# Isaiah · 37

> https://missale.online/biblia/en/is/37

## Verses

[↗](https://missale.online/biblia/en/is/37#text-738a397ca42f89be3041)

**Latin**

Et factum est, cum audisset rex Ezechias, scidit vestimenta sua, et obvolutus est sacco, et intravit in domum Domini.

**English**

This passage has not yet been translated.

[↗](https://missale.online/biblia/en/is/37#text-a431dc21500084281aad)

**Latin**

Et misit Eliacim, qui erat super domum, et Sobnam scribam, et seniores de sacerdotibus, opertos saccis, ad Isaiam, filium Amos, prophetam,

**English**

This passage has not yet been translated.

[↗](https://missale.online/biblia/en/is/37#text-51d615e65f2b8ce7b8f8)

**Latin**

et dixerunt ad eum : Hæc dicit Ezechias : Dies tribulationis, et correptionis, et blasphemiæ, dies hæc ; quia venerunt filii usque ad partum, et virtus non est pariendi.

**English**

This passage has not yet been translated.

[↗](https://missale.online/biblia/en/is/37#text-5d4da59ebdbb384b8c9f)

**Latin**

Si quomodo audiat Dominus Deus tuus verba Rabsacis, quem misit rex Assyriorum dominus suus ad blasphemandum Deum viventem et exprobrandum sermonibus quos audivit Dominus Deus tuus : leva ergo orationem pro reliquiis quæ repertæ sunt.

**English**

This passage has not yet been translated.

[↗](https://missale.online/biblia/en/is/37#text-c9a99567837d7d8a5257)

**Latin**

Et venerunt servi regis Ezechiæ ad Isaiam.

**English**

This passage has not yet been translated.

[↗](https://missale.online/biblia/en/is/37#text-db8941e9bfe92ba71d70)

**Latin**

Et dixit ad eos Isaias : Hæc dicetis domino vestro : Hæc dicit Dominus : Ne timeas a facie verborum quæ audisti, quibus blasphemaverunt pueri regis Assyriorum me.

**English**

This passage has not yet been translated.

[↗](https://missale.online/biblia/en/is/37#text-d18c4bffa042bddf03b6)

**Latin**

Ecce ego dabo ei spiritum, et audiet nuntium, et revertetur ad terram suam, et corruere eum faciam gladio in terra sua.

**English**

This passage has not yet been translated.

[↗](https://missale.online/biblia/en/is/37#text-280b739fac2695c16a42)

**Latin**

Reversus est autem Rabsaces, et invenit regem Assyriorum præliantem adversus Lobnam : audierat enim quia profectus esset de Lachis.

**English**

This passage has not yet been translated.

[↗](https://missale.online/biblia/en/is/37#text-3dd53cfa29a281509a99)

**Latin**

Et audivit de Tharaca rege Æthiopiæ, dicentes : Egressus est ut pugnet contra te. Quod cum audisset, misit nuntios ad Ezechiam, dicens :

**English**

This passage has not yet been translated.

[↗](https://missale.online/biblia/en/is/37#text-c297fce5deb3b72375f2)

**Latin**

Hæc dicetis Ezechiæ regi Judæ, loquentes : Non te decipiat Deus tuus in quo tu confidis, dicens : Non dabitur Jerusalem in manu regis Assyriorum.

**English**

This passage has not yet been translated.

[↗](https://missale.online/biblia/en/is/37#text-44b28169590526f68717)

**Latin**

Ecce tu audisti omnia quæ fecerunt reges Assyriorum omnibus terris, quas subverterunt : et tu poteris liberari ?

**English**

This passage has not yet been translated.

[↗](https://missale.online/biblia/en/is/37#text-40022955d80a097e447c)

**Latin**

Numquid eruerunt eos dii gentium quos subverterunt patres mei, Gozam, et Haram, et Reseph, et filios Eden qui erant in Thalassar ?

**English**

This passage has not yet been translated.

