# Judges · 1

> https://missale.online/biblia/en/jdc/1

## Verses

[↗](https://missale.online/biblia/en/jdc/1#text-738a397ca42f89be3041)

**Latin**

Post mortem Josue, consuluerunt filii Israël Dominum, dicentes : Quis ascendet ante nos contra Chananæum, et erit dux belli ?

**English**

This passage has not yet been translated.

[↗](https://missale.online/biblia/en/jdc/1#text-a431dc21500084281aad)

**Latin**

Dixitque Dominus : Judas ascendet : ecce tradidi terram in manus ejus.

**English**

This passage has not yet been translated.

[↗](https://missale.online/biblia/en/jdc/1#text-51d615e65f2b8ce7b8f8)

**Latin**

Et ait Judas Simeoni fratri suo : Ascende mecum in sortem meam, et pugna contra Chananæum, ut et ego pergam tecum in sortem tuam. Et abiit cum eo Simeon.

**English**

This passage has not yet been translated.

[↗](https://missale.online/biblia/en/jdc/1#text-5d4da59ebdbb384b8c9f)

**Latin**

Ascenditque Judas, et tradidit Dominus Chananæum ac Pherezæum in manus eorum : et percusserunt in Bezec decem millia virorum.

**English**

This passage has not yet been translated.

[↗](https://missale.online/biblia/en/jdc/1#text-c9a99567837d7d8a5257)

**Latin**

Inveneruntque Adonibezec in Bezec, et pugnaverunt contra eum, ac percusserunt Chananæum et Pherezæum.

**English**

This passage has not yet been translated.

[↗](https://missale.online/biblia/en/jdc/1#text-db8941e9bfe92ba71d70)

**Latin**

Fugit autem Adonibezec : quem persecuti comprehenderunt, cæsis summitatibus manuum ejus ac pedum.

**English**

This passage has not yet been translated.

[↗](https://missale.online/biblia/en/jdc/1#text-d18c4bffa042bddf03b6)

**Latin**

Dixitque Adonibezec : Septuaginta reges amputatis manuum ac pedum summitatibus colligebant sub mensa mea ciborum reliquias : sicut feci, ita reddidit mihi Deus. Adduxeruntque eum in Jerusalem, et ibi mortuus est.

**English**

This passage has not yet been translated.

[↗](https://missale.online/biblia/en/jdc/1#text-280b739fac2695c16a42)

**Latin**

Oppugnantes ergo filii Juda Jerusalem, ceperunt eam, et percusserunt in ore gladii, tradentes cunctam incendio civitatem.

**English**

This passage has not yet been translated.

[↗](https://missale.online/biblia/en/jdc/1#text-3dd53cfa29a281509a99)

**Latin**

Et postea descendentes pugnaverunt contra Chananæum, qui habitabat in montanis, et ad meridiem, et in campestribus.

**English**

This passage has not yet been translated.

[↗](https://missale.online/biblia/en/jdc/1#text-c297fce5deb3b72375f2)

**Latin**

Pergensque Judas contra Chananæum, qui habitabat in Hebron (cujus nomen fuit antiquitus Cariath Arbe), percussit Sesai, et Ahiman, et Tholmai :

**English**

This passage has not yet been translated.

[↗](https://missale.online/biblia/en/jdc/1#text-44b28169590526f68717)

**Latin**

atque inde profectus abiit ad habitatores Dabir, cujus nomen vetus erat Cariath Sepher, id est, civitas litterarum.

**English**

This passage has not yet been translated.

[↗](https://missale.online/biblia/en/jdc/1#text-40022955d80a097e447c)

**Latin**

Dixitque Caleb : Qui percusserit Cariath Sepher, et vastaverit eam, dabo ei Axam filiam meam uxorem.

**English**

This passage has not yet been translated.

[↗](https://missale.online/biblia/en/jdc/1#text-9cddad593f73adeac016)

**Latin**

Cumque cepisset eam Othoniel filius Cenez frater Caleb minor, dedit ei Axam filiam suam conjugem.

**English**

This passage has not yet been translated.

[↗](https://missale.online/biblia/en/jdc/1#text-77f0bcf628a6b2c6b32a)

**Latin**

Quam pergentem in itinere monuit vir suus ut peteret a patre suo agrum. Quæ cum suspirasset sedens in asino, dixit ei Caleb : Quid habes ?

**English**

This passage has not yet been translated.

[↗](https://missale.online/biblia/en/jdc/1#text-e93f4ea4f81375c9a221)

**Latin**

At illa respondit : Da mihi benedictionem, quia terram arentem dedisti mihi : da et irriguam aquis. Dedit ergo ei Caleb irriguum superius, et irriguum inferius.

**English**

This passage has not yet been translated.

[↗](https://missale.online/biblia/en/jdc/1#text-ad0dbb7caa8136e57bff)

**Latin**

Filii autem Cinæi cognati Moysi ascenderunt de civitate palmarum cum filiis Juda, in desertum sortis ejus, quod est ad meridiem Arad, et habitaverunt cum eo.

**English**

This passage has not yet been translated.

[↗](https://missale.online/biblia/en/jdc/1#text-a344e3eeceed7e93233c)

**Latin**

Abiit autem Judas cum Simeone fratre suo, et percusserunt simul Chananæum qui habitabat in Sephaath, et interfecerunt eum. Vocatumque est nomen urbis, Horma, id est, anathema.

**English**

This passage has not yet been translated.

