# Jonah · 4

> https://missale.online/biblia/en/jon/4

## Verses

[↗](https://missale.online/biblia/en/jon/4#text-738a397ca42f89be3041)

**Latin**

Et afflictus est Jonas afflictione magna, et iratus est :

**English**

This passage has not yet been translated.

[↗](https://missale.online/biblia/en/jon/4#text-a431dc21500084281aad)

**Latin**

et oravit ad Dominum, et dixit : Obsecro, Domine, numquid non hoc est verbum meum cum adhuc essem in terra mea ? propter hoc præoccupavi ut fugerem in Tharsis : scio enim quia tu Deus clemens et misericors es, patiens et multæ miserationis, et ignoscens super malitia.

**English**

This passage has not yet been translated.

[↗](https://missale.online/biblia/en/jon/4#text-51d615e65f2b8ce7b8f8)

**Latin**

Et nunc, Domine, tolle, quæso, animam meam a me, quia melior est mihi mors quam vita.

**English**

This passage has not yet been translated.

[↗](https://missale.online/biblia/en/jon/4#text-5d4da59ebdbb384b8c9f)

**Latin**

Et dixit Dominus : Putasne bene irasceris tu ?

**English**

This passage has not yet been translated.

[↗](https://missale.online/biblia/en/jon/4#text-c9a99567837d7d8a5257)

**Latin**

Et egressus est Jonas de civitate, et sedit contra orientem civitatis : et fecit sibimet umbraculum ibi, et sedebat subter illud in umbra, donec videret quid accideret civitati.

**English**

This passage has not yet been translated.

[↗](https://missale.online/biblia/en/jon/4#text-db8941e9bfe92ba71d70)

**Latin**

Et præparavit Dominus Deus hederam, et ascendit super caput Jonæ, ut esset umbra super caput ejus, et protegeret eum (laboraverat enim) : et lætatus est Jonas super hedera lætitia magna.

**English**

This passage has not yet been translated.

[↗](https://missale.online/biblia/en/jon/4#text-d18c4bffa042bddf03b6)

**Latin**

Et paravit Deus vermen ascensu diluculi in crastinum : et percussit hederam, et exaruit.

**English**

This passage has not yet been translated.

[↗](https://missale.online/biblia/en/jon/4#text-280b739fac2695c16a42)

**Latin**

Et cum ortus fuisset sol, præcepit Dominus vento calido et urenti : et percussit sol super caput Jonæ, et æstuabat : et petivit animæ suæ ut moreretur, et dixit : Melius est mihi mori quam vivere.

**English**

This passage has not yet been translated.

[↗](https://missale.online/biblia/en/jon/4#text-3dd53cfa29a281509a99)

**Latin**

Et dixit Dominus ad Jonam : Putasne bene irasceris tu super hedera ? Et dixit : Bene irascor ego usque ad mortem.

**English**

This passage has not yet been translated.

[↗](https://missale.online/biblia/en/jon/4#text-c297fce5deb3b72375f2)

**Latin**

Et dixit Dominus : Tu doles super hederam in qua non laborasti, neque fecisti ut cresceret ; quæ sub una nocte nata est, et sub una nocte periit :

**English**

This passage has not yet been translated.

[↗](https://missale.online/biblia/en/jon/4#text-44b28169590526f68717)

**Latin**

et ego non parcam Ninive, civitati magnæ, in qua sunt plus quam centum viginti millia hominum qui nesciunt quid sit inter dexteram et sinistram suam, et jumenta multa ?

**English**

This passage has not yet been translated.