# Genesis · 14 > https://missale.online/biblia/en/gn/14 ## Verses [↗](https://missale.online/biblia/en/gn/14#text-738a397ca42f89be3041) **Latin** Factum est autem in illo tempore, ut Amraphel rex Sennaar, et Arioch rex Ponti, et Chodorlahomor rex Elamitarum, et Thadal rex gentium **English** This passage has not yet been translated. [↗](https://missale.online/biblia/en/gn/14#text-a431dc21500084281aad) **Latin** inirent bellum contra Bara regem Sodomorum, et contra Bersa regem Gomorrhæ, et contra Sennaab regem Adamæ, et contra Semeber regem Seboim, contraque regem Balæ, ipsa est Segor. **English** This passage has not yet been translated. [↗](https://missale.online/biblia/en/gn/14#text-51d615e65f2b8ce7b8f8) **Latin** Omnes hi convenerunt in vallem Silvestrem, quæ nunc est mare salis. **English** This passage has not yet been translated. [↗](https://missale.online/biblia/en/gn/14#text-5d4da59ebdbb384b8c9f) **Latin** Duodecim enim annis servierunt Chodorlahomor, et tertiodecimo anno recesserunt ab eo. **English** This passage has not yet been translated. [↗](https://missale.online/biblia/en/gn/14#text-c9a99567837d7d8a5257) **Latin** Igitur quartodecimo anno venit Chodorlahomor, et reges qui erant cum eo : percusseruntque Raphaim in Astarothcarnaim, et Zuzim cum eis, et Emim in Save Cariathaim, **English** This passage has not yet been translated. [↗](https://missale.online/biblia/en/gn/14#text-db8941e9bfe92ba71d70) **Latin** et Chorræos in montibus Seir, usque ad Campestria Pharan, quæ est in solitudine. **English** This passage has not yet been translated. [↗](https://missale.online/biblia/en/gn/14#text-d18c4bffa042bddf03b6) **Latin** Reversique sunt, et venerunt ad fontem Misphat, ipsa est Cades : et percusserunt omnem regionem Amalecitarum, et Amorrhæum, qui habitabat in Asasonthamar. **English** This passage has not yet been translated. [↗](https://missale.online/biblia/en/gn/14#text-280b739fac2695c16a42) **Latin** Et egressi sunt rex Sodomorum, et rex Gomorrhæ, rexque Adamæ, et rex Seboim, necnon et rex Balæ, quæ est Segor : et direxerunt aciem contra eos in valle Silvestri : **English** This passage has not yet been translated. [↗](https://missale.online/biblia/en/gn/14#text-3dd53cfa29a281509a99) **Latin** scilicet adversus Chodorlahomor regem Elamitarum, et Thadal regem Gentium, et Amraphel regem Sennaar, et Arioch regem Ponti : quatuor reges adversus quinque. **English** This passage has not yet been translated. [↗](https://missale.online/biblia/en/gn/14#text-c297fce5deb3b72375f2) **Latin** Vallis autem Silvestris habebat puteos multos bituminis. Itaque rex Sodomorum, et Gomorrhæ, terga verterunt, cecideruntque ibi : et qui remanserant, fugerunt ad montem. **English** This passage has not yet been translated. [↗](https://missale.online/biblia/en/gn/14#text-44b28169590526f68717) **Latin** Tulerunt autem omnem substantiam Sodomorum et Gomorrhæ, et universa quæ ad cibum pertinent, et abierunt : **English** This passage has not yet been translated. [↗](https://missale.online/biblia/en/gn/14#text-40022955d80a097e447c) **Latin** necnon et Lot, et substantiam ejus, filium fratris Abram, qui habitabat in Sodomis. **English** This passage has not yet been translated. [↗](https://missale.online/biblia/en/gn/14#text-9cddad593f73adeac016) **Latin** Et ecce unus, qui evaserat, nuntiavit Abram Hebræo, qui habitabat in convalle Mambre Amorrhæi, fratris Escol, et fratris Aner : hi enim pepigerant fœdus cum Abram. **English** This passage has not yet been translated. [↗](https://missale.online/biblia/en/gn/14#text-77f0bcf628a6b2c6b32a) **Latin** Quod cum audisset Abram, captum videlicet Lot fratrem suum, numeravit expeditos vernaculos suos trecentos decem et octo : et persecutus est usque Dan. **English** This passage has not yet been translated. [↗](https://missale.online/biblia/en/gn/14#text-e93f4ea4f81375c9a221) **Latin** Et divisis sociis, irruit super eos nocte : percussitque eos, et persecutus est eos usque Hoba, quæ est ad lævam Damasci. **English** This passage has not yet been translated. [↗](https://missale.online/biblia/en/gn/14#text-ad0dbb7caa8136e57bff) **Latin** Reduxitque omnem substantiam, et Lot fratrem suum cum substantia illius, mulieres quoque et populum. **English** This passage has not yet been translated. [↗](https://missale.online/biblia/en/gn/14#text-a344e3eeceed7e93233c) **Latin** Egressus est autem rex Sodomorum in occursum ejus postquam reversus est a cæde Chodorlahomor, et regum qui cum eo erant in valle Save, quæ est vallis regis. **English** This passage has not yet been translated. [↗](https://missale.online/biblia/en/gn/14#text-292f98d53276b7e92ddb) **Latin** At vero Melchisedech rex Salem, proferens panem et vinum, erat enim sacerdos Dei altissimi, **English** This passage has not yet been translated. [↗](https://missale.online/biblia/en/gn/14#text-ea8c03b9efa00fc49552) **Latin** benedixit ei, et ait : Benedictus Abram Deo excelso, qui creavit cælum et terram : **English** This passage has not yet been translated. [↗](https://missale.online/biblia/en/gn/14#text-0b9188f9827bc9369014) **Latin** et benedictus Deus excelsus, quo protegente, hostes in manibus tuis sunt. Et dedit ei decimas ex omnibus. **English** This passage has not yet been translated. [↗](https://missale.online/biblia/en/gn/14#text-4a377fb8b3ab2ddc2997) **Latin** Dixit autem rex Sodomorum ad Abram : Da mihi animas, cetera tolle tibi. **English** This passage has not yet been translated. [↗](https://missale.online/biblia/en/gn/14#text-558828010cd7e67a3b8c) **Latin** Qui respondit ei : Levo manum meam ad Dominum Deum excelsum possessorem cæli et terræ, **English** This passage has not yet been translated. [↗](https://missale.online/biblia/en/gn/14#text-ec73ab42682871a72627) **Latin** quod a filo subtegminis usque ad corigiam caligæ, non accipiam ex omnibus quæ tua sunt, ne dicas : Ego ditavi Abram : **English** This passage has not yet been translated. [↗](https://missale.online/biblia/en/gn/14#text-67cd7490abc0fa3b8079) **Latin** exceptis his, quæ comederunt juvenes, et partibus virorum, qui venerunt mecum, Aner, Escol et Mambre : isti accipient partes suas. **English** This passage has not yet been translated.