# Ezekiel · 9

> https://missale.online/biblia/en/ez/9

## Verses

[↗](https://missale.online/biblia/en/ez/9#text-738a397ca42f89be3041)

**Latin**

Et clamavit in auribus meis voce magna, dicens : Appropinquaverunt visitationes urbis, et unusquisque vas interfectionis habet in manu sua.

**English**

This passage has not yet been translated.

[↗](https://missale.online/biblia/en/ez/9#text-a431dc21500084281aad)

**Latin**

Et ecce sex viri veniebant de via portæ superioris, quæ respicit ad aquilonem, et uniuscujusque vas interitus in manu ejus : vir quoque unus in medio eorum vestitus erat lineis, et atramentarium scriptoris ad renes ejus : et ingressi sunt, et steterunt juxta altare æreum.

**English**

This passage has not yet been translated.

[↗](https://missale.online/biblia/en/ez/9#text-51d615e65f2b8ce7b8f8)

**Latin**

Et gloria Domini Israël assumpta est de cherub, quæ erat super eum ad limen domus : et vocavit virum qui indutus erat lineis, et atramentarium scriptoris habebat in lumbis suis :

**English**

This passage has not yet been translated.

[↗](https://missale.online/biblia/en/ez/9#text-5d4da59ebdbb384b8c9f)

**Latin**

et dixit Dominus ad eum : Transi per mediam civitatem, in medio Jerusalem, et signa thau super frontes virorum gementium et dolentium super cunctis abominationibus quæ fiunt in medio ejus.

**English**

This passage has not yet been translated.

[↗](https://missale.online/biblia/en/ez/9#text-c9a99567837d7d8a5257)

**Latin**

Et illis dixit, audiente me : Transite per civitatem sequentes eum, et percutite : non parcat oculus vester, neque misereamini :

**English**

This passage has not yet been translated.

[↗](https://missale.online/biblia/en/ez/9#text-db8941e9bfe92ba71d70)

**Latin**

senem, adolescentulum et virginem, parvulum et mulieres interficite usque ad internecionem : omnem autem super quem videritis thau, ne occidatis : et a sanctuario meo incipite. Cœperunt ergo a viris senioribus, qui erant ante faciem domus.

**English**

This passage has not yet been translated.

[↗](https://missale.online/biblia/en/ez/9#text-d18c4bffa042bddf03b6)

**Latin**

Et dixit ad eos : Contaminate domum, et implete atria interfectis ; egredimini. Et egressi sunt, et percutiebant eos qui erant in civitate.

**English**

This passage has not yet been translated.

[↗](https://missale.online/biblia/en/ez/9#text-280b739fac2695c16a42)

**Latin**

Et cæde completa, remansi ego, ruique super faciem meam, et clamans aio : Heu ! heu ! heu ! Domine Deus : ergone disperdes omnes reliquias Israël, effundens furorem tuum super Jerusalem ?

**English**

This passage has not yet been translated.

[↗](https://missale.online/biblia/en/ez/9#text-3dd53cfa29a281509a99)

**Latin**

Et dixit ad me : Iniquitas domus Israël et Juda magna est nimis valde, et repleta est terra sanguinibus, et civitas repleta est aversione : dixerunt enim : Dereliquit Dominus terram, et Dominus non videt.

**English**

This passage has not yet been translated.

[↗](https://missale.online/biblia/en/ez/9#text-c297fce5deb3b72375f2)

**Latin**

Igitur et meus non parcet oculus, neque miserebor : viam eorum super caput eorum reddam.

**English**

This passage has not yet been translated.

[↗](https://missale.online/biblia/en/ez/9#text-44b28169590526f68717)

**Latin**

Et ecce vir qui erat indutus lineis, qui habebat atramentarium in dorso suo, respondit verbum, dicens : Feci sicut præcepisti mihi.

**English**

This passage has not yet been translated.