# Ezekiel · 33

> https://missale.online/biblia/en/ez/33

## Verses

[↗](https://missale.online/biblia/en/ez/33#text-738a397ca42f89be3041)

**Latin**

Et factum est verbum Domini ad me, dicens :

**English**

This passage has not yet been translated.

[↗](https://missale.online/biblia/en/ez/33#text-a431dc21500084281aad)

**Latin**

Fili hominis, loquere ad filios populi tui, et dices ad eos : Terra, cum induxero super eam gladium, et tulerit populus terræ virum unum de novissimis suis, et constituerit eum super se speculatorem :

**English**

This passage has not yet been translated.

[↗](https://missale.online/biblia/en/ez/33#text-51d615e65f2b8ce7b8f8)

**Latin**

et ille viderit gladium venientem super terram, et cecinerit buccina, et annuntiaverit populo :

**English**

This passage has not yet been translated.

[↗](https://missale.online/biblia/en/ez/33#text-5d4da59ebdbb384b8c9f)

**Latin**

audiens autem quisquis ille est sonitum buccinæ, et non se observaverit, veneritque gladius, et tulerit eum : sanguis ipsius super caput ejus erit.

**English**

This passage has not yet been translated.

[↗](https://missale.online/biblia/en/ez/33#text-c9a99567837d7d8a5257)

**Latin**

Sonum buccinæ audivit, et non se observavit : sanguis ejus in ipso erit. Si autem se custodierit, animam suam salvabit.

**English**

This passage has not yet been translated.

[↗](https://missale.online/biblia/en/ez/33#text-db8941e9bfe92ba71d70)

**Latin**

Quod si speculator viderit gladium venientem, et non insonuerit buccina, et populus se non custodierit, veneritque gladius, et tulerit de eis animam : ille quidem in iniquitate sua captus est ; sanguinem autem ejus de manu speculatoris requiram.

**English**

This passage has not yet been translated.

[↗](https://missale.online/biblia/en/ez/33#text-d18c4bffa042bddf03b6)

**Latin**

Et tu, fili hominis, speculatorem dedi te domui Israël : audiens ergo ex ore meo sermonem, annuntiabis eis ex me.

**English**

This passage has not yet been translated.

[↗](https://missale.online/biblia/en/ez/33#text-280b739fac2695c16a42)

**Latin**

Si me dicente ad impium : Impie, morte morieris : non fueris locutus ut se custodiat impius a via sua, ipse impius in iniquitate sua morietur ; sanguinem autem ejus de manu tua requiram.

**English**

This passage has not yet been translated.

[↗](https://missale.online/biblia/en/ez/33#text-3dd53cfa29a281509a99)

**Latin**

Si autem annuntiante te ad impium ut a viis suis convertatur, non fuerit conversus a via sua, ipse in iniquitate sua morietur, porro tu animam tuam liberasti.

**English**

This passage has not yet been translated.

[↗](https://missale.online/biblia/en/ez/33#text-c297fce5deb3b72375f2)

**Latin**

Tu ergo, fili hominis, dic ad domum Israël : Sic locuti estis, dicentes : Iniquitates nostræ et peccata nostra super nos sunt, et in ipsis nos tabescimus : quomodo ergo vivere poterimus ?

**English**

This passage has not yet been translated.

[↗](https://missale.online/biblia/en/ez/33#text-44b28169590526f68717)

**Latin**

Dic ad eos : Vivo ego, dicit Dominus Deus, nolo mortem impii, sed ut convertatur impius a via sua, et vivat. Convertimini, convertimini a viis vestris pessimis, et quare moriemini, domus Israël ?

**English**

This passage has not yet been translated.

[↗](https://missale.online/biblia/en/ez/33#text-40022955d80a097e447c)

**Latin**

Tu itaque, fili hominis, dic ad filios populi tui : Justitia justi non liberabit eum, in quacumque die peccaverit, et impietas impii non nocebit ei, in quacumque die conversus fuerit ab impietate sua : et justus non poterit vivere in justitia sua, in quacumque die peccaverit.

**English**

This passage has not yet been translated.

[↗](https://missale.online/biblia/en/ez/33#text-9cddad593f73adeac016)

**Latin**

Etiamsi dixero justo quod vita vivat, et confisus in justitia sua fecerit iniquitatem, omnes justitiæ ejus oblivioni tradentur, et in iniquitate sua quam operatus est, in ipsa morietur.

**English**

This passage has not yet been translated.

[↗](https://missale.online/biblia/en/ez/33#text-77f0bcf628a6b2c6b32a)

**Latin**

Si autem dixero impio : Morte morieris : et egerit pœnitentiam a peccato suo, feceritque judicium et justitiam,

**English**

This passage has not yet been translated.

[↗](https://missale.online/biblia/en/ez/33#text-e93f4ea4f81375c9a221)

**Latin**

et pignus restituerit ille impius, rapinamque reddiderit, in mandatis vitæ ambulaverit, nec fecerit quidquam injustum : vita vivet, et non morietur.

**English**

This passage has not yet been translated.

[↗](https://missale.online/biblia/en/ez/33#text-ad0dbb7caa8136e57bff)

**Latin**

Omnia peccata ejus quæ peccavit, non imputabuntur ei : judicium et justitiam fecit : vita vivet.

