# Judges · 8

> https://missale.online/biblia/en/jdc/8

## Verses

[↗](https://missale.online/biblia/en/jdc/8#text-738a397ca42f89be3041)

**Latin**

Dixeruntque ad eum viri Ephraim : Quid est hoc quod facere voluisti, ut nos non vocares, cum ad pugnam pergeres contra Madian ? jurgantes fortiter, et prope vim inferentes.

**English**

This passage has not yet been translated.

[↗](https://missale.online/biblia/en/jdc/8#text-a431dc21500084281aad)

**Latin**

Quibus ille respondit : Quod enim tale facere potui, quale vos fecistis ? nonne melior est racemus Ephraim, vindemiis Abiezer ?

**English**

This passage has not yet been translated.

[↗](https://missale.online/biblia/en/jdc/8#text-51d615e65f2b8ce7b8f8)

**Latin**

In manus vestras Dominus tradidit principes Madian, Oreb et Zeb : quid tale facere potui, quale vos fecistis ? Quod cum locutus esset, requievit spiritus eorum, quo tumebant contra eum.

**English**

This passage has not yet been translated.

[↗](https://missale.online/biblia/en/jdc/8#text-5d4da59ebdbb384b8c9f)

**Latin**

Cumque venisset Gedeon ad Jordanem, transivit eum cum trecentis viris, qui secum erant : et præ lassitudine, fugientes persequi non poterant.

**English**

This passage has not yet been translated.

[↗](https://missale.online/biblia/en/jdc/8#text-c9a99567837d7d8a5257)

**Latin**

Dixitque ad viros Soccoth : Date, obsecro, panes populo qui mecum est, quia valde defecerunt : ut possimus persequi Zebee et Salmana reges Madian.

**English**

This passage has not yet been translated.

[↗](https://missale.online/biblia/en/jdc/8#text-db8941e9bfe92ba71d70)

**Latin**

Responderunt principes Soccoth : Forsitan palmæ manuum Zebee et Salmana in manu tua sunt, et idcirco postulas ut demus exercitui tuo panes.

**English**

This passage has not yet been translated.

[↗](https://missale.online/biblia/en/jdc/8#text-d18c4bffa042bddf03b6)

**Latin**

Quibus ille ait : Cum ergo tradiderit Dominus Zebee et Salmana in manus meas, conteram carnes vestras cum spinis tribulisque deserti.

**English**

This passage has not yet been translated.

[↗](https://missale.online/biblia/en/jdc/8#text-280b739fac2695c16a42)

**Latin**

Et inde conscendens, venit in Phanuel : locutusque est ad viros loci illius similia. Cui et illi responderunt, sicut responderant viri Soccoth.

**English**

This passage has not yet been translated.

[↗](https://missale.online/biblia/en/jdc/8#text-3dd53cfa29a281509a99)

**Latin**

Dixit itaque et eis : Cum reversus fuero victor in pace, destruam turrim hanc.

**English**

This passage has not yet been translated.

[↗](https://missale.online/biblia/en/jdc/8#text-c297fce5deb3b72375f2)

**Latin**

Zebee autem et Salmana requiescebant cum omni exercitu suo. Quindecim enim millia viri remanserant ex omnibus turmis orientalium populorum, cæsis centum viginti millibus bellatorum educentium gladium.

**English**

This passage has not yet been translated.

[↗](https://missale.online/biblia/en/jdc/8#text-44b28169590526f68717)

**Latin**

Ascendensque Gedeon per viam eorum, qui in tabernaculis morabantur, ad orientalem partem Nobe et Jegbaa, percussit castra hostium, qui securi erant, et nihil adversi suspicabantur.

**English**

This passage has not yet been translated.

[↗](https://missale.online/biblia/en/jdc/8#text-40022955d80a097e447c)

**Latin**

Fugeruntque Zebee et Salmana, quos persequens Gedeon comprehendit, turbato omni exercitu eorum.

**English**

This passage has not yet been translated.

[↗](https://missale.online/biblia/en/jdc/8#text-9cddad593f73adeac016)

**Latin**

Revertensque de bello ante solis ortum,

**English**

This passage has not yet been translated.

[↗](https://missale.online/biblia/en/jdc/8#text-77f0bcf628a6b2c6b32a)

**Latin**

apprehendit puerum de viris Soccoth : interrogavitque eum nomina principum et seniorum Soccoth, et descripsit septuaginta septem viros.

**English**

This passage has not yet been translated.

[↗](https://missale.online/biblia/en/jdc/8#text-e93f4ea4f81375c9a221)

**Latin**

Venitque ad Soccoth, et dixit eis : En Zebee et Salmana, super quibus exprobrastis mihi, dicentes : Forsitan manus Zebee et Salmana in manibus tuis sunt, et idcirco postulas ut demus viris, qui lassi sunt et defecerunt, panes.

**English**

This passage has not yet been translated.

[↗](https://missale.online/biblia/en/jdc/8#text-ad0dbb7caa8136e57bff)

**Latin**

Tulit ergo seniores civitatis et spinas deserti ac tribulos, et contrivit cum eis atque comminuit viros Soccoth.

**English**

This passage has not yet been translated.

[↗](https://missale.online/biblia/en/jdc/8#text-a344e3eeceed7e93233c)

**Latin**

Turrim quoque Phanuel subvertit, occisis habitatoribus civitatis.

**English**

This passage has not yet been translated.

