# Ezekiel · 44

> https://missale.online/biblia/en/ez/44

## Verses

[↗](https://missale.online/biblia/en/ez/44#text-738a397ca42f89be3041)

**Latin**

Et convertit me ad viam portæ sanctuarii exterioris, quæ respiciebat ad orientem : et erat clausa.

**English**

This passage has not yet been translated.

[↗](https://missale.online/biblia/en/ez/44#text-a431dc21500084281aad)

**Latin**

Et dixit Dominus ad me : Porta hæc clausa erit : non aperietur, et vir non transibit per eam, quoniam Dominus Deus Israël ingressus est per eam : eritque clausa

**English**

This passage has not yet been translated.

[↗](https://missale.online/biblia/en/ez/44#text-51d615e65f2b8ce7b8f8)

**Latin**

principi. Princeps ipse sedebit in ea, ut comedat panem coram Domino : per viam portæ vestibuli ingredietur, et per viam ejus egredietur.

**English**

This passage has not yet been translated.

[↗](https://missale.online/biblia/en/ez/44#text-5d4da59ebdbb384b8c9f)

**Latin**

Et adduxit me per viam portæ aquilonis in conspectu domus : et vidi, et ecce implevit gloria Domini domum Domini : et cecidi in faciem meam.

**English**

This passage has not yet been translated.

[↗](https://missale.online/biblia/en/ez/44#text-c9a99567837d7d8a5257)

**Latin**

Et dixit ad me Dominus : Fili hominis, pone cor tuum, et vide oculis tuis, et auribus tuis audi omnia quæ ego loquor ad te de universis cæremoniis domus Domini, et de cunctis legibus ejus : et pones cor tuum in viis templi per omnes exitus sanctuarii.

**English**

This passage has not yet been translated.

[↗](https://missale.online/biblia/en/ez/44#text-db8941e9bfe92ba71d70)

**Latin**

Et dices ad exasperantem me domum Israël : Hæc dicit Dominus Deus : Sufficiant vobis omnia scelera vestra, domus Israël :

**English**

This passage has not yet been translated.

[↗](https://missale.online/biblia/en/ez/44#text-d18c4bffa042bddf03b6)

**Latin**

eo quod inducitis filios alienos incircumcisos corde, et incircumcisos carne, ut sint in sanctuario meo, et polluant domum meam : et offertis panes meos, adipem et sanguinem, et dissolvitis pactum meum in omnibus sceleribus vestris.

**English**

This passage has not yet been translated.

[↗](https://missale.online/biblia/en/ez/44#text-280b739fac2695c16a42)

**Latin**

Et non servastis præcepta sanctuarii mei, et posuistis custodes observationum mearum in sanctuario meo vobismetipsis.

**English**

This passage has not yet been translated.

[↗](https://missale.online/biblia/en/ez/44#text-3dd53cfa29a281509a99)

**Latin**

Hæc dicit Dominus Deus : Omnis alienigena incircumcisus corde, et incircumcisus carne, non ingredietur sanctuarium meum : omnis filius alienus qui est in medio filiorum Israël.

**English**

This passage has not yet been translated.

[↗](https://missale.online/biblia/en/ez/44#text-c297fce5deb3b72375f2)

**Latin**

Sed et Levitæ qui longe recesserunt a me in errore filiorum Israël, et erraverunt a me post idola sua, et portaverunt iniquitatem suam,

**English**

This passage has not yet been translated.

[↗](https://missale.online/biblia/en/ez/44#text-44b28169590526f68717)

**Latin**

erunt in sanctuario meo æditui, et janitores portarum domus, et ministri domus : ipsi mactabunt holocausta et victimas populi, et ipsi stabunt in conspectu eorum ut ministrent eis.

**English**

This passage has not yet been translated.

[↗](https://missale.online/biblia/en/ez/44#text-40022955d80a097e447c)

**Latin**

Pro eo quod ministraverunt illis in conspectu idolorum suorum, et facti sunt domui Israël in offendiculum iniquitatis : idcirco levavi manum meam super eos, ait Dominus Deus, et portabunt iniquitatem suam.

**English**

This passage has not yet been translated.

[↗](https://missale.online/biblia/en/ez/44#text-9cddad593f73adeac016)

**Latin**

Et non appropinquabunt ad me ut sacerdotio fungantur mihi, neque accedent ad omne sanctuarium meum juxta Sancta sanctorum : sed portabunt confusionem suam, et scelera sua quæ fecerunt.

**English**

This passage has not yet been translated.

[↗](https://missale.online/biblia/en/ez/44#text-77f0bcf628a6b2c6b32a)

**Latin**

Et dabo eos janitores domus in omni ministerio ejus, et in universis quæ fient in ea.

**English**

This passage has not yet been translated.

[↗](https://missale.online/biblia/en/ez/44#text-e93f4ea4f81375c9a221)

**Latin**

Sacerdotes autem et Levitæ, filii Sadoc, qui custodierunt cæremonias sanctuarii mei, cum errarent filii Israël a me, ipsi accedent ad me ut ministrent mihi : et stabunt in conspectu meo, ut offerant mihi adipem et sanguinem, ait Dominus Deus.