**English**

This passage has not yet been translated.

[↗](https://missale.online/biblia/en/ez/33#text-a344e3eeceed7e93233c)

**Latin**

Et dixerunt filii populi tui : Non est æqui ponderis via Domini : et ipsorum via injusta est.

**English**

This passage has not yet been translated.

[↗](https://missale.online/biblia/en/ez/33#text-292f98d53276b7e92ddb)

**Latin**

Cum enim recesserit justus a justitia sua, feceritque iniquitates, morietur in eis.

**English**

This passage has not yet been translated.

[↗](https://missale.online/biblia/en/ez/33#text-ea8c03b9efa00fc49552)

**Latin**

Et cum recesserit impius ab impietate sua, feceritque judicium et justitiam, vivet in eis.

**English**

This passage has not yet been translated.

[↗](https://missale.online/biblia/en/ez/33#text-0b9188f9827bc9369014)

**Latin**

Et dicitis : Non est recta via Domini. Unumquemque juxta vias suas judicabo de vobis, domus Israël.

**English**

This passage has not yet been translated.

[↗](https://missale.online/biblia/en/ez/33#text-4a377fb8b3ab2ddc2997)

**Latin**

Et factum est in duodecimo anno, in decimo mense, in quinta mensis transmigrationis nostræ, venit ad me qui fugerat de Jerusalem, dicens : Vastata est civitas.

**English**

This passage has not yet been translated.

[↗](https://missale.online/biblia/en/ez/33#text-558828010cd7e67a3b8c)

**Latin**

Manus autem Domini facta fuerat ad me vespere, antequam veniret qui fugerat : aperuitque os meum donec veniret ad me mane : et aperto ore meo, non silui amplius.

**English**

This passage has not yet been translated.

[↗](https://missale.online/biblia/en/ez/33#text-ec73ab42682871a72627)

**Latin**

Et factum est verbum Domini ad me, dicens :

**English**

This passage has not yet been translated.

[↗](https://missale.online/biblia/en/ez/33#text-67cd7490abc0fa3b8079)

**Latin**

Fili hominis, qui habitant in ruinosis his super humum Israël, loquentes aiunt : Unus erat Abraham, et hæreditate possedit terram : nos autem multi sumus : nobis data est terra in possessionem.

**English**

This passage has not yet been translated.

[↗](https://missale.online/biblia/en/ez/33#text-3ac038d6962289bd3c26)

**Latin**

Idcirco dices ad eos : Hæc dicit Dominus Deus : Qui in sanguine comeditis, et oculos vestros levatis ad immunditias vestras, et sanguinem funditis, numquid terram hæreditate possidebitis ?

**English**

This passage has not yet been translated.

[↗](https://missale.online/biblia/en/ez/33#text-2b08b45b7a9fd92ff7f8)

**Latin**

stetistis in gladiis vestris, fecistis abominationes, et unusquisque uxorem proximi sui polluit : et terram hæreditate possidebitis ?

**English**

This passage has not yet been translated.

[↗](https://missale.online/biblia/en/ez/33#text-1b9b77d3fcc49350a3f4)

**Latin**

Hæc dices ad eos : Sic dicit Dominus Deus : Vivo ego, quia qui in ruinosis habitant, gladio cadent : et qui in agro est, bestiis tradetur ad devorandum : qui autem in præsidiis et speluncis sunt, peste morientur.

**English**

This passage has not yet been translated.

[↗](https://missale.online/biblia/en/ez/33#text-21478efda9e3bd77c058)

**Latin**

Et dabo terram in solitudinem et in desertum, et deficiet superba fortitudo ejus : et desolabuntur montes Israël, eo quod nullus sit qui per eos transeat :

**English**

This passage has not yet been translated.

[↗](https://missale.online/biblia/en/ez/33#text-66af0bf07849f0763ec9)

**Latin**

et scient quia ego Dominus, cum dedero terram eorum desolatam et desertam, propter universas abominationes suas quas operati sunt.

**English**

This passage has not yet been translated.

[↗](https://missale.online/biblia/en/ez/33#text-8ce0bbceaab8ff918d3a)

**Latin**

Et tu, fili hominis, filii populi tui, qui loquuntur de te juxta muros et in ostiis domorum, et dicunt unus ad alterum, vir ad proximum suum, loquentes : Venite, et audiamus quis sit sermo egrediens a Domino.

**English**

This passage has not yet been translated.

[↗](https://missale.online/biblia/en/ez/33#text-ccc106774904a733b00e)

**Latin**

Et veniunt ad te, quasi si ingrediatur populus, et sedent coram te populus meus : et audiunt sermones tuos, et non faciunt eos : quia in canticum oris sui vertunt illos, et avaritiam suam sequitur cor eorum.

**English**

This passage has not yet been translated.

[↗](https://missale.online/biblia/en/ez/33#text-3885b8fb3f9b0c24fd89)

**Latin**

Et es eis quasi carmen musicum, quod suavi dulcique sono canitur : et audiunt verba tua, et non faciunt ea.

**English**

This passage has not yet been translated.

[↗](https://missale.online/biblia/en/ez/33#text-578310eff006266469cc)

**Latin**

Et cum venerit quod prædictum est (ecce enim venit), tunc scient quod prophetes fuerit inter eos.

**English**

This passage has not yet been translated.