[↗](https://missale.online/biblia/en/jdc/8#text-292f98d53276b7e92ddb)

**Latin**

Dixitque ad Zebee et Salmana : Quales fuerunt viri, quos occidistis in Thabor ? Qui responderunt : Similes tui, et unus ex eis quasi filius regis.

**English**

This passage has not yet been translated.

[↗](https://missale.online/biblia/en/jdc/8#text-ea8c03b9efa00fc49552)

**Latin**

Quibus ille respondit : Fratres mei fuerunt, filii matris meæ. Vivit Dominus, quia si servassetis eos, non vos occiderem.

**English**

This passage has not yet been translated.

[↗](https://missale.online/biblia/en/jdc/8#text-0b9188f9827bc9369014)

**Latin**

Dixitque Jether primogenito suo : Surge, et interfice eos. Qui non eduxit gladium : timebat enim, quia adhuc puer erat.

**English**

This passage has not yet been translated.

[↗](https://missale.online/biblia/en/jdc/8#text-4a377fb8b3ab2ddc2997)

**Latin**

Dixeruntque Zebee et Salmana : Tu surge, et irrue in nos : quia juxta ætatem robur est hominis. Surrexit Gedeon, et interfecit Zebee et Salmana : et tulit ornamenta ac bullas quibus colla regalium camelorum decorari solent.

**English**

This passage has not yet been translated.

[↗](https://missale.online/biblia/en/jdc/8#text-558828010cd7e67a3b8c)

**Latin**

Dixeruntque omnes viri Israël ad Gedeon : Dominare nostri tu, et filius tuus, et filius filii tui : quia liberasti nos de manu Madian.

**English**

This passage has not yet been translated.

[↗](https://missale.online/biblia/en/jdc/8#text-ec73ab42682871a72627)

**Latin**

Quibus ille ait : Non dominabor vestri, nec dominabitur in vos filius meus, sed dominabitur vobis Dominus.

**English**

This passage has not yet been translated.

[↗](https://missale.online/biblia/en/jdc/8#text-67cd7490abc0fa3b8079)

**Latin**

Dixitque ad eos : Unam petitionem postulo a vobis : date mihi inaures ex præda vestra. Inaures enim aureas Ismaëlitæ habere consueverant.

**English**

This passage has not yet been translated.

[↗](https://missale.online/biblia/en/jdc/8#text-3ac038d6962289bd3c26)

**Latin**

Qui responderunt : Libentissime dabimus. Expandentesque super terram pallium, projecerunt in eo inaures de præda :

**English**

This passage has not yet been translated.

[↗](https://missale.online/biblia/en/jdc/8#text-2b08b45b7a9fd92ff7f8)

**Latin**

et fuit pondus postulatarum inaurium, mille septingenti auri sicli, absque ornamentis, et monilibus, et veste purpurea, quibus reges Madian uti soliti erant, et præter torques aureas camelorum.

**English**

This passage has not yet been translated.

[↗](https://missale.online/biblia/en/jdc/8#text-1b9b77d3fcc49350a3f4)

**Latin**

Fecitque ex eo Gedeon ephod, et posuit illud in civitate sua Ephra. Fornicatusque est omnis Israël in eo, et factum est Gedeoni et omni domui ejus in ruinam.

**English**

This passage has not yet been translated.

[↗](https://missale.online/biblia/en/jdc/8#text-21478efda9e3bd77c058)

**Latin**

Humiliatus est autem Madian coram filiis Israël, nec potuerunt ultra cervices elevare : sed quievit terra per quadraginta annos, quibus Gedeon præfuit.

**English**

This passage has not yet been translated.

[↗](https://missale.online/biblia/en/jdc/8#text-66af0bf07849f0763ec9)

**Latin**

Abiit itaque Jerobaal filius Joas, et habitavit in domo sua :

**English**

This passage has not yet been translated.

[↗](https://missale.online/biblia/en/jdc/8#text-8ce0bbceaab8ff918d3a)

**Latin**

habuitque septuaginta filios, qui egressi sunt de femore ejus : eo quod plures haberet uxores.

**English**

This passage has not yet been translated.

[↗](https://missale.online/biblia/en/jdc/8#text-ccc106774904a733b00e)

**Latin**

Concubina autem illius, quam habebat in Sichem, genuit ei filium nomine Abimelech.

**English**

This passage has not yet been translated.

[↗](https://missale.online/biblia/en/jdc/8#text-3885b8fb3f9b0c24fd89)

**Latin**

Mortuusque est Gedeon filius Joas in senectute bona, et sepultus est in sepulchro Joas patris sui in Ephra de familia Ezri.

**English**

This passage has not yet been translated.

[↗](https://missale.online/biblia/en/jdc/8#text-578310eff006266469cc)

**Latin**

Postquam autem mortuus est Gedeon, aversi sunt filii Israël, et fornicati sunt cum Baalim. Percusseruntque cum Baal fœdus, ut esset eis in deum :

**English**

This passage has not yet been translated.

[↗](https://missale.online/biblia/en/jdc/8#text-fe2917b9f5e3cb90d74f)

**Latin**

nec recordati sunt Domini Dei sui, qui eruit eos de manibus inimicorum suorum omnium per circuitum :

**English**

This passage has not yet been translated.

[↗](https://missale.online/biblia/en/jdc/8#text-79e5363277408edadf4d)

**Latin**

nec fecerunt misericordiam cum domo Jerobaal Gedeon, juxta omnia bona quæ fecerat Israëli.

**English**

This passage has not yet been translated.