# Hebrews · 9

> https://missale.online/biblia/en/hbr/9

## Verses

[↗](https://missale.online/biblia/en/hbr/9#text-738a397ca42f89be3041)

**Latin**

Habuit quidem et prius justificationes culturæ, et Sanctum sæculare.

**English**

This passage has not yet been translated.

[↗](https://missale.online/biblia/en/hbr/9#text-a431dc21500084281aad)

**Latin**

Tabernaculum enim factum est primum, in quo erant candelabra, et mensa, et propositio panum, quæ dicitur Sancta.

**English**

This passage has not yet been translated.

[↗](https://missale.online/biblia/en/hbr/9#text-51d615e65f2b8ce7b8f8)

**Latin**

Post velamentum autem secundum, tabernaculum, quod dicitur Sancta sanctorum :

**English**

This passage has not yet been translated.

[↗](https://missale.online/biblia/en/hbr/9#text-5d4da59ebdbb384b8c9f)

**Latin**

aureum habens thuribulum, et arcam testamenti circumtectam ex omni parte auro, in qua urna aurea habens manna, et virga Aaron, quæ fronduerat, et tabulæ testamenti,

**English**

This passage has not yet been translated.

[↗](https://missale.online/biblia/en/hbr/9#text-c9a99567837d7d8a5257)

**Latin**

superque eam erant cherubim gloriæ obumbrantia propitiatorium : de quibus non est modo dicendum per singula.

**English**

This passage has not yet been translated.

[↗](https://missale.online/biblia/en/hbr/9#text-db8941e9bfe92ba71d70)

**Latin**

His vero ita compositis, in priori quidem tabernaculo semper introibant sacerdotes, sacrificiorum officia consummantes :

**English**

This passage has not yet been translated.

[↗](https://missale.online/biblia/en/hbr/9#text-d18c4bffa042bddf03b6)

**Latin**

in secundo autem semel in anno solus pontifex non sine sanguine, quem offert pro sua et populi ignorantia :

**English**

This passage has not yet been translated.

[↗](https://missale.online/biblia/en/hbr/9#text-280b739fac2695c16a42)

**Latin**

hoc significante Spiritu Sancto, nondum propalatam esse sanctorum viam, adhuc priore tabernaculo habente statum :

**English**

This passage has not yet been translated.

[↗](https://missale.online/biblia/en/hbr/9#text-3dd53cfa29a281509a99)

**Latin**

quæ parabola est temporis instantis : juxta quam munera, et hostiæ offeruntur, quæ non possunt juxta conscientiam perfectum facere servientem, solummodo in cibis, et in potibus,

**English**

This passage has not yet been translated.

[↗](https://missale.online/biblia/en/hbr/9#text-c297fce5deb3b72375f2)

**Latin**

et variis baptismatibus, et justitiis carnis usque ad tempus correctionis impositis.

**English**

This passage has not yet been translated.

[↗](https://missale.online/biblia/en/hbr/9#text-44b28169590526f68717)

**Latin**

Christus autem assistens pontifex futurorum bonorum, per amplius et perfectius tabernaculum, non manufactum, id est, non hujus creationis :

**English**

This passage has not yet been translated.

[↗](https://missale.online/biblia/en/hbr/9#text-40022955d80a097e447c)

**Latin**

neque per sanguinem hircorum aut vitulorum, sed per proprium sanguinem introivit semel in Sancta, æterna redemptione inventa.

**English**

This passage has not yet been translated.

[↗](https://missale.online/biblia/en/hbr/9#text-9cddad593f73adeac016)

**Latin**

Si enim sanguis hircorum et taurorum, et cinis vitulæ aspersus inquinatos sanctificat ad emundationem carnis :

**English**

This passage has not yet been translated.

[↗](https://missale.online/biblia/en/hbr/9#text-77f0bcf628a6b2c6b32a)

**Latin**

quanto magis sanguis Christi, qui per Spiritum Sanctum semetipsum obtulit immaculatum Deo, emundabit conscientiam nostram ab operibus mortuis, ad serviendum Deo viventi ?

