# John · 8

> https://missale.online/biblia/en/jo/8

## Verses

[↗](https://missale.online/biblia/en/jo/8#text-738a397ca42f89be3041)

**Latin**

Jesus autem perrexit in montem Oliveti :

**English**

This passage has not yet been translated.

[↗](https://missale.online/biblia/en/jo/8#text-a431dc21500084281aad)

**Latin**

et diluculo iterum venit in templum, et omnis populus venit ad eum, et sedens docebat eos.

**English**

This passage has not yet been translated.

[↗](https://missale.online/biblia/en/jo/8#text-51d615e65f2b8ce7b8f8)

**Latin**

Adducunt autem scribæ et pharisæi mulierem in adulterio deprehensam : et statuerunt eam in medio,

**English**

This passage has not yet been translated.

[↗](https://missale.online/biblia/en/jo/8#text-5d4da59ebdbb384b8c9f)

**Latin**

et dixerunt ei : Magister, hæc mulier modo deprehensa est in adulterio.

**English**

This passage has not yet been translated.

[↗](https://missale.online/biblia/en/jo/8#text-c9a99567837d7d8a5257)

**Latin**

In lege autem Moyses mandavit nobis hujusmodi lapidare. Tu ergo quid dicis ?

**English**

This passage has not yet been translated.

[↗](https://missale.online/biblia/en/jo/8#text-db8941e9bfe92ba71d70)

**Latin**

Hoc autem dicebant tentantes eum, ut possent accusare eum. Jesus autem inclinans se deorsum, digito scribebat in terra.

**English**

This passage has not yet been translated.

[↗](https://missale.online/biblia/en/jo/8#text-d18c4bffa042bddf03b6)

**Latin**

Cum ergo perseverarent interrogantes eum, erexit se, et dixit eis : Qui sine peccato est vestrum, primus in illam lapidem mittat.

**English**

This passage has not yet been translated.

[↗](https://missale.online/biblia/en/jo/8#text-280b739fac2695c16a42)

**Latin**

Et iterum se inclinans, scribebat in terra.

**English**

This passage has not yet been translated.

[↗](https://missale.online/biblia/en/jo/8#text-3dd53cfa29a281509a99)

**Latin**

Audientes autem unus post unum exibant, incipientes a senioribus : et remansit solus Jesus, et mulier in medio stans.

**English**

This passage has not yet been translated.

[↗](https://missale.online/biblia/en/jo/8#text-c297fce5deb3b72375f2)

**Latin**

Erigens autem se Jesus, dixit ei : Mulier, ubi sunt qui te accusabant ? nemo te condemnavit ?

**English**

This passage has not yet been translated.

[↗](https://missale.online/biblia/en/jo/8#text-44b28169590526f68717)

**Latin**

Quæ dixit : Nemo, Domine. Dixit autem Jesus : Nec ego te condemnabo : vade, et jam amplius noli peccare.

**English**

This passage has not yet been translated.

[↗](https://missale.online/biblia/en/jo/8#text-40022955d80a097e447c)

**Latin**

Iterum ergo locutus est eis Jesus, dicens : Ego sum lux mundi : qui sequitur me, non ambulat in tenebris, sed habebit lumen vitæ.

**English**

This passage has not yet been translated.

[↗](https://missale.online/biblia/en/jo/8#text-9cddad593f73adeac016)

**Latin**

Dixerunt ergo ei pharisæi : Tu de teipso testimonium perhibes ; testimonium tuum non est verum.

**English**

This passage has not yet been translated.

[↗](https://missale.online/biblia/en/jo/8#text-77f0bcf628a6b2c6b32a)

**Latin**

Respondit Jesus, et dixit eis : Et si ego testimonium perhibeo de meipso, verum est testimonium meum : quia scio unde veni et quo vado ; vos autem nescitis unde venio aut quo vado.

**English**

This passage has not yet been translated.

[↗](https://missale.online/biblia/en/jo/8#text-e93f4ea4f81375c9a221)

**Latin**

Vos secundum carnem judicatis : ego non judico quemquam ;

**English**

This passage has not yet been translated.

