# Judith · 10

> https://missale.online/biblia/en/jdt/10

## Verses

[↗](https://missale.online/biblia/en/jdt/10#text-738a397ca42f89be3041)

**Latin**

Factum est autem, cum cessasset clamare ad Dominum, surrexit de loco in quo jacuerat prostrata ad Dominum.

**English**

This passage has not yet been translated.

[↗](https://missale.online/biblia/en/jdt/10#text-a431dc21500084281aad)

**Latin**

Vocavitque abram suam, et descendens in domum suam, abstulit a se cilicium, et exuit se vestimentis viduitatis suæ,

**English**

This passage has not yet been translated.

[↗](https://missale.online/biblia/en/jdt/10#text-51d615e65f2b8ce7b8f8)

**Latin**

et lavit corpus suum, et unxit se myro optimo, et discriminavit crinem capitis sui, et imposuit mitram super caput suum, et induit se vestimentis jucunditatis suæ, induitque sandalia pedibus suis, assumpsitque dextraliola, et lilia, et inaures, et annulos, et omnibus ornamentis suis ornavit se.

**English**

This passage has not yet been translated.

[↗](https://missale.online/biblia/en/jdt/10#text-5d4da59ebdbb384b8c9f)

**Latin**

Cui etiam Dominus contulit splendorem : quoniam omnis ista compositio non ex libidine, sed ex virtute pendebat : et ideo Dominus hanc in illam pulchritudinem ampliavit, ut incomparabili decore omnium oculis appareret.

**English**

This passage has not yet been translated.

[↗](https://missale.online/biblia/en/jdt/10#text-c9a99567837d7d8a5257)

**Latin**

Imposuit itaque abræ suæ ascoperam vini, et vas olei, et polentam, et palathas, et panes, et caseum, et profecta est.

**English**

This passage has not yet been translated.

[↗](https://missale.online/biblia/en/jdt/10#text-db8941e9bfe92ba71d70)

**Latin**

Cumque venissent ad portam civitatis, invenerunt expectantem Oziam et presbyteros civitatis.

**English**

This passage has not yet been translated.

[↗](https://missale.online/biblia/en/jdt/10#text-d18c4bffa042bddf03b6)

**Latin**

Qui cum vidissent eam, stupentes mirati sunt nimis pulchritudinem ejus.

**English**

This passage has not yet been translated.

[↗](https://missale.online/biblia/en/jdt/10#text-280b739fac2695c16a42)

**Latin**

Nihil tamen interrogantes eam, dimiserunt transire, dicentes : Deus patrum nostrorum det tibi gratiam, et omne consilium tui cordis sua virtute corroboret, ut glorietur super te Jerusalem, et sit nomen tuum in numero sanctorum et justorum.

**English**

This passage has not yet been translated.

[↗](https://missale.online/biblia/en/jdt/10#text-3dd53cfa29a281509a99)

**Latin**

Et dixerunt hi qui illic erant omnes una voce : Fiat, fiat.

**English**

This passage has not yet been translated.

[↗](https://missale.online/biblia/en/jdt/10#text-c297fce5deb3b72375f2)

**Latin**

Judith vero orans Dominum, transivit per portas, ipsa et abra ejus.

**English**

This passage has not yet been translated.

[↗](https://missale.online/biblia/en/jdt/10#text-44b28169590526f68717)

**Latin**

Factum est autem cum descenderet montem, circa ortum diei, occurrerunt ei exploratores Assyriorum, et tenuerunt eam, dicentes : Unde venis ? aut quo vadis ?

**English**

This passage has not yet been translated.

[↗](https://missale.online/biblia/en/jdt/10#text-40022955d80a097e447c)

**Latin**

Quæ respondit : Filia sum Hebræorum, ideo ego fugi a facie eorum, quoniam futurum agnovi quod dentur vobis in deprædationem, pro eo quod contemnentes vos, noluerunt ultro tradere seipsos ut invenirent misericordiam in conspectu vestro.

**English**

This passage has not yet been translated.

[↗](https://missale.online/biblia/en/jdt/10#text-9cddad593f73adeac016)

**Latin**

Hac de causa cogitavi mecum, dicens : Vadam ad faciem principis Holofernis, ut indicem illi secreta illorum, et ostendam illi quo aditu possit obtinere eos, ita ut non cadat vir unus de exercitu ejus.

**English**

This passage has not yet been translated.

[↗](https://missale.online/biblia/en/jdt/10#text-77f0bcf628a6b2c6b32a)

**Latin**

Et cum audissent viri illi verba ejus, considerabant faciem ejus, et erat in oculis eorum stupor, quoniam pulchritudinem ejus mirabantur nimis.

**English**

This passage has not yet been translated.

[↗](https://missale.online/biblia/en/jdt/10#text-e93f4ea4f81375c9a221)

**Latin**

Et dixerunt ad eam : Conservasti animam tuam, eo quod tale reperisti consilium, ut descenderes ad dominum nostrum.

**English**

This passage has not yet been translated.

[↗](https://missale.online/biblia/en/jdt/10#text-ad0dbb7caa8136e57bff)

**Latin**

Hoc autem scias, quoniam cum steteris in conspectu ejus, bene tibi faciet, et eris gratissima in corde ejus. Duxeruntque illam ad tabernaculum Holofernis, annuntiantes eam.

**English**

This passage has not yet been translated.

[↗](https://missale.online/biblia/en/jdt/10#text-a344e3eeceed7e93233c)

**Latin**

Cumque intrasset ante faciem ejus, statim captus est in suis oculis Holofernes.

**English**

This passage has not yet been translated.

[↗](https://missale.online/biblia/en/jdt/10#text-292f98d53276b7e92ddb)

**Latin**

Dixeruntque ad eum satellites ejus : Quis contemnat populum Hebræorum, qui tam decoras mulieres habent, ut non pro his merito pugnare contra eos debeamus ?

**English**

This passage has not yet been translated.

[↗](https://missale.online/biblia/en/jdt/10#text-ea8c03b9efa00fc49552)

**Latin**

Videns itaque Judith Holofernem sedentem in conopeo, quod erat ex purpura, et auro, et smaragdo, et lapidibus pretiosis intextum,

**English**

This passage has not yet been translated.

[↗](https://missale.online/biblia/en/jdt/10#text-0b9188f9827bc9369014)

**Latin**

et cum in faciem ejus intendisset, adoravit eum, prosternens se super terram. Et elevaverunt eam servi Holofernis, jubente domino suo.

**English**

This passage has not yet been translated.