ipsarum quatuor.

**English**

This passage has not yet been translated.

[↗](https://missale.online/biblia/en/ez/1#text-ea8c03b9efa00fc49552)

**Latin**

Cumque ambularent animalia, ambulabant pariter et rotæ juxta ea : et cum elevarentur animalia de terra, elevabantur simul et rotæ.

**English**

This passage has not yet been translated.

[↗](https://missale.online/biblia/en/ez/1#text-0b9188f9827bc9369014)

**Latin**

Quocumque ibat spiritus, illuc, eunte spiritu, et rotæ pariter elevabantur sequentes eum : spiritus enim vitæ erat in rotis.

**English**

This passage has not yet been translated.

[↗](https://missale.online/biblia/en/ez/1#text-4a377fb8b3ab2ddc2997)

**Latin**

Cum euntibus ibant, et cum stantibus stabant : et cum elevatis a terra, pariter elevabantur et rotæ sequentes ea, quia spiritus vitæ erat in rotis.

**English**

This passage has not yet been translated.

[↗](https://missale.online/biblia/en/ez/1#text-558828010cd7e67a3b8c)

**Latin**

Et similitudo super capita animalium firmamenti, quasi aspectus crystalli horribilis, et extenti super capita eorum desuper.

**English**

This passage has not yet been translated.

[↗](https://missale.online/biblia/en/ez/1#text-ec73ab42682871a72627)

**Latin**

Sub firmamento autem pennæ eorum rectæ alterius ad alterum : unumquodque duabus alis velabat corpus suum, et alterum similiter velabatur.

**English**

This passage has not yet been translated.

[↗](https://missale.online/biblia/en/ez/1#text-67cd7490abc0fa3b8079)

**Latin**

Et audiebam sonum alarum, quasi sonum aquarum multarum, quasi sonum sublimis Dei : cum ambularent, quasi sonus erat multitudinis ut sonus castrorum : cumque starent, demittebantur pennæ eorum.

**English**

This passage has not yet been translated.

[↗](https://missale.online/biblia/en/ez/1#text-3ac038d6962289bd3c26)

**Latin**

Nam cum fieret vox super firmamentum quod erat super caput eorum, stabant, et submittebant alas suas.

**English**

This passage has not yet been translated.

[↗](https://missale.online/biblia/en/ez/1#text-2b08b45b7a9fd92ff7f8)

**Latin**

Et super firmamentum quod erat imminens capiti eorum, quasi aspectus lapidis sapphiri similitudo throni : et super similitudinem throni similitudo quasi aspectus hominis desuper.

**English**

This passage has not yet been translated.

[↗](https://missale.online/biblia/en/ez/1#text-1b9b77d3fcc49350a3f4)

**Latin**

Et vidi quasi speciem electri, velut aspectum ignis, intrinsecus ejus per circuitum : a lumbis ejus et desuper, et a lumbis ejus usque deorsum, vidi quasi speciem ignis splendentis in circuitu,

**English**

This passage has not yet been translated.

[↗](https://missale.online/biblia/en/ez/1#text-21478efda9e3bd77c058)

**Latin**

velut aspectum arcus cum fuerit in nube in die pluviæ. Hic erat aspectus splendoris per gyrum.

**English**

This passage has not yet been translated.