# Genesis · 19

> https://missale.online/biblia/en/gn/19

## Verses

[↗](https://missale.online/biblia/en/gn/19#text-738a397ca42f89be3041)

**Latin**

Veneruntque duo angeli Sodomam vespere, et sedente Lot in foribus civitatis. Qui cum vidisset eos, surrexit, et ivit obviam eis : adoravitque pronus in terram,

**English**

This passage has not yet been translated.

[↗](https://missale.online/biblia/en/gn/19#text-a431dc21500084281aad)

**Latin**

et dixit : Obsecro, domini, declinate in domum pueri vestri, et manete ibi : lavate pedes vestros, et mane proficiscemini in viam vestram. Qui dixerunt : Minime, sed in platea manebimus.

**English**

This passage has not yet been translated.

[↗](https://missale.online/biblia/en/gn/19#text-51d615e65f2b8ce7b8f8)

**Latin**

Compulit illos oppido ut diverterent ad eum : ingressisque domum illius fecit convivium, et coxit azyma, et comederunt.

**English**

This passage has not yet been translated.

[↗](https://missale.online/biblia/en/gn/19#text-5d4da59ebdbb384b8c9f)

**Latin**

Prius autem quam irent cubitum, viri civitatis vallaverunt domum a puero usque ad senem, omnis populus simul.

**English**

This passage has not yet been translated.

[↗](https://missale.online/biblia/en/gn/19#text-c9a99567837d7d8a5257)

**Latin**

Vocaveruntque Lot, et dixerunt ei : Ubi sunt viri qui introierunt ad te nocte ? educ illos huc, ut cognoscamus eos.

**English**

This passage has not yet been translated.

[↗](https://missale.online/biblia/en/gn/19#text-db8941e9bfe92ba71d70)

**Latin**

Egressus ad eos Lot, post tergum occludens ostium, ait :

**English**

This passage has not yet been translated.

[↗](https://missale.online/biblia/en/gn/19#text-d18c4bffa042bddf03b6)

**Latin**

Nolite, quæso, fratres mei, nolite malum hoc facere.

**English**

This passage has not yet been translated.

[↗](https://missale.online/biblia/en/gn/19#text-280b739fac2695c16a42)

**Latin**

Habeo duas filias, quæ necdum cognoverunt virum : educam eas ad vos, et abutimini eis sicut vobis placuerit, dummodo viris istis nihil mali faciatis, quia ingressi sunt sub umbra culminis mei.

**English**

This passage has not yet been translated.

[↗](https://missale.online/biblia/en/gn/19#text-3dd53cfa29a281509a99)

**Latin**

At illi dixerunt : Recede illuc. Et rursus : Ingressus es, inquiunt, ut advena ; numquid ut judices ? te ergo ipsum magis quam hos affligemus. Vimque faciebant Lot vehementissime : jamque prope erat ut effringerent fores.

**English**

This passage has not yet been translated.

[↗](https://missale.online/biblia/en/gn/19#text-c297fce5deb3b72375f2)

**Latin**

Et ecce miserunt manum viri, et introduxerunt ad se Lot, clauseruntque ostium :

**English**

This passage has not yet been translated.

[↗](https://missale.online/biblia/en/gn/19#text-44b28169590526f68717)

**Latin**

et eos, qui foris erant, percusserunt cæcitate a minimo usque ad maximum, ita ut ostium invenire non possent.

**English**

This passage has not yet been translated.

[↗](https://missale.online/biblia/en/gn/19#text-40022955d80a097e447c)

**Latin**

Dixerunt autem ad Lot : Habes hic quempiam tuorum ? generum, aut filios, aut filias, omnes, qui tui sunt, educ de urbe hac :

**English**

This passage has not yet been translated.

[↗](https://missale.online/biblia/en/gn/19#text-9cddad593f73adeac016)

**Latin**

delebimus enim locum istum, eo quod increverit clamor eorum coram Domino, qui misit nos ut perdamus illos.

**English**

This passage has not yet been translated.

[↗](https://missale.online/biblia/en/gn/19#text-77f0bcf628a6b2c6b32a)

**Latin**

Egressus itaque Lot, locutus est ad generos suos qui accepturi erant filias ejus, et dixit : Surgite, egredimini de loco isto : quia delebit Dominus civitatem hanc. Et visus est eis quasi ludens loqui.

**English**

This passage has not yet been translated.

[↗](https://missale.online/biblia/en/gn/19#text-e93f4ea4f81375c9a221)

**Latin**

Cumque esset mane, cogebant eum angeli, dicentes : Surge, tolle uxorem tuam, et duas filias quas habes : ne et tu pariter pereas in scelere civitatis.

**English**

This passage has not yet been translated.

[↗](https://missale.online/biblia/en/gn/19#text-ad0dbb7caa8136e57bff)

**Latin**

Dissimulante illo, apprehenderunt manum ejus, et manum uxoris, ac duarum filiarum ejus, eo quod parceret Dominus illi.

**English**

This passage has not yet been translated.

[↗](https://missale.online/biblia/en/gn/19#text-a344e3eeceed7e93233c)

**Latin**

Eduxeruntque eum, et posuerunt extra civitatem : ibique locuti sunt ad eum, dicentes : Salva animam tuam : noli respicere post tergum, nec stes in omni circa regione : sed in monte salvum te fac, ne et tu simul pereas.

**English**

This passage has not yet been translated.

[↗](https://missale.online/biblia/en/gn/19#text-292f98d53276b7e92ddb)

**Latin**

Dixitque Lot ad eos : Quæso, domine mi,

**English**

This passage has not yet been translated.

