# Genesis · 3

> https://missale.online/biblia/en/gn/3

## Verses

[↗](https://missale.online/biblia/en/gn/3#text-738a397ca42f89be3041)

**Latin**

Sed et serpens erat callidior cunctis animantibus terræ quæ fecerat Dominus Deus. Qui dixit ad mulierem : Cur præcepit vobis Deus ut non comederetis de omni ligno paradisi ?

**English**

This passage has not yet been translated.

[↗](https://missale.online/biblia/en/gn/3#text-a431dc21500084281aad)

**Latin**

Cui respondit mulier : De fructu lignorum, quæ sunt in paradiso, vescimur :

**English**

This passage has not yet been translated.

[↗](https://missale.online/biblia/en/gn/3#text-51d615e65f2b8ce7b8f8)

**Latin**

de fructu vero ligni quod est in medio paradisi, præcepit nobis Deus ne comederemus, et ne tangeremus illud, ne forte moriamur.

**English**

This passage has not yet been translated.

[↗](https://missale.online/biblia/en/gn/3#text-5d4da59ebdbb384b8c9f)

**Latin**

Dixit autem serpens ad mulierem : Nequaquam morte moriemini.

**English**

This passage has not yet been translated.

[↗](https://missale.online/biblia/en/gn/3#text-c9a99567837d7d8a5257)

**Latin**

Scit enim Deus quod in quocumque die comederitis ex eo, aperientur oculi vestri, et eritis sicut dii, scientes bonum et malum.

**English**

This passage has not yet been translated.

[↗](https://missale.online/biblia/en/gn/3#text-db8941e9bfe92ba71d70)

**Latin**

Vidit igitur mulier quod bonum esset lignum ad vescendum, et pulchrum oculis, aspectuque delectabile : et tulit de fructu illius, et comedit : deditque viro suo, qui comedit.

**English**

This passage has not yet been translated.

[↗](https://missale.online/biblia/en/gn/3#text-d18c4bffa042bddf03b6)

**Latin**

Et aperti sunt oculi amborum ; cumque cognovissent se esse nudos, consuerunt folia ficus, et fecerunt sibi perizomata.

**English**

This passage has not yet been translated.

[↗](https://missale.online/biblia/en/gn/3#text-280b739fac2695c16a42)

**Latin**

Et cum audissent vocem Domini Dei deambulantis in paradiso ad auram post meridiem, abscondit se Adam et uxor ejus a facie Domini Dei in medio ligni paradisi.

**English**

This passage has not yet been translated.

[↗](https://missale.online/biblia/en/gn/3#text-3dd53cfa29a281509a99)

**Latin**

Vocavitque Dominus Deus Adam, et dixit ei : Ubi es ?

**English**

This passage has not yet been translated.

[↗](https://missale.online/biblia/en/gn/3#text-c297fce5deb3b72375f2)

**Latin**

Qui ait : Vocem tuam audivi in paradiso, et timui, eo quod nudus essem, et abscondi me.

**English**

This passage has not yet been translated.

[↗](https://missale.online/biblia/en/gn/3#text-44b28169590526f68717)

**Latin**

Cui dixit : Quis enim indicavit tibi quod nudus esses, nisi quod ex ligno de quo præceperam tibi ne comederes, comedisti ?

**English**

This passage has not yet been translated.

[↗](https://missale.online/biblia/en/gn/3#text-40022955d80a097e447c)

**Latin**

Dixitque Adam : Mulier, quam dedisti mihi sociam, dedit mihi de ligno, et comedi.

**English**

This passage has not yet been translated.

[↗](https://missale.online/biblia/en/gn/3#text-9cddad593f73adeac016)

**Latin**

Et dixit Dominus Deus ad mulierem : Quare hoc fecisti ? Quæ respondit : Serpens decepit me, et comedi.

**English**

This passage has not yet been translated.

[↗](https://missale.online/biblia/en/gn/3#text-77f0bcf628a6b2c6b32a)

**Latin**

Et ait Dominus Deus ad serpentem : Quia fecisti hoc,
maledictus es inter omnia animantia, et bestias terræ :
super pectus tuum gradieris, et terram comedes cunctis diebus vitæ tuæ.

**English**

This passage has not yet been translated.

[↗](https://missale.online/biblia/en/gn/3#text-e93f4ea4f81375c9a221)

**Latin**

Inimicitias ponam inter te et mulierem,
et semen tuum et semen illius :
ipsa conteret caput tuum,
et tu insidiaberis calcaneo ejus.

**English**

This passage has not yet been translated.

[↗](https://missale.online/biblia/en/gn/3#text-ad0dbb7caa8136e57bff)

**Latin**

Mulieri quoque dixit : Multiplicabo ærumnas tuas, et conceptus tuos : in dolore paries filios, et sub viri potestate eris, et ipse dominabitur tui.

**English**

This passage has not yet been translated.

[↗](https://missale.online/biblia/en/gn/3#text-a344e3eeceed7e93233c)

**Latin**

Adæ vero dixit : Quia audisti vocem uxoris tuæ, et comedisti de ligno, ex quo præceperam tibi ne comederes, maledicta terra in opere tuo : in laboribus comedes ex ea cunctis diebus vitæ tuæ.

**English**

This passage has not yet been translated.

[↗](https://missale.online/biblia/en/gn/3#text-292f98d53276b7e92ddb)

**Latin**

Spinas et tribulos germinabit tibi, et comedes herbam terræ.

**English**

This passage has not yet been translated.

[↗](https://missale.online/biblia/en/gn/3#text-ea8c03b9efa00fc49552)

**Latin**

In sudore vultus tui vesceris pane, donec revertaris in terram de qua sumptus es : quia pulvis es et in pulverem reverteris.

**English**

This passage has not yet been translated.

[↗](https://missale.online/biblia/en/gn/3#text-0b9188f9827bc9369014)

**Latin**

Et vocavit Adam nomen uxoris suæ, Heva : eo quod mater esset cunctorum viventium.

**English**

This passage has not yet been translated.

[↗](https://missale.online/biblia/en/gn/3#text-4a377fb8b3ab2ddc2997)

**Latin**

Fecit quoque Dominus Deus Adæ et uxori ejus tunicas pelliceas, et induit eos :

**English**

This passage has not yet been translated.

[↗](https://missale.online/biblia/en/gn/3#text-558828010cd7e67a3b8c)

**Latin**

et ait : Ecce Adam quasi unus ex nobis factus est, sciens bonum et malum : nunc ergo ne forte mittat manum suam, et sumat etiam de ligno vitæ, et comedat, et vivat in æternum.

**English**

This passage has not yet been translated.

[↗](https://missale.online/biblia/en/gn/3#text-ec73ab42682871a72627)

**Latin**

Et emisit eum Dominus Deus de paradiso voluptatis, ut operaretur terram de qua sumptus est.

**English**

This passage has not yet been translated.

[↗](https://missale.online/biblia/en/gn/3#text-67cd7490abc0fa3b8079)

**Latin**

Ejecitque Adam : et collocavit ante paradisum voluptatis cherubim, et flammeum gladium, atque versatilem, ad custodiendam viam ligni vitæ.

**English**

This passage has not yet been translated.