[↗](https://missale.online/biblia/en/jdc/1#text-292f98d53276b7e92ddb)

**Latin**

Cepitque Judas Gazam cum finibus suis, et Ascalonem, atque Accaron cum terminis suis.

**English**

This passage has not yet been translated.

[↗](https://missale.online/biblia/en/jdc/1#text-ea8c03b9efa00fc49552)

**Latin**

Fuitque Dominus cum Juda, et montana possedit : nec potuit delere habitatores vallis, quia falcatis curribus abundabant.

**English**

This passage has not yet been translated.

[↗](https://missale.online/biblia/en/jdc/1#text-0b9188f9827bc9369014)

**Latin**

Dederuntque Caleb Hebron, sicut dixerat Moyses, qui delevit ex ea tres filios Enac.

**English**

This passage has not yet been translated.

[↗](https://missale.online/biblia/en/jdc/1#text-4a377fb8b3ab2ddc2997)

**Latin**

Jebusæum autem habitatorem Jerusalem non deleverunt filii Benjamin : habitavitque Jebusæus cum filiis Benjamin in Jerusalem, usque in præsentem diem.

**English**

This passage has not yet been translated.

[↗](https://missale.online/biblia/en/jdc/1#text-558828010cd7e67a3b8c)

**Latin**

Domus quoque Joseph ascendit in Bethel, fuitque Dominus cum eis.

**English**

This passage has not yet been translated.

[↗](https://missale.online/biblia/en/jdc/1#text-ec73ab42682871a72627)

**Latin**

Nam cum obsiderent urbem, quæ prius Luza vocabatur,

**English**

This passage has not yet been translated.

[↗](https://missale.online/biblia/en/jdc/1#text-67cd7490abc0fa3b8079)

**Latin**

viderunt hominem egredientem de civitate, dixeruntque ad eum : Ostende nobis introitum civitatis, et faciemus tecum misericordiam.

**English**

This passage has not yet been translated.

[↗](https://missale.online/biblia/en/jdc/1#text-3ac038d6962289bd3c26)

**Latin**

Qui cum ostendisset eis, percusserunt urbem in ore gladii : hominem autem illum, et omnem cognationem ejus, dimiserunt.

**English**

This passage has not yet been translated.

[↗](https://missale.online/biblia/en/jdc/1#text-2b08b45b7a9fd92ff7f8)

**Latin**

Qui dimissus, abiit in terram Hetthim, et ædificavit ibi civitatem, vocavitque eam Luzam : quæ ita appellatur usque in præsentem diem.

**English**

This passage has not yet been translated.

[↗](https://missale.online/biblia/en/jdc/1#text-1b9b77d3fcc49350a3f4)

**Latin**

Manasses quoque non delevit Bethsan, et Thanac cum viculis suis, et habitatores Dor, et Jeblaam, et Mageddo cum viculis suis, cœpitque Chananæus habitare cum eis.

**English**

This passage has not yet been translated.

[↗](https://missale.online/biblia/en/jdc/1#text-21478efda9e3bd77c058)

**Latin**

Postquam autem confortatus est Israël, fecit eos tributarios, et delere noluit.

**English**

This passage has not yet been translated.

[↗](https://missale.online/biblia/en/jdc/1#text-66af0bf07849f0763ec9)

**Latin**

Ephraim etiam non interfecit Chananæum, qui habitabat in Gazer, sed habitavit cum eo.

**English**

This passage has not yet been translated.

[↗](https://missale.online/biblia/en/jdc/1#text-8ce0bbceaab8ff918d3a)

**Latin**

Zabulon non delevit habitatores Cetron, et Naalol : sed habitavit Chananæus in medio ejus, factusque est ei tributarius.

**English**

This passage has not yet been translated.

[↗](https://missale.online/biblia/en/jdc/1#text-ccc106774904a733b00e)

**Latin**

Aser quoque non delevit habitatores Accho, et Sidonis, Ahalab, et Achazib, et Helba, et Aphec, et Rohob :

**English**

This passage has not yet been translated.

[↗](https://missale.online/biblia/en/jdc/1#text-3885b8fb3f9b0c24fd89)

**Latin**

habitavitque in medio Chananæi habitatoris illius terræ, nec interfecit eum.

**English**

This passage has not yet been translated.

[↗](https://missale.online/biblia/en/jdc/1#text-578310eff006266469cc)

**Latin**

Nephthali quoque non delevit habitatores Bethsames, et Bethanath : et habitavit inter Chananæum habitatorem terræ, fueruntque ei Bethsamitæ et Bethanitæ tributarii.

**English**

This passage has not yet been translated.

[↗](https://missale.online/biblia/en/jdc/1#text-fe2917b9f5e3cb90d74f)

**Latin**

Arctavitque Amorrhæus filios Dan in monte, nec dedit eis locum ut ad planiora descenderent :

**English**

This passage has not yet been translated.

[↗](https://missale.online/biblia/en/jdc/1#text-79e5363277408edadf4d)

**Latin**

habitavitque in monte Hares, quod interpretatur testaceo, in Ajalon et Salebim. Et aggravata est manus domus Joseph, factusque est ei tributarius.

**English**

This passage has not yet been translated.

[↗](https://missale.online/biblia/en/jdc/1#text-5f3b65a9d805032a9ee2)

**Latin**

Fuit autem terminus Amorrhæi ab ascensu Scorpionis, petra, et superiora loca.

**English**

This passage has not yet been translated.