# Ezekiel · 23

> https://missale.online/biblia/en/ez/23

## Verses

[↗](https://missale.online/biblia/en/ez/23#text-738a397ca42f89be3041)

**Latin**

Et factus est sermo Domini ad me, dicens :

**English**

This passage has not yet been translated.

[↗](https://missale.online/biblia/en/ez/23#text-a431dc21500084281aad)

**Latin**

Fili hominis, duæ mulieres filiæ matris unius fuerunt :

**English**

This passage has not yet been translated.

[↗](https://missale.online/biblia/en/ez/23#text-51d615e65f2b8ce7b8f8)

**Latin**

et fornicatæ sunt in Ægypto,
in adolescentia sua fornicatæ sunt :
ibi subacta sunt ubera earum,
et fractæ sunt mammæ pubertatis earum.

**English**

This passage has not yet been translated.

[↗](https://missale.online/biblia/en/ez/23#text-5d4da59ebdbb384b8c9f)

**Latin**

Nomina autem earum,
Oolla major, et Ooliba soror ejus minor :
et habui eas, et pepererunt filios et filias.
Porro earum nomina,
Samaria Oolla, et Jerusalem Ooliba.

**English**

This passage has not yet been translated.

[↗](https://missale.online/biblia/en/ez/23#text-c9a99567837d7d8a5257)

**Latin**

Fornicata est igitur super me Oolla,
et insanivit in amatores suos,
in Assyrios propinquantes,

**English**

This passage has not yet been translated.

[↗](https://missale.online/biblia/en/ez/23#text-db8941e9bfe92ba71d70)

**Latin**

vestitos hyacintho,
principes et magistratus,
juvenes cupidinis,
universos equites, ascensores equorum.

**English**

This passage has not yet been translated.

[↗](https://missale.online/biblia/en/ez/23#text-d18c4bffa042bddf03b6)

**Latin**

Et dedit fornicationes suas super eos electos,
filios Assyriorum universos :
et in omnibus in quos insanivit,
in immunditiis eorum polluta est.

**English**

This passage has not yet been translated.

[↗](https://missale.online/biblia/en/ez/23#text-280b739fac2695c16a42)

**Latin**

Insuper et fornicationes suas, quas habuerat in Ægypto, non reliquit :
nam et illi dormierunt cum ea in adolescentia ejus,
et illi confregerunt ubera pubertatis ejus,
et effuderunt fornicationem suam super eam.

**English**

This passage has not yet been translated.

[↗](https://missale.online/biblia/en/ez/23#text-3dd53cfa29a281509a99)

**Latin**

Propterea tradidi eam in manus amatorum suorum,
in manus filiorum Assur,
super quorum insanivit libidine.

**English**

This passage has not yet been translated.

[↗](https://missale.online/biblia/en/ez/23#text-c297fce5deb3b72375f2)

**Latin**

Ipsi discooperuerunt ignominiam ejus,
filios et filias ejus tulerunt,
et ipsam occiderunt gladio :
et factæ sunt famosæ mulieres,
et judicia perpetraverunt in ea.

**English**

This passage has not yet been translated.

[↗](https://missale.online/biblia/en/ez/23#text-44b28169590526f68717)

**Latin**

Quod cum vidisset soror ejus Ooliba,
plus quam illa insanivit libidine,
et fornicationem suam super fornicationem sororis suæ :

**English**

This passage has not yet been translated.

[↗](https://missale.online/biblia/en/ez/23#text-40022955d80a097e447c)

**Latin**

ad filios Assyriorum præbuit impudenter,
ducibus et magistratibus ad se venientibus,
indutis veste varia,
equitibus qui vectabantur equis,
et adolescentibus forma cunctis egregia.

**English**

This passage has not yet been translated.

[↗](https://missale.online/biblia/en/ez/23#text-9cddad593f73adeac016)

**Latin**

Et vidi quod polluta esset via una ambarum.

**English**

This passage has not yet been translated.

[↗](https://missale.online/biblia/en/ez/23#text-77f0bcf628a6b2c6b32a)

**Latin**

Et auxit fornicationes suas :
cumque vidisset viros depictos in pariete,
imagines Chaldæorum expressas coloribus,

**English**

This passage has not yet been translated.

[↗](https://missale.online/biblia/en/ez/23#text-e93f4ea4f81375c9a221)

**Latin**

et accinctos balteis renes,
et tiaras tinctas in capitibus eorum,
formam ducum omnium,
similitudinem filiorum Babylonis,
terræque Chaldæorum, in qua orti sunt,

**English**

This passage has not yet been translated.

[↗](https://missale.online/biblia/en/ez/23#text-ad0dbb7caa8136e57bff)

**Latin**

insanivit super eos concupiscentia oculorum suorum,
et misit nuntios ad eos in Chaldæam.

**English**

This passage has not yet been translated.

[↗](https://missale.online/biblia/en/ez/23#text-a344e3eeceed7e93233c)

**Latin**

Cumque venissent ad eam filii Babylonis ad cubile mammarum,
polluerunt eam stupris suis :
et polluta est ab eis,
et saturata est anima ejus ab illis.