[↗](https://missale.online/biblia/en/jo/8#text-ad0dbb7caa8136e57bff)

**Latin**

et si judico ego, judicium meum verum est, quia solus non sum : sed ego et qui misit me, Pater.

**English**

This passage has not yet been translated.

[↗](https://missale.online/biblia/en/jo/8#text-a344e3eeceed7e93233c)

**Latin**

Et in lege vestra scriptum est, quia duorum hominum testimonium verum est.

**English**

This passage has not yet been translated.

[↗](https://missale.online/biblia/en/jo/8#text-292f98d53276b7e92ddb)

**Latin**

Ego sum qui testimonium perhibeo de meipso, et testimonium perhibet de me qui misit me, Pater.

**English**

This passage has not yet been translated.

[↗](https://missale.online/biblia/en/jo/8#text-ea8c03b9efa00fc49552)

**Latin**

Dicebant ergo ei : Ubi est Pater tuus ? Respondit Jesus : Neque me scitis, neque Patrem meum : si me sciretis, forsitan et Patrem meum sciretis.

**English**

This passage has not yet been translated.

[↗](https://missale.online/biblia/en/jo/8#text-0b9188f9827bc9369014)

**Latin**

Hæc verba locutus est Jesus in gazophylacio, docens in templo : et nemo apprehendit eum, quia necdum venerat hora ejus.

**English**

This passage has not yet been translated.

[↗](https://missale.online/biblia/en/jo/8#text-4a377fb8b3ab2ddc2997)

**Latin**

Dixit ergo iterum eis Jesus : Ego vado, et quæretis me, et in peccato vestro moriemini. Quo ego vado, vos non potestis venire.

**English**

This passage has not yet been translated.

[↗](https://missale.online/biblia/en/jo/8#text-558828010cd7e67a3b8c)

**Latin**

Dicebant ergo Judæi : Numquid interficiet semetipsum, quia dixit : Quo ego vado, vos non potestis venire ?

**English**

This passage has not yet been translated.

[↗](https://missale.online/biblia/en/jo/8#text-ec73ab42682871a72627)

**Latin**

Et dicebat eis : Vos de deorsum estis, ego de supernis sum. Vos de mundo hoc estis, ego non sum de hoc mundo.

**English**

This passage has not yet been translated.

[↗](https://missale.online/biblia/en/jo/8#text-67cd7490abc0fa3b8079)

**Latin**

Dixi ergo vobis quia moriemini in peccatis vestris : si enim non credideritis quia ego sum, moriemini in peccato vestro.

**English**

This passage has not yet been translated.

[↗](https://missale.online/biblia/en/jo/8#text-3ac038d6962289bd3c26)

**Latin**

Dicebant ergo ei : Tu quis es ? Dixit eis Jesus : Principium, qui et loquor vobis.

**English**

This passage has not yet been translated.

[↗](https://missale.online/biblia/en/jo/8#text-2b08b45b7a9fd92ff7f8)

**Latin**

Multa habeo de vobis loqui, et judicare ; sed qui me misit, verax est ; et ego quæ audivi ab eo, hæc loquor in mundo.

**English**

This passage has not yet been translated.

[↗](https://missale.online/biblia/en/jo/8#text-1b9b77d3fcc49350a3f4)

**Latin**

Et non cognoverunt quia Patrem ejus dicebat Deum.

**English**

This passage has not yet been translated.

[↗](https://missale.online/biblia/en/jo/8#text-21478efda9e3bd77c058)

**Latin**

Dixit ergo eis Jesus : Cum exaltaveritis Filium hominis, tunc cognoscetis quia ego sum, et a meipso facio nihil, sed sicut docuit me Pater, hæc loquor :

**English**

This passage has not yet been translated.

[↗](https://missale.online/biblia/en/jo/8#text-66af0bf07849f0763ec9)

**Latin**

et qui me misit, mecum est, et non reliquit me solum : quia ego quæ placita sunt ei, facio semper.

**English**

This passage has not yet been translated.

[↗](https://missale.online/biblia/en/jo/8#text-8ce0bbceaab8ff918d3a)

**Latin**

Hæc illo loquente, multi crediderunt in eum.

