# Ezekiel · 8

> https://missale.online/biblia/en/ez/8

## Verses

[↗](https://missale.online/biblia/en/ez/8#text-738a397ca42f89be3041)

**Latin**

Et factum est in anno sexto, in sexto mense, in quinta mensis, ego sedebam in domo mea, et senes Juda sedebant coram me, et cecidit ibi super me manus Domini Dei.

**English**

This passage has not yet been translated.

[↗](https://missale.online/biblia/en/ez/8#text-a431dc21500084281aad)

**Latin**

Et vidi : et ecce similitudo quasi aspectus ignis : ab aspectu lumborum ejus et deorsum, ignis : et a lumbis ejus et sursum, quasi aspectus splendoris, ut visio electri.

**English**

This passage has not yet been translated.

[↗](https://missale.online/biblia/en/ez/8#text-51d615e65f2b8ce7b8f8)

**Latin**

Et emissa similitudo manus apprehendit me in cincinno capitis mei, et elevavit me spiritus inter terram et cælum : et adduxit me in Jerusalem, in visione Dei, juxta ostium interius quod respiciebat ad aquilonem, ubi erat statutum idolum zeli ad provocandam æmulationem.

**English**

This passage has not yet been translated.

[↗](https://missale.online/biblia/en/ez/8#text-5d4da59ebdbb384b8c9f)

**Latin**

Et ecce ibi gloria Dei Israël, secundum visionem quam videram in campo.

**English**

This passage has not yet been translated.

[↗](https://missale.online/biblia/en/ez/8#text-c9a99567837d7d8a5257)

**Latin**

Et dixit ad me : Fili hominis, leva oculos tuos ad viam aquilonis. Et levavi oculos meos ad viam aquilonis, et ecce ab aquilone portæ altaris idolum zeli in ipso introitu.

**English**

This passage has not yet been translated.

[↗](https://missale.online/biblia/en/ez/8#text-db8941e9bfe92ba71d70)

**Latin**

Et dixit ad me : Fili hominis, putasne vides tu quid isti faciunt, abominationes magnas quas domus Israël facit hic, ut procul recedam a sanctuario meo ? et adhuc conversus videbis abominationes majores.

**English**

This passage has not yet been translated.

[↗](https://missale.online/biblia/en/ez/8#text-d18c4bffa042bddf03b6)

**Latin**

Et introduxit me ad ostium atrii, et vidi, et ecce foramen unum in pariete.

**English**

This passage has not yet been translated.

[↗](https://missale.online/biblia/en/ez/8#text-280b739fac2695c16a42)

**Latin**

Et dixit ad me : Fili hominis, fode parietem. Et cum fodissem parietem, apparuit ostium unum.

**English**

This passage has not yet been translated.

[↗](https://missale.online/biblia/en/ez/8#text-3dd53cfa29a281509a99)

**Latin**

Et dixit ad me : Ingredere, et vide abominationes pessimas quas isti faciunt hic.

**English**

This passage has not yet been translated.

[↗](https://missale.online/biblia/en/ez/8#text-c297fce5deb3b72375f2)

**Latin**

Et ingressus vidi, et ecce omnis similitudo reptilium et animalium, abominatio, et universa idola domus Israël, depicta erant in pariete in circuitu per totum :

**English**

This passage has not yet been translated.

[↗](https://missale.online/biblia/en/ez/8#text-44b28169590526f68717)

**Latin**

et septuaginta viri de senioribus domus Israël : et Jezonias filius Saphan stabat in medio eorum stantium ante picturas : et unusquisque habebat thuribulum in manu sua, et vapor nebulæ de thure consurgebat.

**English**

This passage has not yet been translated.

[↗](https://missale.online/biblia/en/ez/8#text-40022955d80a097e447c)

**Latin**

Et dixit ad me : Certe vides, fili hominis, quæ seniores domus Israël faciunt in tenebris, unusquisque in abscondito cubiculi sui : dicunt enim : Non videt Dominus nos ; dereliquit Dominus terram.

**English**

This passage has not yet been translated.

[↗](https://missale.online/biblia/en/ez/8#text-9cddad593f73adeac016)

**Latin**

Et dixit ad me : Adhuc conversus videbis abominationes majores, quas isti faciunt.

**English**

This passage has not yet been translated.

[↗](https://missale.online/biblia/en/ez/8#text-77f0bcf628a6b2c6b32a)

**Latin**

Et introduxit me per ostium portæ domus Domini quod respiciebat ad aquilonem, et ecce ibi mulieres sedebant plangentes Adonidem.

**English**

This passage has not yet been translated.

[↗](https://missale.online/biblia/en/ez/8#text-e93f4ea4f81375c9a221)

**Latin**

Et dixit ad me : Certe vidisti, fili hominis : adhuc conversus videbis abominationes majores his.

**English**

This passage has not yet been translated.

[↗](https://missale.online/biblia/en/ez/8#text-ad0dbb7caa8136e57bff)

**Latin**

Et introduxit me in atrium domus Domini interius, et ecce in ostio templi Domini, inter vestibulum et altare, quasi viginti quinque viri dorsa habentes contra templum Domini, et facies ad orientem : et adorabant ad ortum solis.

**English**

This passage has not yet been translated.

[↗](https://missale.online/biblia/en/ez/8#text-a344e3eeceed7e93233c)

**Latin**

Et dixit ad me : Certe vidisti, fili hominis : numquid leve est hoc domui Juda, ut facerent abominationes istas quas fecerunt hic, quia replentes terram iniquitate, conversi sunt ad irritandum me ? et ecce applicant ramum ad nares suas.

**English**

This passage has not yet been translated.

[↗](https://missale.online/biblia/en/ez/8#text-292f98d53276b7e92ddb)

**Latin**

Ergo et ego faciam in furore : non parcet oculus meus, nec miserebor : et cum clamaverint ad aures meas voce magna, non exaudiam eos.

**English**

This passage has not yet been translated.