# Genesis · 25

> https://missale.online/biblia/en/gn/25

## Verses

[↗](https://missale.online/biblia/en/gn/25#text-738a397ca42f89be3041)

**Latin**

Abraham vero aliam duxit uxorem nomine Ceturam :

**English**

This passage has not yet been translated.

[↗](https://missale.online/biblia/en/gn/25#text-a431dc21500084281aad)

**Latin**

quæ peperit ei Zamran et Jecsan, et Madan, et Madian, et Jesboc, et Sue.

**English**

This passage has not yet been translated.

[↗](https://missale.online/biblia/en/gn/25#text-51d615e65f2b8ce7b8f8)

**Latin**

Jecsan quoque genuit Saba et Dadan. Filii Dadan fuerunt Assurim, et Latusim, et Loomin.

**English**

This passage has not yet been translated.

[↗](https://missale.online/biblia/en/gn/25#text-5d4da59ebdbb384b8c9f)

**Latin**

At vero ex Madian ortus est Epha, et Opher, et Henoch, et Abida, et Eldaa : omnes hi filii Ceturæ.

**English**

This passage has not yet been translated.

[↗](https://missale.online/biblia/en/gn/25#text-c9a99567837d7d8a5257)

**Latin**

Deditque Abraham cuncta quæ possederat, Isaac :

**English**

This passage has not yet been translated.

[↗](https://missale.online/biblia/en/gn/25#text-db8941e9bfe92ba71d70)

**Latin**

filiis autem concubinarum largitus est munera, et separavit eos ab Isaac filio suo, dum adhuc ipse viveret, ad plagam orientalem.

**English**

This passage has not yet been translated.

[↗](https://missale.online/biblia/en/gn/25#text-d18c4bffa042bddf03b6)

**Latin**

Fuerunt autem dies vitæ Abrahæ, centum septuaginta quinque anni.

**English**

This passage has not yet been translated.

[↗](https://missale.online/biblia/en/gn/25#text-280b739fac2695c16a42)

**Latin**

Et deficiens mortuus est in senectute bona, provectæque ætatis et plenus dierum : congregatusque est ad populum suum.

**English**

This passage has not yet been translated.

[↗](https://missale.online/biblia/en/gn/25#text-3dd53cfa29a281509a99)

**Latin**

Et sepelierunt eum Isaac et Ismaël filii sui in spelunca duplici, quæ sita est in agro Ephron filii Seor Hethæi, e regione Mambre,

**English**

This passage has not yet been translated.

[↗](https://missale.online/biblia/en/gn/25#text-c297fce5deb3b72375f2)

**Latin**

quem emerat a filiis Heth : ibi sepultus est ipse, et Sara uxor ejus.

**English**

This passage has not yet been translated.

[↗](https://missale.online/biblia/en/gn/25#text-44b28169590526f68717)

**Latin**

Et post obitum illius benedixit Deus Isaac filio ejus, qui habitabat juxta puteum nomine Viventis et videntis.

**English**

This passage has not yet been translated.

[↗](https://missale.online/biblia/en/gn/25#text-40022955d80a097e447c)

**Latin**

Hæ sunt generationes Ismaël filii Abrahæ, quem peperit ei Agar Ægyptia, famula Saræ : et

**English**

This passage has not yet been translated.

[↗](https://missale.online/biblia/en/gn/25#text-9cddad593f73adeac016)

**Latin**

hæc nomina filiorum ejus in vocabulis et generationibus suis. Primogenitus Ismaëlis Nabaioth, deinde Cedar, et Adbeel, et Mabsam,

**English**

This passage has not yet been translated.

[↗](https://missale.online/biblia/en/gn/25#text-77f0bcf628a6b2c6b32a)

**Latin**

Masma quoque, et Duma, et Massa,

**English**

This passage has not yet been translated.

[↗](https://missale.online/biblia/en/gn/25#text-e93f4ea4f81375c9a221)

**Latin**

Hadar, et Thema, et Jethur, et Naphis, et Cedma.

**English**

This passage has not yet been translated.

[↗](https://missale.online/biblia/en/gn/25#text-ad0dbb7caa8136e57bff)

**Latin**

Isti sunt filii Ismaëlis : et hæc nomina per castella et oppida eorum, duodecim principes tribuum suarum.

**English**

This passage has not yet been translated.

[↗](https://missale.online/biblia/en/gn/25#text-a344e3eeceed7e93233c)

**Latin**

Et facti sunt anni vitæ Ismaëlis centum triginta septem, deficiensque mortuus est, et appositus ad populum suum.

**English**

This passage has not yet been translated.