**English**

This passage has not yet been translated.

[↗](https://missale.online/biblia/en/jo/8#text-ccc106774904a733b00e)

**Latin**

Dicebat ergo Jesus ad eos, qui crediderunt ei, Judæos : Si vos manseritis in sermone meo, vere discipuli mei eritis,

**English**

This passage has not yet been translated.

[↗](https://missale.online/biblia/en/jo/8#text-3885b8fb3f9b0c24fd89)

**Latin**

et cognoscetis veritatem, et veritas liberabit vos.

**English**

This passage has not yet been translated.

[↗](https://missale.online/biblia/en/jo/8#text-578310eff006266469cc)

**Latin**

Responderunt ei : Semen Abrahæ sumus, et nemini servivimus umquam : quomodo tu dicis : Liberi eritis ?

**English**

This passage has not yet been translated.

[↗](https://missale.online/biblia/en/jo/8#text-fe2917b9f5e3cb90d74f)

**Latin**

Respondit eis Jesus : Amen, amen dico vobis : quia omnis qui facit peccatum, servus est peccati.

**English**

This passage has not yet been translated.

[↗](https://missale.online/biblia/en/jo/8#text-79e5363277408edadf4d)

**Latin**

Servus autem non manet in domo in æternum : filius autem manet in æternum.

**English**

This passage has not yet been translated.

[↗](https://missale.online/biblia/en/jo/8#text-5f3b65a9d805032a9ee2)

**Latin**

Si ergo vos filius liberaverit, vere liberi eritis.

**English**

This passage has not yet been translated.

[↗](https://missale.online/biblia/en/jo/8#text-762d295fd73e6f7c5976)

**Latin**

Scio quia filii Abrahæ estis : sed quæritis me interficere, quia sermo meus non capit in vobis.

**English**

This passage has not yet been translated.

[↗](https://missale.online/biblia/en/jo/8#text-cda9e96bec793da3010d)

**Latin**

Ego quod vidi apud Patrem meum, loquor : et vos quæ vidistis apud patrem vestrum, facitis.

**English**

This passage has not yet been translated.

[↗](https://missale.online/biblia/en/jo/8#text-c9ba0458566bc71ea2f2)

**Latin**

Responderunt, et dixerunt ei : Pater noster Abraham est. Dicit eis Jesus : Si filii Abrahæ estis, opera Abrahæ facite.

**English**

This passage has not yet been translated.

[↗](https://missale.online/biblia/en/jo/8#text-0a338341cf79beb16c8c)

**Latin**

Nunc autem quæritis me interficere, hominem, qui veritatem vobis locutus sum, quam audivi a Deo : hoc Abraham non fecit.

**English**

This passage has not yet been translated.

[↗](https://missale.online/biblia/en/jo/8#text-4f0f2d4b48873fb3fb7d)

**Latin**

Vos facitis opera patris vestri. Dixerunt itaque ei : Nos ex fornicatione non sumus nati : unum patrem habemus Deum.

**English**

This passage has not yet been translated.

[↗](https://missale.online/biblia/en/jo/8#text-fc584dea5d0f34768064)

**Latin**

Dixit ergo eis Jesus : Si Deus pater vester esset, diligeretis utique et me ; ego enim ex Deo processi, et veni : neque enim a meipso veni, sed ille me misit.

**English**

This passage has not yet been translated.

[↗](https://missale.online/biblia/en/jo/8#text-1d4c9d6a2b609d4d8862)

**Latin**

Quare loquelam meam non cognoscitis ? Quia non potestis audire sermonem meum.

**English**

This passage has not yet been translated.

[↗](https://missale.online/biblia/en/jo/8#text-19e6b234a9c4be7552a1)

**Latin**

Vos ex patre diabolo estis : et desideria patris vestri vultis facere. Ille homicida erat ab initio, et in veritate non stetit : quia non est veritas in eo : cum loquitur mendacium, ex propriis loquitur, quia mendax est, et pater ejus.

**English**

This passage has not yet been translated.