[↗](https://missale.online/biblia/en/is/37#text-9cddad593f73adeac016)

**Latin**

Ubi est rex Emath, et rex Arphad, et rex urbis Sepharvaim, Ana, et Ava ?

**English**

This passage has not yet been translated.

[↗](https://missale.online/biblia/en/is/37#text-77f0bcf628a6b2c6b32a)

**Latin**

Et tulit Ezechias libros de manu nuntiorum, et legit eos, et ascendit in domum Domini, et expandit eos Ezechias coram Domino :

**English**

This passage has not yet been translated.

[↗](https://missale.online/biblia/en/is/37#text-e93f4ea4f81375c9a221)

**Latin**

et oravit Ezechias ad Dominum, dicens :

**English**

This passage has not yet been translated.

[↗](https://missale.online/biblia/en/is/37#text-ad0dbb7caa8136e57bff)

**Latin**

Domine exercituum, Deus Israël, qui sedes super cherubim, tu es Deus solus omnium regnorum terræ : tu fecisti cælum et terram.

**English**

This passage has not yet been translated.

[↗](https://missale.online/biblia/en/is/37#text-a344e3eeceed7e93233c)

**Latin**

Inclina, Domine, aurem tuam, et audi ; aperi, Domine, oculos tuos, et vide : et audi omnia verba Sennacherib, quæ misit ad blasphemandum Deum viventem.

**English**

This passage has not yet been translated.

[↗](https://missale.online/biblia/en/is/37#text-292f98d53276b7e92ddb)

**Latin**

Vere enim, Domine, desertas fecerunt reges Assyriorum terras, et regiones earum,

**English**

This passage has not yet been translated.

[↗](https://missale.online/biblia/en/is/37#text-ea8c03b9efa00fc49552)

**Latin**

et dederunt deos earum igni : non enim erant dii, sed opera manuum hominum, lignum et lapis, et comminuerunt eos.

**English**

This passage has not yet been translated.

[↗](https://missale.online/biblia/en/is/37#text-0b9188f9827bc9369014)

**Latin**

Et nunc, Domine Deus noster, salva nos de manu ejus, et cognoscant omnia regna terræ quia tu es Dominus solus.

**English**

This passage has not yet been translated.

[↗](https://missale.online/biblia/en/is/37#text-4a377fb8b3ab2ddc2997)

**Latin**

Et misit Isaias, filius Amos, ad Ezechiam, dicens : Hæc dicit Dominus Deus Israël : Pro quibus rogasti me de Sennacherib, rege Assyriorum,

**English**

This passage has not yet been translated.

[↗](https://missale.online/biblia/en/is/37#text-558828010cd7e67a3b8c)

**Latin**

hoc est verbum quod locutus est Dominus super eum : Despexit te et subsannavit te,
virgo filia Sion ;
post te caput movit,
filia Jerusalem.

**English**

This passage has not yet been translated.

[↗](https://missale.online/biblia/en/is/37#text-ec73ab42682871a72627)

**Latin**

Cui exprobrasti ? et quem blasphemasti ?
et super quem exaltasti vocem,
et levasti altitudinem oculorum tuorum ?
ad Sanctum Israël.

**English**

This passage has not yet been translated.

[↗](https://missale.online/biblia/en/is/37#text-67cd7490abc0fa3b8079)

**Latin**

In manu servorum tuorum exprobrasti Domino,
et dixisti : In multitudine quadrigarum mearum
ego ascendi altitudinem montium juga Libani ;
et succidam excelsa cedrorum ejus,
et electas abietes illius,
et introibo altitudinem summitatis ejus,
saltum Carmeli ejus.

**English**

This passage has not yet been translated.

[↗](https://missale.online/biblia/en/is/37#text-3ac038d6962289bd3c26)

**Latin**

Ego fodi, et bibi aquam,
et exsiccavi vestigio pedis mei
omnes rivos aggerum.

**English**

This passage has not yet been translated.