**English**

This passage has not yet been translated.

[↗](https://missale.online/biblia/en/hbr/9#text-e93f4ea4f81375c9a221)

**Latin**

Et ideo novi testamenti mediator est : ut morte intercedente, in redemptionem earum prævaricationum, quæ erant sub priori testamento, repromissionem accipiant qui vocati sunt æternæ hæreditatis.

**English**

This passage has not yet been translated.

[↗](https://missale.online/biblia/en/hbr/9#text-ad0dbb7caa8136e57bff)

**Latin**

Ubi enim testamentum est, mors necesse est intercedat testatoris.

**English**

This passage has not yet been translated.

[↗](https://missale.online/biblia/en/hbr/9#text-a344e3eeceed7e93233c)

**Latin**

Testamentum enim in mortuis confirmatum est : alioquin nondum valet, dum vivit qui testatus est.

**English**

This passage has not yet been translated.

[↗](https://missale.online/biblia/en/hbr/9#text-292f98d53276b7e92ddb)

**Latin**

Unde nec primum quidem sine sanguine dedicatum est.

**English**

This passage has not yet been translated.

[↗](https://missale.online/biblia/en/hbr/9#text-ea8c03b9efa00fc49552)

**Latin**

Lecto enim omni mandato legis a Moyse universo populo, accipiens sanguinem vitulorum et hircorum cum aqua, et lana coccinea, et hyssopo, ipsum quoque librum, et omnem populum aspersit,

**English**

This passage has not yet been translated.

[↗](https://missale.online/biblia/en/hbr/9#text-0b9188f9827bc9369014)

**Latin**

dicens : Hic sanguis testamenti, quod mandavit ad vos Deus.

**English**

This passage has not yet been translated.

[↗](https://missale.online/biblia/en/hbr/9#text-4a377fb8b3ab2ddc2997)

**Latin**

Etiam tabernaculum et omnia vasa ministerii sanguine similiter aspersit.

**English**

This passage has not yet been translated.

[↗](https://missale.online/biblia/en/hbr/9#text-558828010cd7e67a3b8c)

**Latin**

Et omnia pene in sanguine secundum legem mundantur : et sine sanguinis effusione non fit remissio.

**English**

This passage has not yet been translated.

[↗](https://missale.online/biblia/en/hbr/9#text-ec73ab42682871a72627)

**Latin**

Necesse est ergo exemplaria quidem cælestium his mundari : ipsa autem cælestia melioribus hostiis quam istis.

**English**

This passage has not yet been translated.

[↗](https://missale.online/biblia/en/hbr/9#text-67cd7490abc0fa3b8079)

**Latin**

Non enim in manufacta Sancta Jesus introivit exemplaria verorum : sed in ipsum cælum, ut appareat nunc vultui Dei pro nobis :

**English**

This passage has not yet been translated.

[↗](https://missale.online/biblia/en/hbr/9#text-3ac038d6962289bd3c26)

**Latin**

neque ut sæpe offerat semetipsum, quemadmodum pontifex intrat in Sancta per singulos annos in sanguine alieno :

**English**

This passage has not yet been translated.

[↗](https://missale.online/biblia/en/hbr/9#text-2b08b45b7a9fd92ff7f8)

**Latin**

alioquin oportebat eum frequenter pati ab origine mundi : nunc autem semel in consummatione sæculorum, ad destitutionem peccati, per hostiam suam apparuit.

**English**

This passage has not yet been translated.

[↗](https://missale.online/biblia/en/hbr/9#text-1b9b77d3fcc49350a3f4)

**Latin**

Et quemadmodum statutum est hominibus semel mori, post hoc autem judicium :

**English**

This passage has not yet been translated.

[↗](https://missale.online/biblia/en/hbr/9#text-21478efda9e3bd77c058)

**Latin**

sic et Christus semel oblatus est ad multorum exhaurienda peccata : secundo sine peccato apparebit exspectantibus se, in salutem.

**English**

This passage has not yet been translated.