[↗](https://missale.online/biblia/en/jo/8#text-bd57201e01a06d00b9fb)

**Latin**

Ego autem si veritatem dico, non creditis mihi.

**English**

This passage has not yet been translated.

[↗](https://missale.online/biblia/en/jo/8#text-73f4c9ab3d7f51b5198b)

**Latin**

Quis ex vobis arguet me de peccato ? si veritatem dico vobis, quare non creditis mihi ?

**English**

This passage has not yet been translated.

[↗](https://missale.online/biblia/en/jo/8#text-523c85936a7443f13d60)

**Latin**

Qui ex Deo est, verba Dei audit. Propterea vos non auditis, quia ex Deo non estis.

**English**

This passage has not yet been translated.

[↗](https://missale.online/biblia/en/jo/8#text-22c467dc90ab9559a57d)

**Latin**

Responderunt ergo Judæi, et dixerunt ei : Nonne bene dicimus nos quia Samaritanus es tu, et dæmonium habes ?

**English**

This passage has not yet been translated.

[↗](https://missale.online/biblia/en/jo/8#text-5bd5d3b5b9a9e19b5ca1)

**Latin**

Respondit Jesus : Ego dæmonium non habeo : sed honorifico Patrem meum, et vos inhonorastis me.

**English**

This passage has not yet been translated.

[↗](https://missale.online/biblia/en/jo/8#text-84579d698f74cd639acf)

**Latin**

Ego autem non quæro gloriam meam : est qui quærat, et judicet.

**English**

This passage has not yet been translated.

[↗](https://missale.online/biblia/en/jo/8#text-576bcb50ed015fcf75b0)

**Latin**

Amen, amen dico vobis : si quis sermonem meum servaverit, mortem non videbit in æternum.

**English**

This passage has not yet been translated.

[↗](https://missale.online/biblia/en/jo/8#text-4aff594e28dd82b02772)

**Latin**

Dixerunt ergo Judæi : Nunc cognovimus quia dæmonium habes. Abraham mortuus est, et prophetæ ; et tu dicis : Si quis sermonem meum servaverit, non gustabit mortem in æternum.

**English**

This passage has not yet been translated.

[↗](https://missale.online/biblia/en/jo/8#text-9ce51c1678cd99941ef6)

**Latin**

Numquid tu major es patre nostro Abraham, qui mortuus est ? et prophetæ mortui sunt. Quem teipsum facis ?

**English**

This passage has not yet been translated.

[↗](https://missale.online/biblia/en/jo/8#text-d686ce59144b94e5ac11)

**Latin**

Respondit Jesus : Si ego glorifico meipsum, gloria mea nihil est : est Pater meus, qui glorificat me, quem vos dicitis quia Deus vester est,

**English**

This passage has not yet been translated.

[↗](https://missale.online/biblia/en/jo/8#text-459cbe6b096a5b39bcf3)

**Latin**

et non cognovistis eum : ego autem novi eum. Et si dixero quia non scio eum, ero similis vobis, mendax. Sed scio eum, et sermonem ejus servo.

**English**

This passage has not yet been translated.

[↗](https://missale.online/biblia/en/jo/8#text-3255ee65bdf267e95308)

**Latin**

Abraham pater vester exsultavit ut videret diem meum : vidit, et gavisus est.

**English**

This passage has not yet been translated.

[↗](https://missale.online/biblia/en/jo/8#text-16fad7a270954fa4e7ea)

**Latin**

Dixerunt ergo Judæi ad eum : Quinquaginta annos nondum habes, et Abraham vidisti ?

**English**

This passage has not yet been translated.

[↗](https://missale.online/biblia/en/jo/8#text-0c97aca743c606a91afc)

**Latin**

Dixit eis Jesus : Amen, amen dico vobis, antequam Abraham fieret, ego sum.

**English**

This passage has not yet been translated.

[↗](https://missale.online/biblia/en/jo/8#text-6e53b6a5bface4f4b0d5)

**Latin**

Tulerunt ergo lapides, ut jacerent in eum : Jesus autem abscondit se, et exivit de templo.

**English**

This passage has not yet been translated.