[↗](https://missale.online/biblia/en/is/37#text-2b08b45b7a9fd92ff7f8)

**Latin**

Numquid non audisti quæ olim fecerim ei ?
Ex diebus antiquis ego plasmavi illud ;
et nunc adduxi,
et factum est in eradicationem collium compugnantium,
et civitatum munitarum.

**English**

This passage has not yet been translated.

[↗](https://missale.online/biblia/en/is/37#text-1b9b77d3fcc49350a3f4)

**Latin**

Habitatores earum breviata manu
contremuerunt, et confusi sunt.
Facti sunt sicut fœnum agri,
et gramen pascuæ,
et herba tectorum,
quæ exaruit antequam maturesceret.

**English**

This passage has not yet been translated.

[↗](https://missale.online/biblia/en/is/37#text-21478efda9e3bd77c058)

**Latin**

Habitationem tuam, et egressum tuum,
et introitum tuum cognovi,
et insaniam tuam contra me.

**English**

This passage has not yet been translated.

[↗](https://missale.online/biblia/en/is/37#text-66af0bf07849f0763ec9)

**Latin**

Cum fureres adversum me,
superbia tua ascendit in aures meas.
Ponam ergo circulum in naribus tuis,
et frenum in labiis tuis,
et reducam te in viam
per quem venisti.

**English**

This passage has not yet been translated.

[↗](https://missale.online/biblia/en/is/37#text-8ce0bbceaab8ff918d3a)

**Latin**

Tibi autem hoc erit signum : comede hoc anno quæ sponte nascuntur, et in anno secundo pomis vescere ; in anno autem tertio seminate et metite, et plantate vineas, et comedite fructum earum.

**English**

This passage has not yet been translated.

[↗](https://missale.online/biblia/en/is/37#text-ccc106774904a733b00e)

**Latin**

Et mittet id quod salvatum fuerit de domo Juda, et quod reliquum est, radicem deorsum, et faciet fructum sursum :

**English**

This passage has not yet been translated.

[↗](https://missale.online/biblia/en/is/37#text-3885b8fb3f9b0c24fd89)

**Latin**

quia de Jerusalem exibunt reliquiæ, et salvatio de monte Sion : zelus Domini exercituum faciet istud.

**English**

This passage has not yet been translated.

[↗](https://missale.online/biblia/en/is/37#text-578310eff006266469cc)

**Latin**

Propterea hæc dicit Dominus de rege Assyriorum : Non intrabit civitatem hanc,
et non jaciet ibi sagittam,
et non occupabit eam clypeus,
et non mittet in circuitu ejus aggerem.

**English**

This passage has not yet been translated.

[↗](https://missale.online/biblia/en/is/37#text-fe2917b9f5e3cb90d74f)

**Latin**

In via qua venit, per eam revertetur,
et civitatem hanc non ingredietur, dicit Dominus.

**English**

This passage has not yet been translated.

[↗](https://missale.online/biblia/en/is/37#text-79e5363277408edadf4d)

**Latin**

Et protegam civitatem istam, ut salvem eam
propter me, et propter David, servum meum.

**English**

This passage has not yet been translated.

[↗](https://missale.online/biblia/en/is/37#text-5f3b65a9d805032a9ee2)

**Latin**

Egressus est autem angelus Domini, et percussit in castris Assyriorum centum octoginta quinque millia. Et surrexerunt mane, et ecce omnes cadavera mortuorum.

**English**

This passage has not yet been translated.

[↗](https://missale.online/biblia/en/is/37#text-762d295fd73e6f7c5976)

**Latin**

Et egressus est, et abiit, et reversus est Sennacherib, rex Assyriorum, et habitavit in Ninive.

**English**

This passage has not yet been translated.

[↗](https://missale.online/biblia/en/is/37#text-cda9e96bec793da3010d)

**Latin**

Et factum est, cum adoraret in templo Nesroch deum suum, Adramelech et Sarasar, filii ejus, percusserunt eum gladio, fugeruntque in terram Ararat ; et regnavit Asarhaddon, filius ejus, pro eo.

**English**

This passage has not yet been translated.