**English**

This passage has not yet been translated.

[↗](https://missale.online/biblia/en/ez/44#text-ad0dbb7caa8136e57bff)

**Latin**

Ipsi ingredientur sanctuarium meum, et ipsi accedent ad mensam meam, ut ministrent mihi, et custodiant cæremonias meas.

**English**

This passage has not yet been translated.

[↗](https://missale.online/biblia/en/ez/44#text-a344e3eeceed7e93233c)

**Latin**

Cumque ingredientur portas atrii interioris, vestibus lineis induentur : nec ascendet super eos quidquam laneum, quando ministrant in portis atrii interioris et intrinsecus.

**English**

This passage has not yet been translated.

[↗](https://missale.online/biblia/en/ez/44#text-292f98d53276b7e92ddb)

**Latin**

Vittæ lineæ erunt in capitibus eorum, et feminalia linea erunt in lumbis eorum, et non accingentur in sudore.

**English**

This passage has not yet been translated.

[↗](https://missale.online/biblia/en/ez/44#text-ea8c03b9efa00fc49552)

**Latin**

Cumque egredientur atrium exterius ad populum, exuent se vestimentis suis in quibus ministraverant, et reponent ea in gazophylacio sanctuarii : et vestient se vestimentis aliis, et non sanctificabunt populum in vestibus suis.

**English**

This passage has not yet been translated.

[↗](https://missale.online/biblia/en/ez/44#text-0b9188f9827bc9369014)

**Latin**

Caput autem suum non radent, neque comam nutrient : sed tondentes attondent capita sua.

**English**

This passage has not yet been translated.

[↗](https://missale.online/biblia/en/ez/44#text-4a377fb8b3ab2ddc2997)

**Latin**

Et vinum non bibet omnis sacerdos, quando ingressurus est atrium interius.

**English**

This passage has not yet been translated.

[↗](https://missale.online/biblia/en/ez/44#text-558828010cd7e67a3b8c)

**Latin**

Et viduam et repudiatam non accipient uxores, sed virgines de semine domus Israël : sed et viduam quæ fuerit vidua a sacerdote, accipient.

**English**

This passage has not yet been translated.

[↗](https://missale.online/biblia/en/ez/44#text-ec73ab42682871a72627)

**Latin**

Et populum meum docebunt quid sit inter sanctum et pollutum, et inter mundum et immundum ostendent eis.

**English**

This passage has not yet been translated.

[↗](https://missale.online/biblia/en/ez/44#text-67cd7490abc0fa3b8079)

**Latin**

Et cum fuerit controversia, stabunt in judiciis meis, et judicabunt : leges meas et præcepta mea in omnibus solemnitatibus meis custodient, et sabbata mea sanctificabunt.

**English**

This passage has not yet been translated.

[↗](https://missale.online/biblia/en/ez/44#text-3ac038d6962289bd3c26)

**Latin**

Et ad mortuum hominem non ingredientur, ne polluantur, nisi ad patrem et matrem, et filium et filiam, et fratrem, et sororem quæ alterum virum non habuerit : in quibus contaminabuntur.

**English**

This passage has not yet been translated.

[↗](https://missale.online/biblia/en/ez/44#text-2b08b45b7a9fd92ff7f8)

**Latin**

Et postquam fuerit emundatus, septem dies numerabuntur ei.

**English**

This passage has not yet been translated.

[↗](https://missale.online/biblia/en/ez/44#text-1b9b77d3fcc49350a3f4)

**Latin**

Et in die introitus sui in sanctuarium ad atrium interius, ut ministret mihi in sanctuario, offeret pro peccato suo, ait Dominus Deus.

**English**

This passage has not yet been translated.

[↗](https://missale.online/biblia/en/ez/44#text-21478efda9e3bd77c058)

**Latin**

Non erit autem eis hæreditas : ego hæreditas eorum. Et possessionem non dabitis eis in Israël : ego enim possessio eorum.

**English**

This passage has not yet been translated.

[↗](https://missale.online/biblia/en/ez/44#text-66af0bf07849f0763ec9)

**Latin**

Victimam et pro peccato et pro delicto ipsi comedent, et omne votum in Israël ipsorum erit.

**English**

This passage has not yet been translated.

[↗](https://missale.online/biblia/en/ez/44#text-8ce0bbceaab8ff918d3a)

**Latin**

Et primitiva omnium primogenitorum, et omnia libamenta ex omnibus quæ offeruntur, sacerdotum erunt : et primitiva ciborum vestrorum dabitis sacerdoti, ut reponat benedictionem domui tuæ.

**English**

This passage has not yet been translated.

[↗](https://missale.online/biblia/en/ez/44#text-ccc106774904a733b00e)

**Latin**

Omne morticinum, et captum a bestia, de avibus et de pecoribus, non comedent sacerdotes.

**English**

This passage has not yet been translated.