[↗](https://missale.online/biblia/en/gn/25#text-292f98d53276b7e92ddb)

**Latin**

Habitavit autem ab Hevila usque Sur, quæ respicit Ægyptum introëuntibus Assyrios ; coram cunctis fratribus suis obiit.

**English**

This passage has not yet been translated.

[↗](https://missale.online/biblia/en/gn/25#text-ea8c03b9efa00fc49552)

**Latin**

Hæ quoque sunt generationes Isaac filii Abraham : Abraham genuit Isaac :

**English**

This passage has not yet been translated.

[↗](https://missale.online/biblia/en/gn/25#text-0b9188f9827bc9369014)

**Latin**

qui cum quadraginta esset annorum, duxit uxorem Rebeccam filiam Bathuelis Syri de Mesopotamia, sororem Laban.

**English**

This passage has not yet been translated.

[↗](https://missale.online/biblia/en/gn/25#text-4a377fb8b3ab2ddc2997)

**Latin**

Deprecatusque est Isaac Dominum pro uxore sua, eo quod esset sterilis : qui exaudivit eum, et dedit conceptum Rebeccæ.

**English**

This passage has not yet been translated.

[↗](https://missale.online/biblia/en/gn/25#text-558828010cd7e67a3b8c)

**Latin**

Sed collidebantur in utero ejus parvuli ; quæ ait : Si sic mihi futurum erat, quid necesse fuit concipere ? perrexitque ut consuleret Dominum.

**English**

This passage has not yet been translated.

[↗](https://missale.online/biblia/en/gn/25#text-ec73ab42682871a72627)

**Latin**

Qui respondens ait : Duæ gentes sunt in utero tuo,
et duo populi ex ventre tuo dividentur,
populusque populum superabit,
et major serviet minori.

**English**

This passage has not yet been translated.

[↗](https://missale.online/biblia/en/gn/25#text-67cd7490abc0fa3b8079)

**Latin**

Jam tempus pariendi advenerat, et ecce gemini in utero ejus reperti sunt.

**English**

This passage has not yet been translated.

[↗](https://missale.online/biblia/en/gn/25#text-3ac038d6962289bd3c26)

**Latin**

Qui prior egressus est, rufus erat, et totus in morem pellis hispidus : vocatumque est nomen ejus Esau. Protinus alter egrediens, plantam fratris tenebat manu : et idcirco appellavit eum Jacob.

**English**

This passage has not yet been translated.

[↗](https://missale.online/biblia/en/gn/25#text-2b08b45b7a9fd92ff7f8)

**Latin**

Sexagenarius erat Isaac quando nati sunt ei parvuli.

**English**

This passage has not yet been translated.

[↗](https://missale.online/biblia/en/gn/25#text-1b9b77d3fcc49350a3f4)

**Latin**

Quibus adultis, factus est Esau vir gnarus venandi, et homo agricola : Jacob autem vir simplex habitabat in tabernaculis.

**English**

This passage has not yet been translated.

[↗](https://missale.online/biblia/en/gn/25#text-21478efda9e3bd77c058)

**Latin**

Isaac amabat Esau, eo quod de venationibus illius vesceretur : et Rebecca diligebat Jacob.

**English**

This passage has not yet been translated.

[↗](https://missale.online/biblia/en/gn/25#text-66af0bf07849f0763ec9)

**Latin**

Coxit autem Jacob pulmentum : ad quem cum venisset Esau de agro lassus,

**English**

This passage has not yet been translated.

[↗](https://missale.online/biblia/en/gn/25#text-8ce0bbceaab8ff918d3a)

**Latin**

ait : Da mihi de coctione hac rufa, quia oppido lassus sum. Quam ob causam vocatum est nomen ejus Edom.

**English**

This passage has not yet been translated.

[↗](https://missale.online/biblia/en/gn/25#text-ccc106774904a733b00e)

**Latin**

Cui dixit Jacob : Vende mihi primogenita tua.

**English**

This passage has not yet been translated.

[↗](https://missale.online/biblia/en/gn/25#text-3885b8fb3f9b0c24fd89)

**Latin**

Ille respondit : En morior, quid mihi proderunt primogenita ?

**English**

This passage has not yet been translated.

[↗](https://missale.online/biblia/en/gn/25#text-578310eff006266469cc)

**Latin**

Ait Jacob : Jura ergo mihi. Juravit ei Esau et vendidit primogenita.

**English**

This passage has not yet been translated.

[↗](https://missale.online/biblia/en/gn/25#text-fe2917b9f5e3cb90d74f)

**Latin**

Et sic, accepto pane et lentis edulio, comedit et bibit, et abiit, parvipendens quod primogenita vendidisset.

**English**

This passage has not yet been translated.