[↗](https://missale.online/biblia/en/gn/19#text-ea8c03b9efa00fc49552)

**Latin**

quia invenit servus tuus gratiam coram te, et magnificasti misericordiam tuam quam fecisti mecum, ut salvares animam meam, nec possum in monte salvari, ne forte apprehendat me malum, et moriar :

**English**

This passage has not yet been translated.

[↗](https://missale.online/biblia/en/gn/19#text-0b9188f9827bc9369014)

**Latin**

est civitas hæc juxta, ad quam possum fugere, parva, et salvabor in ea : numquid non modica est, et vivet anima mea ?

**English**

This passage has not yet been translated.

[↗](https://missale.online/biblia/en/gn/19#text-4a377fb8b3ab2ddc2997)

**Latin**

Dixitque ad eum : Ecce etiam in hoc suscepi preces tuas, ut non subvertam urbem pro qua locutus es.

**English**

This passage has not yet been translated.

[↗](https://missale.online/biblia/en/gn/19#text-558828010cd7e67a3b8c)

**Latin**

Festina, et salvare ibi : quia non potero facere quidquam donec ingrediaris illuc. Idcirco vocatum est nomen urbis illius Segor.

**English**

This passage has not yet been translated.

[↗](https://missale.online/biblia/en/gn/19#text-ec73ab42682871a72627)

**Latin**

Sol egressus est super terram, et Lot ingressus est Segor.

**English**

This passage has not yet been translated.

[↗](https://missale.online/biblia/en/gn/19#text-67cd7490abc0fa3b8079)

**Latin**

Igitur Dominus pluit super Sodomam et Gomorrham sulphur et ignem a Domino de cælo :

**English**

This passage has not yet been translated.

[↗](https://missale.online/biblia/en/gn/19#text-3ac038d6962289bd3c26)

**Latin**

et subvertit civitates has, et omnem circa regionem, universos habitatores urbium, et cuncta terræ virentia.

**English**

This passage has not yet been translated.

[↗](https://missale.online/biblia/en/gn/19#text-2b08b45b7a9fd92ff7f8)

**Latin**

Respiciensque uxor ejus post se, versa est in statuam salis.

**English**

This passage has not yet been translated.

[↗](https://missale.online/biblia/en/gn/19#text-1b9b77d3fcc49350a3f4)

**Latin**

Abraham autem consurgens mane, ubi steterat prius cum Domino,

**English**

This passage has not yet been translated.

[↗](https://missale.online/biblia/en/gn/19#text-21478efda9e3bd77c058)

**Latin**

intuitus est Sodomam et Gomorrham, et universam terram regionis illius : viditque ascendentem favillam de terra quasi fornacis fumum.

**English**

This passage has not yet been translated.

[↗](https://missale.online/biblia/en/gn/19#text-66af0bf07849f0763ec9)

**Latin**

Cum enim subverteret Deus civitates regionis illius, recordatus Abrahæ, liberavit Lot de subversione urbium in quibus habitaverat.

**English**

This passage has not yet been translated.

[↗](https://missale.online/biblia/en/gn/19#text-8ce0bbceaab8ff918d3a)

**Latin**

Ascenditque Lot de Segor, et mansit in monte, duæ quoque filiæ ejus cum eo (timuerat enim manere in Segor) et mansit in spelunca ipse, et duæ filiæ ejus cum eo.

**English**

This passage has not yet been translated.

[↗](https://missale.online/biblia/en/gn/19#text-ccc106774904a733b00e)

**Latin**

Dixitque major ad minorem : Pater noster senex est, et nullus virorum remansit in terra, qui possit ingredi ad nos juxta morem universæ terræ.

**English**

This passage has not yet been translated.

[↗](https://missale.online/biblia/en/gn/19#text-3885b8fb3f9b0c24fd89)

**Latin**

Veni, inebriemus eum vino, dormiamusque cum eo, ut servare possimus ex patre nostro semen.

**English**

This passage has not yet been translated.

[↗](https://missale.online/biblia/en/gn/19#text-578310eff006266469cc)

**Latin**

Dederunt itaque patri suo bibere vinum nocte illa. Et ingressa est major, dormivitque cum patre ; at ille non sensit, nec quando accubuit filia, nec quando surrexit.

**English**

This passage has not yet been translated.

[↗](https://missale.online/biblia/en/gn/19#text-fe2917b9f5e3cb90d74f)

**Latin**

Altera quoque die dixit major ad minorem : Ecce dormivi heri cum patre meo, demus ei bibere vinum etiam hac nocte, et dormies cum eo, ut salvemus semen de patre nostro.

**English**

This passage has not yet been translated.

[↗](https://missale.online/biblia/en/gn/19#text-79e5363277408edadf4d)

**Latin**

Dederunt etiam et illa nocte patri suo bibere vinum, ingressaque minor filia, dormivit cum eo : et ne tunc quidem sensit quando concubuerit, vel quando illa surrexerit.

**English**

This passage has not yet been translated.

[↗](https://missale.online/biblia/en/gn/19#text-5f3b65a9d805032a9ee2)

**Latin**

Conceperunt ergo duæ filiæ Lot de patre suo.

**English**

This passage has not yet been translated.

[↗](https://missale.online/biblia/en/gn/19#text-762d295fd73e6f7c5976)

**Latin**

Peperitque major filium, et vocavit nomen ejus Moab : ipse est pater Moabitarum usque in præsentem diem.

**English**

This passage has not yet been translated.

[↗](https://missale.online/biblia/en/gn/19#text-cda9e96bec793da3010d)

**Latin**

Minor quoque peperit filium, et vocavit nomen ejus Ammon, id est, Filius populi mei : ipse est pater Ammonitarum usque hodie.

**English**

This passage has not yet been translated.