# John · 21

> https://missale.online/biblia/en/jo/21

## Verses

[↗](https://missale.online/biblia/en/jo/21#text-738a397ca42f89be3041)

**Latin**

Postea manifestavit se iterum Jesus discipulis ad mare Tiberiadis. Manifestavit autem sic :

**English**

This passage has not yet been translated.

[↗](https://missale.online/biblia/en/jo/21#text-a431dc21500084281aad)

**Latin**

erant simul Simon Petrus, et Thomas, qui dicitur Didymus, et Nathanaël, qui erat a Cana Galilææ, et filii Zebedæi, et alii ex discipulis ejus duo.

**English**

This passage has not yet been translated.

[↗](https://missale.online/biblia/en/jo/21#text-51d615e65f2b8ce7b8f8)

**Latin**

Dicit eis Simon Petrus : Vado piscari. Dicunt ei : Venimus et nos tecum. Et exierunt, et ascenderunt in navim : et illa nocte nihil prendiderunt.

**English**

This passage has not yet been translated.

[↗](https://missale.online/biblia/en/jo/21#text-5d4da59ebdbb384b8c9f)

**Latin**

Mane autem facto stetit Jesus in littore : non tamen cognoverunt discipuli quia Jesus est.

**English**

This passage has not yet been translated.

[↗](https://missale.online/biblia/en/jo/21#text-c9a99567837d7d8a5257)

**Latin**

Dixit ergo eis Jesus : Pueri, numquid pulmentarium habetis ? Responderunt ei : Non.

**English**

This passage has not yet been translated.

[↗](https://missale.online/biblia/en/jo/21#text-db8941e9bfe92ba71d70)

**Latin**

Dicit eis : Mittite in dexteram navigii rete, et invenietis. Miserunt ergo : et jam non valebant illud trahere præ multitudine piscium.

**English**

This passage has not yet been translated.

[↗](https://missale.online/biblia/en/jo/21#text-d18c4bffa042bddf03b6)

**Latin**

Dixit ergo discipulus ille, quem diligebat Jesus, Petro : Dominus est. Simon Petrus cum audisset quia Dominus est, tunica succinxit se (erat enim nudus) et misit se in mare.

**English**

This passage has not yet been translated.

[↗](https://missale.online/biblia/en/jo/21#text-280b739fac2695c16a42)

**Latin**

Alii autem discipuli navigio venerunt (non enim longe erant a terra, sed quasi cubitis ducentis), trahentes rete piscium.

**English**

This passage has not yet been translated.

[↗](https://missale.online/biblia/en/jo/21#text-3dd53cfa29a281509a99)

**Latin**

Ut ergo descenderunt in terram, viderunt prunas positas, et piscem superpositum, et panem.

**English**

This passage has not yet been translated.

[↗](https://missale.online/biblia/en/jo/21#text-c297fce5deb3b72375f2)

**Latin**

Dicit eis Jesus : Afferte de piscibus, quos prendidistis nunc.

**English**

This passage has not yet been translated.

[↗](https://missale.online/biblia/en/jo/21#text-44b28169590526f68717)

**Latin**

Ascendit Simon Petrus et traxit rete in terram, plenum magnis piscibus centum quinquaginta tribus. Et cum tanti essent, non est scissum rete.

**English**

This passage has not yet been translated.

[↗](https://missale.online/biblia/en/jo/21#text-40022955d80a097e447c)

**Latin**

Dicit eis Jesus : Venite, prandete. Et nemo audebat discumbentium interrogare eum : Tu quis es ? scientes, quia Dominus est.

**English**

This passage has not yet been translated.

[↗](https://missale.online/biblia/en/jo/21#text-9cddad593f73adeac016)

**Latin**

Et venit Jesus, et accipit panem, et dat eis, et piscem similiter.

**English**

This passage has not yet been translated.

[↗](https://missale.online/biblia/en/jo/21#text-77f0bcf628a6b2c6b32a)

**Latin**

Hoc jam tertio manifestatus est Jesus discipulis suis cum resurrexisset a mortuis.

**English**

This passage has not yet been translated.

[↗](https://missale.online/biblia/en/jo/21#text-e93f4ea4f81375c9a221)

**Latin**

Cum ergo prandissent, dicit Simoni Petro Jesus : Simon Joannis, diligis me plus his ? Dicit ei : Etiam Domine, tu scis quia amo te. Dicit ei : Pasce agnos meos.

**English**

This passage has not yet been translated.

[↗](https://missale.online/biblia/en/jo/21#text-ad0dbb7caa8136e57bff)

**Latin**

Dicit ei iterum : Simon Joannis, diligis me ? Ait illi : Etiam Domine, tu scis quia amo te. Dicit ei : Pasce agnos meos.

**English**

This passage has not yet been translated.

[↗](https://missale.online/biblia/en/jo/21#text-a344e3eeceed7e93233c)

**Latin**

Dicit ei tertio : Simon Joannis, amas me ? Contristatus est Petrus, quia dixit ei tertio : Amas me ? et dixit ei : Domine, tu omnia nosti, tu scis quia amo te. Dixit ei : Pasce oves meas.

**English**

This passage has not yet been translated.

[↗](https://missale.online/biblia/en/jo/21#text-292f98d53276b7e92ddb)

**Latin**

Amen, amen dico tibi : cum esses junior, cingebas te, et ambulabas ubi volebas : cum autem senueris, extendes manus tuas, et alius te cinget, et ducet quo tu non vis.

**English**

This passage has not yet been translated.

[↗](https://missale.online/biblia/en/jo/21#text-ea8c03b9efa00fc49552)

**Latin**

Hoc autem dixit significans qua morte clarificaturus esset Deum. Et cum hoc dixisset, dicit ei : Sequere me.

**English**

This passage has not yet been translated.

[↗](https://missale.online/biblia/en/jo/21#text-0b9188f9827bc9369014)

**Latin**

Conversus Petrus vidit illum discipulum, quem diligebat Jesus, sequentem, qui et recubuit in cœna super pectus ejus, et dixit : Domine, quis est qui tradet te ?

**English**

This passage has not yet been translated.

[↗](https://missale.online/biblia/en/jo/21#text-4a377fb8b3ab2ddc2997)

**Latin**

Hunc ergo cum vidisset Petrus, dixit Jesu : Domine, hic autem quid ?

**English**

This passage has not yet been translated.

[↗](https://missale.online/biblia/en/jo/21#text-558828010cd7e67a3b8c)

**Latin**

Dicit ei Jesus : Sic eum volo manere donec veniam, quid ad te ? tu me sequere.

**English**

This passage has not yet been translated.

[↗](https://missale.online/biblia/en/jo/21#text-ec73ab42682871a72627)

**Latin**

Exiit ergo sermo iste inter fratres quia discipulus ille non moritur. Et non dixit ei Jesus : Non moritur, sed : Sic eum volo manere donec veniam, quid ad te ?

**English**

This passage has not yet been translated.

[↗](https://missale.online/biblia/en/jo/21#text-67cd7490abc0fa3b8079)

**Latin**

Hic est discipulus ille qui testimonium perhibet de his, et scripsit hæc : et scimus quia verum est testimonium ejus.

**English**

This passage has not yet been translated.

[↗](https://missale.online/biblia/en/jo/21#text-3ac038d6962289bd3c26)

**Latin**

Sunt autem et alia multa quæ fecit Jesus : quæ si scribantur per singula, nec ipsum arbitror mundum capere posse eos, qui scribendi sunt, libros.

**English**

This passage has not yet been translated.