**English**

This passage has not yet been translated.

[↗](https://missale.online/biblia/en/ez/23#text-292f98d53276b7e92ddb)

**Latin**

Denudavit quoque fornicationes suas,
et discooperuit ignominiam suam :
et recessit anima mea ab ea,
sicut recesserat anima mea a sorore ejus :

**English**

This passage has not yet been translated.

[↗](https://missale.online/biblia/en/ez/23#text-ea8c03b9efa00fc49552)

**Latin**

multiplicavit enim fornicationes suas,
recordans dies adolescentiæ suæ,
quibus fornicata est in terra Ægypti.

**English**

This passage has not yet been translated.

[↗](https://missale.online/biblia/en/ez/23#text-0b9188f9827bc9369014)

**Latin**

Et insanivit libidine super concubitum eorum,
quorum carnes sunt ut carnes asinorum,
et sicut fluxus equorum fluxus eorum.

**English**

This passage has not yet been translated.

[↗](https://missale.online/biblia/en/ez/23#text-4a377fb8b3ab2ddc2997)

**Latin**

Et visitasti scelus adolescentiæ tuæ,
quando subacta sunt in Ægypto ubera tua,
et confractæ sunt mammæ pubertatis tuæ.

**English**

This passage has not yet been translated.

[↗](https://missale.online/biblia/en/ez/23#text-558828010cd7e67a3b8c)

**Latin**

Propterea, Ooliba, hæc dicit Dominus Deus :
Ecce ego suscitabo omnes amatores tuos contra te,
de quibus satiata est anima tua,
et congregabo eos adversum te in circuitu :

**English**

This passage has not yet been translated.

[↗](https://missale.online/biblia/en/ez/23#text-ec73ab42682871a72627)

**Latin**

filios Babylonis, et universos Chaldæos,
nobiles, tyrannosque, et principes,
omnes filios Assyriorum,
juvenes forma egregia,
duces et magistratus universos,
principes principum, et nominatos ascensores equorum :

**English**

This passage has not yet been translated.

[↗](https://missale.online/biblia/en/ez/23#text-67cd7490abc0fa3b8079)

**Latin**

et venient super te instructi curru et rota,
multitudo populorum :
lorica, et clypeo, et galea armabuntur contra te undique :
et dabo coram eis judicium,
et judicabunt te judiciis suis.

**English**

This passage has not yet been translated.

[↗](https://missale.online/biblia/en/ez/23#text-3ac038d6962289bd3c26)

**Latin**

Et ponam zelum meum in te,
quem exercent tecum in furore :
nasum tuum et aures tuas præcident,
et quæ remanserint, gladio concident.
Ipsi filios tuos et filias tuas capient,
et novissimum tuum devorabitur igni :

**English**

This passage has not yet been translated.

[↗](https://missale.online/biblia/en/ez/23#text-2b08b45b7a9fd92ff7f8)

**Latin**

et denudabunt te vestimentis tuis,
et tollent vasa gloriæ tuæ.

**English**

This passage has not yet been translated.

[↗](https://missale.online/biblia/en/ez/23#text-1b9b77d3fcc49350a3f4)

**Latin**

Et requiescere faciam scelus tuum de te,
et fornicationem tuam de terra Ægypti :
nec levabis oculos tuos ad eos,
et Ægypti non recordaberis amplius.

**English**

This passage has not yet been translated.

[↗](https://missale.online/biblia/en/ez/23#text-21478efda9e3bd77c058)

**Latin**

Quia hæc dicit Dominus Deus :
Ecce ego tradam te in manus eorum quos odisti,
in manus de quibus satiata est anima tua.

**English**

This passage has not yet been translated.

[↗](https://missale.online/biblia/en/ez/23#text-66af0bf07849f0763ec9)

**Latin**

Et agent tecum in odio,
et tollent omnes labores tuos,
et dimittent te nudam et ignominia plenam :
et revelabitur ignominia fornicationum tuarum,
scelus tuum, et fornicationes tuæ.

**English**

This passage has not yet been translated.

[↗](https://missale.online/biblia/en/ez/23#text-8ce0bbceaab8ff918d3a)

**Latin**

Fecerunt hæc tibi,
quia fornicata es post gentes
inter quas polluta es in idolis earum.

**English**

This passage has not yet been translated.

[↗](https://missale.online/biblia/en/ez/23#text-ccc106774904a733b00e)

**Latin**

In via sororis tuæ ambulasti,
et dabo calicem ejus in manu tua.

**English**

This passage has not yet been translated.

[↗](https://missale.online/biblia/en/ez/23#text-3885b8fb3f9b0c24fd89)

**Latin**

Hæc dicit Dominus Deus :
Calicem sororis tuæ bibes profundum et latum :
eris in derisum et in subsannationem quæ est capacissima.

**English**

This passage has not yet been translated.

[↗](https://missale.online/biblia/en/ez/23#text-578310eff006266469cc)

**Latin**

Ebrietate et dolore repleberis :
calice mœroris et tristitiæ,
calice sororis tuæ Samariæ.

