# Joshua · 3

> https://missale.online/biblia/en/jos/3

## Verses

[↗](https://missale.online/biblia/en/jos/3#text-738a397ca42f89be3041)

**Latin**

Igitur Josue de nocte consurgens movit castra : egredientesque de Setim, venerunt ad Jordanem ipse et omnes filii Israël, et morati sunt ibi tres dies.

**English**

This passage has not yet been translated.

[↗](https://missale.online/biblia/en/jos/3#text-a431dc21500084281aad)

**Latin**

Quibus evolutis transierunt præcones per castrorum medium,

**English**

This passage has not yet been translated.

[↗](https://missale.online/biblia/en/jos/3#text-51d615e65f2b8ce7b8f8)

**Latin**

et clamare cœperunt : Quando videritis arcam fœderis Domini Dei vestri, et sacerdotes stirpis Leviticæ portantes eam, vos quoque consurgite, et sequimini præcedentes :

**English**

This passage has not yet been translated.

[↗](https://missale.online/biblia/en/jos/3#text-5d4da59ebdbb384b8c9f)

**Latin**

sitque inter vos et arcam spatium cubitorum duum millium : ut procul videre possitis, et nosse per quam viam ingrediamini : quia prius non ambulastis per eam : et cavete ne appropinquetis ad arcam.

**English**

This passage has not yet been translated.

[↗](https://missale.online/biblia/en/jos/3#text-c9a99567837d7d8a5257)

**Latin**

Dixitque Josue ad populum : Sanctificamini : cras enim faciet Dominus inter vos mirabilia.

**English**

This passage has not yet been translated.

[↗](https://missale.online/biblia/en/jos/3#text-db8941e9bfe92ba71d70)

**Latin**

Et ait ad sacerdotes : Tollite arcam fœderis, et præcedite populum. Qui jussa complentes, tulerunt, et ambulaverunt ante eos.

**English**

This passage has not yet been translated.

[↗](https://missale.online/biblia/en/jos/3#text-d18c4bffa042bddf03b6)

**Latin**

Dixitque Dominus ad Josue : Hodie incipiam exaltare te coram omni Israël : ut sciant quod sicut cum Moyse fui, ita et tecum sim.

**English**

This passage has not yet been translated.

[↗](https://missale.online/biblia/en/jos/3#text-280b739fac2695c16a42)

**Latin**

Tu autem præcipe sacerdotibus, qui portant arcam fœderis, et dic eis : Cum ingressi fueritis partem aquæ Jordanis, state in ea.

**English**

This passage has not yet been translated.

[↗](https://missale.online/biblia/en/jos/3#text-3dd53cfa29a281509a99)

**Latin**

Dixitque Josue ad filios Israël : Accedite huc, et audite verbum Domini Dei vestri.

**English**

This passage has not yet been translated.

[↗](https://missale.online/biblia/en/jos/3#text-c297fce5deb3b72375f2)

**Latin**

Et rursum : In hoc, inquit, scietis quod Dominus Deus vivens in medio vestri est, et disperdet in conspectu vestro Chananæum et Hethæum, Hevæum et Pherezæum, Gergesæum quoque et Jebusæum, et Amorrhæum.

**English**

This passage has not yet been translated.

[↗](https://missale.online/biblia/en/jos/3#text-44b28169590526f68717)

**Latin**

Ecce arca fœderis Domini omnis terræ antecedet vos per Jordanem.

**English**

This passage has not yet been translated.

[↗](https://missale.online/biblia/en/jos/3#text-40022955d80a097e447c)

**Latin**

Parate duodecim viros de tribubus Israël, singulos per singulas tribus.

**English**

This passage has not yet been translated.

[↗](https://missale.online/biblia/en/jos/3#text-9cddad593f73adeac016)

**Latin**

Et cum posuerint vestigia pedum suorum sacerdotes qui portant arcam Domini Dei universæ terræ in aquis Jordanis, aquæ quæ inferiores sunt, decurrent atque deficient : quæ autem desuper veniunt, in una mole consistent.

**English**

This passage has not yet been translated.

[↗](https://missale.online/biblia/en/jos/3#text-77f0bcf628a6b2c6b32a)

**Latin**

Igitur egressus est populus de tabernaculis suis, ut transiret Jordanem : et sacerdotes, qui portabant arcam fœderis, pergebant ante eum.

**English**

This passage has not yet been translated.

[↗](https://missale.online/biblia/en/jos/3#text-e93f4ea4f81375c9a221)

**Latin**

Ingressisque eis Jordanem, et pedibus eorum in parte aquæ tinctis (Jordanis autem ripas alvei sui tempore messis impleverat),

**English**

This passage has not yet been translated.

[↗](https://missale.online/biblia/en/jos/3#text-ad0dbb7caa8136e57bff)

**Latin**

steterunt aquæ descendentes in loco uno, et ad instar montis intumescentes apparebant procul, ab urbe quæ vocatur Adom usque ad locum Sarthan : quæ autem inferiores erant, in mare Solitudinis (quod nunc vocatur Mortuum) descenderunt, usquequo omnino deficerent.

**English**

This passage has not yet been translated.

[↗](https://missale.online/biblia/en/jos/3#text-a344e3eeceed7e93233c)

**Latin**

Populus autem incedebat contra Jericho : et sacerdotes qui portabant arcam fœderis Domini, stabant super siccam humum in medio Jordanis accincti, omnisque populus per arentem alveum transibat.

**English**

This passage has not yet been translated.