# Isaiah · 39

> https://missale.online/biblia/en/is/39

## Verses

[↗](https://missale.online/biblia/en/is/39#text-738a397ca42f89be3041)

**Latin**

In tempore illo misit Merodach Baladan, filius Baladan, rex Babylonis, libros et munera ad Ezechiam : audierat enim quod ægrotasset et convaluisset.

**English**

This passage has not yet been translated.

[↗](https://missale.online/biblia/en/is/39#text-a431dc21500084281aad)

**Latin**

Lætatus est autem super eis Ezechias, et ostendit eis cellam aromatum, et argenti, et auri, et odoramentorum, et unguenti optimi, et omnes apothecas supellectilis suæ, et universa quæ inventa sunt in thesauris ejus. Non fuit verbum quod non ostenderet eis Ezechias in domo sua, et in omni potestate sua.

**English**

This passage has not yet been translated.

[↗](https://missale.online/biblia/en/is/39#text-51d615e65f2b8ce7b8f8)

**Latin**

Introivit autem Isaias propheta ad Ezechiam regem, et dixit ei : Quid dixerunt viri isti, et unde venerunt ad te ? Et dixit Ezechias : De terra longinqua venerunt ad me, de Babylone.

**English**

This passage has not yet been translated.

[↗](https://missale.online/biblia/en/is/39#text-5d4da59ebdbb384b8c9f)

**Latin**

Et dixit : Quid viderunt in domo tua ? Et dixit Ezechias : Omnia quæ in domo mea sunt viderunt ; non fuit res quam non ostenderim eis in thesauris meis.

**English**

This passage has not yet been translated.

[↗](https://missale.online/biblia/en/is/39#text-c9a99567837d7d8a5257)

**Latin**

Et dixit Isaias ad Ezechiam : Audi verbum Domini exercituum.

**English**

This passage has not yet been translated.

[↗](https://missale.online/biblia/en/is/39#text-db8941e9bfe92ba71d70)

**Latin**

Ecce dies venient, et auferentur omnia quæ in domo tua sunt, et quæ thesaurizaverunt patres tui usque ad diem hanc, in Babylonem ; non relinquetur quidquam, dicit Dominus.

**English**

This passage has not yet been translated.

[↗](https://missale.online/biblia/en/is/39#text-d18c4bffa042bddf03b6)

**Latin**

Et de filiis tuis, qui exibunt de te, quos genueris, tollent, et erunt eunuchi in palatio regis Babylonis.

**English**

This passage has not yet been translated.

[↗](https://missale.online/biblia/en/is/39#text-280b739fac2695c16a42)

**Latin**

Et dixit Ezechias ad Isaiam : Bonum verbum Domini, quod locutus est. Et dixit : Fiat tantum pax et veritas in diebus meis !

**English**

This passage has not yet been translated.