**English**

This passage has not yet been translated.

[↗](https://missale.online/biblia/en/ez/23#text-fe2917b9f5e3cb90d74f)

**Latin**

Et bibes illum, et epotabis usque ad fæces :
et fragmenta ejus devorabis,
et ubera tua lacerabis,
quia ego locutus sum, ait Dominus Deus.

**English**

This passage has not yet been translated.

[↗](https://missale.online/biblia/en/ez/23#text-79e5363277408edadf4d)

**Latin**

Propterea hæc dicit Dominus Deus :
Quia oblita es mei,
et projecisti me post corpus tuum,
tu quoque porta scelus tuum et fornicationes tuas.

**English**

This passage has not yet been translated.

[↗](https://missale.online/biblia/en/ez/23#text-5f3b65a9d805032a9ee2)

**Latin**

Et ait Dominus ad me, dicens : Fili hominis, numquid judicas Oollam et Oolibam,
et annuntias eis scelera earum ?

**English**

This passage has not yet been translated.

[↗](https://missale.online/biblia/en/ez/23#text-762d295fd73e6f7c5976)

**Latin**

Quia adulteratæ sunt, et sanguis in manibus earum,
et cum idolis suis fornicatæ sunt :
insuper et filios suos quos genuerunt mihi,
obtulerunt eis ad devorandum.

**English**

This passage has not yet been translated.

[↗](https://missale.online/biblia/en/ez/23#text-cda9e96bec793da3010d)

**Latin**

Sed et hoc fecerunt mihi :
polluerunt sanctuarium meum in die illa,
et sabbata mea profanaverunt.

**English**

This passage has not yet been translated.

[↗](https://missale.online/biblia/en/ez/23#text-c9ba0458566bc71ea2f2)

**Latin**

Cumque immolarent filios suos idolis suis,
et ingrederentur sanctuarium meum in die illa ut polluerent illud,
etiam hæc fecerunt in medio domus meæ.

**English**

This passage has not yet been translated.

[↗](https://missale.online/biblia/en/ez/23#text-0a338341cf79beb16c8c)

**Latin**

Miserunt ad viros venientes de longe,
ad quos nuntium miserant :
itaque ecce venerunt quibus te lavisti,
et circumlinisti stibio oculos tuos,
et ornata es mundo muliebri.

**English**

This passage has not yet been translated.

[↗](https://missale.online/biblia/en/ez/23#text-4f0f2d4b48873fb3fb7d)

**Latin**

Sedisti in lecto pulcherrimo,
et mensa ornata est ante te :
thymiama meum et unguentum meum posuisti super eam.

**English**

This passage has not yet been translated.

[↗](https://missale.online/biblia/en/ez/23#text-fc584dea5d0f34768064)

**Latin**

Et vox multitudinis exsultantis erat in ea :
et in viris, qui de multitudine hominum adducebantur,
et veniebant de deserto,
posuerunt armillas in manibus eorum,
et coronas speciosas in capitibus eorum.

**English**

This passage has not yet been translated.

[↗](https://missale.online/biblia/en/ez/23#text-1d4c9d6a2b609d4d8862)

**Latin**

Et dixi ei, quæ attrita est in adulteriis :
Nunc fornicabitur in fornicatione sua etiam hæc.

**English**

This passage has not yet been translated.

[↗](https://missale.online/biblia/en/ez/23#text-19e6b234a9c4be7552a1)

**Latin**

Et ingressi sunt ad eam quasi ad mulierem meretricem :
sic ingrediebantur ad Oollam et Oolibam, mulieres nefarias.

**English**

This passage has not yet been translated.

[↗](https://missale.online/biblia/en/ez/23#text-bd57201e01a06d00b9fb)

**Latin**

Viri ergo justi sunt :
hi judicabunt eas judicio adulterarum,
et judicio effundentium sanguinem :
quia adulteræ sunt,
et sanguis in manibus earum.

**English**

This passage has not yet been translated.

[↗](https://missale.online/biblia/en/ez/23#text-73f4c9ab3d7f51b5198b)

**Latin**

Hæc enim dicit Dominus Deus :
Adduc ad eas multitudinem,
et trade eas in tumultum et in rapinam.

**English**

This passage has not yet been translated.

[↗](https://missale.online/biblia/en/ez/23#text-523c85936a7443f13d60)

**Latin**

Et lapidentur lapidibus populorum,
et confodiantur gladiis eorum :
filios et filias earum interficient,
et domos earum igne succendent.

**English**

This passage has not yet been translated.

[↗](https://missale.online/biblia/en/ez/23#text-22c467dc90ab9559a57d)

**Latin**

Et auferam scelus de terra,
et discent omnes mulieres ne faciant secundum scelus earum.

**English**

This passage has not yet been translated.

[↗](https://missale.online/biblia/en/ez/23#text-5bd5d3b5b9a9e19b5ca1)

**Latin**

Et dabunt scelus vestrum super vos,
et peccata idolorum vestrorum portabitis :
et scietis quia ego Dominus Deus.

**English**

This passage has not yet been translated.