# Judges · 15 > https://missale.online/biblia/en/jdc/15 ## Verses [↗](https://missale.online/biblia/en/jdc/15#text-738a397ca42f89be3041) **Latin** Post aliquantulum autem temporis, cum dies triticeæ messis instarent, venit Samson, invisere volens uxorem suam, et attulit ei hædum de capris. Cumque cubiculum ejus solito vellet intrare, prohibuit eum pater illius, dicens : **English** This passage has not yet been translated. [↗](https://missale.online/biblia/en/jdc/15#text-a431dc21500084281aad) **Latin** Putavi quod odisses eam, et ideo tradidi illam amico tuo : sed habet sororem, quæ junior et pulchrior illa est : sit tibi pro ea uxor. **English** This passage has not yet been translated. [↗](https://missale.online/biblia/en/jdc/15#text-51d615e65f2b8ce7b8f8) **Latin** Cui Samson respondit : Ab hac die non erit culpa in me contra Philisthæos : faciam enim vobis mala. **English** This passage has not yet been translated. [↗](https://missale.online/biblia/en/jdc/15#text-5d4da59ebdbb384b8c9f) **Latin** Perrexitque et cepit trecentas vulpes, caudasque earum junxit ad caudas, et faces ligavit in medio : **English** This passage has not yet been translated. [↗](https://missale.online/biblia/en/jdc/15#text-c9a99567837d7d8a5257) **Latin** quas igne succendens, dimisit ut huc illucque discurrerent. Quæ statim perrexerunt in segetes Philisthinorum. Quibus succensis, et comportatæ jam fruges, et adhuc stantes in stipula, concrematæ sunt, in tantum ut vineas quoque et oliveta flamma consumeret. **English** This passage has not yet been translated. [↗](https://missale.online/biblia/en/jdc/15#text-db8941e9bfe92ba71d70) **Latin** Dixeruntque Philisthiim : Quis fecit hanc rem ? Quibus dictum est : Samson gener Thamnathæi : quia tulit uxorem ejus, et alteri tradidit, hæc operatus est. Ascenderuntque Philisthiim, et combusserunt tam mulierem quam patrem ejus. **English** This passage has not yet been translated. [↗](https://missale.online/biblia/en/jdc/15#text-d18c4bffa042bddf03b6) **Latin** Quibus ait Samson : Licet hæc feceritis, tamen adhuc ex vobis expetam ultionem, et tunc quiescam. **English** This passage has not yet been translated. [↗](https://missale.online/biblia/en/jdc/15#text-280b739fac2695c16a42) **Latin** Percussitque eos ingenti plaga, ita ut stupentes suram femori imponerent. Et descendens habitavit in spelunca petræ Etam. **English** This passage has not yet been translated. [↗](https://missale.online/biblia/en/jdc/15#text-3dd53cfa29a281509a99) **Latin** Igitur ascendentes Philisthiim in terram Juda, castrametati sunt in loco, qui postea vocatus est Lechi, id est, Maxilla, ubi eorum effusus est exercitus. **English** This passage has not yet been translated. [↗](https://missale.online/biblia/en/jdc/15#text-c297fce5deb3b72375f2) **Latin** Dixeruntque ad eos de tribu Juda : Cur ascendistis adversum nos ? Qui responderunt : Ut ligemus Samson venimus, et reddamus ei quæ in nos operatus est. **English** This passage has not yet been translated. [↗](https://missale.online/biblia/en/jdc/15#text-44b28169590526f68717) **Latin** Descenderunt ergo tria millia virorum de Juda ad specum silicis Etam, dixeruntque ad Samson : Nescis quod Philisthiim imperent nobis ? quare hoc facere voluisti ? Quibus ille ait : Sicut fecerunt mihi, sic feci eis. **English** This passage has not yet been translated. [↗](https://missale.online/biblia/en/jdc/15#text-40022955d80a097e447c) **Latin** Ligare, inquiunt, te venimus, et tradere in manus Philisthinorum. Quibus Samson : Jurate, ait, et spondete mihi quod non occidatis me. **English** This passage has not yet been translated. [↗](https://missale.online/biblia/en/jdc/15#text-9cddad593f73adeac016) **Latin** Dixerunt : Non te occidemus, sed vinctum trademus. Ligaveruntque eum duobus novis funibus, et tulerunt eum de petra Etam. **English** This passage has not yet been translated. [↗](https://missale.online/biblia/en/jdc/15#text-77f0bcf628a6b2c6b32a) **Latin** Qui cum venisset ad locum Maxillæ, et Philisthiim vociferantes occurrissent ei, irruit spiritus Domini in eum : et sicut solent ad odorem ignis lina consumi, ita vincula, quibus ligatus erat, dissipata sunt et soluta. **English** This passage has not yet been translated. [↗](https://missale.online/biblia/en/jdc/15#text-e93f4ea4f81375c9a221) **Latin** Inventamque maxillam, id est, mandibulam asini, quæ jacebat, arripiens interfecit in ea mille viros, **English** This passage has not yet been translated. [↗](https://missale.online/biblia/en/jdc/15#text-ad0dbb7caa8136e57bff) **Latin** et ait : In maxilla asini, in mandibula pulli asinarum, delevi eos, et percussi mille viros. **English** This passage has not yet been translated. [↗](https://missale.online/biblia/en/jdc/15#text-a344e3eeceed7e93233c) **Latin** Cumque hæc verba canens complesset, projecit mandibulam de manu, et vocavit nomen loci illius Ramathlechi, quod interpretatur, Elevatio maxillæ. **English** This passage has not yet been translated. [↗](https://missale.online/biblia/en/jdc/15#text-292f98d53276b7e92ddb) **Latin** Sitiensque valde, clamavit ad Dominum, et ait : Tu dedisti in manu servi tui salutem hanc maximam atque victoriam : en siti morior, incidamque in manus incircumcisorum. **English** This passage has not yet been translated. [↗](https://missale.online/biblia/en/jdc/15#text-ea8c03b9efa00fc49552) **Latin** Aperuit itaque Dominus molarem dentem in maxilla asini, et egressæ sunt ex eo aquæ. Quibus haustis, refocillavit spiritum, et vires recepit. Idcirco appellatum est nomen loci illius, Fons invocantis de maxilla, usque in præsentem diem. **English** This passage has not yet been translated. [↗](https://missale.online/biblia/en/jdc/15#text-0b9188f9827bc9369014) **Latin** Judicavitque Israël in diebus Philisthiim viginti annis. **English** This passage has not yet been translated.