# Joshua · 6 > https://missale.online/biblia/en/jos/6 ## Verses [↗](https://missale.online/biblia/en/jos/6#text-738a397ca42f89be3041) **Latin** Jericho autem clausa erat atque munita, timore filiorum Israël, et nullus egredi audebat aut ingredi. **English** This passage has not yet been translated. [↗](https://missale.online/biblia/en/jos/6#text-a431dc21500084281aad) **Latin** Dixitque Dominus ad Josue : Ecce dedi in manu tua Jericho, et regem ejus, omnesque fortes viros. **English** This passage has not yet been translated. [↗](https://missale.online/biblia/en/jos/6#text-51d615e65f2b8ce7b8f8) **Latin** Circuite urbem cuncti bellatores semel per diem : sic facietis sex diebus. **English** This passage has not yet been translated. [↗](https://missale.online/biblia/en/jos/6#text-5d4da59ebdbb384b8c9f) **Latin** Septimo autem die, sacerdotes tollant septem buccinas, quarum usus est in jubilæo, et præcedant arcam fœderis : septiesque circuibitis civitatem, et sacerdotes clangent buccinis. **English** This passage has not yet been translated. [↗](https://missale.online/biblia/en/jos/6#text-c9a99567837d7d8a5257) **Latin** Cumque insonuerit vox tubæ longior atque concisior, et in auribus vestris increpuerit, conclamabit omnis populus vociferatione maxima, et muri funditus corruent civitatis, ingredienturque singuli per locum contra quem steterint. **English** This passage has not yet been translated. [↗](https://missale.online/biblia/en/jos/6#text-db8941e9bfe92ba71d70) **Latin** Vocavit ergo Josue filius Nun sacerdotes, et dixit ad eos : Tollite arcam fœderis : et septem alii sacerdotes tollant septem jubilæorum buccinas, et incedant ante arcam Domini. **English** This passage has not yet been translated. [↗](https://missale.online/biblia/en/jos/6#text-d18c4bffa042bddf03b6) **Latin** Ad populum quoque ait : Ite, et circuite civitatem, armati, præcedentes arcam Domini. **English** This passage has not yet been translated. [↗](https://missale.online/biblia/en/jos/6#text-280b739fac2695c16a42) **Latin** Cumque Josue verba finisset, et septem sacerdotes septem buccinis clangerent ante arcam fœderis Domini, **English** This passage has not yet been translated. [↗](https://missale.online/biblia/en/jos/6#text-3dd53cfa29a281509a99) **Latin** omnisque præcederet armatus exercitus, reliquum vulgus arcam sequebatur, ac buccinis omnia concrepabant. **English** This passage has not yet been translated. [↗](https://missale.online/biblia/en/jos/6#text-c297fce5deb3b72375f2) **Latin** Præceperat autem Josue populo, dicens : Non clamabitis, nec audietur vox vestra, neque ullus sermo ex ore vestro egredietur, donec veniat dies in quo dicam vobis : Clamate, et vociferamini. **English** This passage has not yet been translated. [↗](https://missale.online/biblia/en/jos/6#text-44b28169590526f68717) **Latin** Circuivit ergo arca Domini civitatem semel per diem, et reversa in castra mansit ibi. **English** This passage has not yet been translated. [↗](https://missale.online/biblia/en/jos/6#text-40022955d80a097e447c) **Latin** Igitur Josue de nocte consurgente, tulerunt sacerdotes arcam Domini, **English** This passage has not yet been translated. [↗](https://missale.online/biblia/en/jos/6#text-9cddad593f73adeac016) **Latin** et septem ex eis septem buccinas, quarum in jubilæo usus est : præcedebantque arcam Domini ambulantes atque clangentes : et armatus populus ibat ante eos, vulgus autem reliquum sequebatur arcam, et buccinis personabat. **English** This passage has not yet been translated. [↗](https://missale.online/biblia/en/jos/6#text-77f0bcf628a6b2c6b32a) **Latin** Circuieruntque civitatem secundo die semel, et reversi sunt in castra. Sic fecerunt sex diebus. **English** This passage has not yet been translated. [↗](https://missale.online/biblia/en/jos/6#text-e93f4ea4f81375c9a221) **Latin** Dies autem septimo, diluculo consurgentes, circuierunt urbem, sicut dispositum erat, septies. **English** This passage has not yet been translated. [↗](https://missale.online/biblia/en/jos/6#text-ad0dbb7caa8136e57bff) **Latin** Cumque septimo circuitu clangerent buccinis sacerdotes, dixit Josue ad omnem Israël : Vociferamini : tradidit enim vobis Dominus civitatem. **English** This passage has not yet been translated. [↗](https://missale.online/biblia/en/jos/6#text-a344e3eeceed7e93233c) **Latin** Sitque civitas hæc anathema, et omnia quæ in ea sunt, Domino : sola Rahab meretrix vivat, cum universis qui cum ea in domo sunt : abscondit enim nuntios quos direximus. **English** This passage has not yet been translated. [↗](https://missale.online/biblia/en/jos/6#text-292f98d53276b7e92ddb) **Latin** Vos autem cavete ne de his, quæ præcepta sunt, quippiam contingatis, et sitis prævaricationis rei, et omnia castra Israël sub peccato sint atque turbentur. **English** This passage has not yet been translated. [↗](https://missale.online/biblia/en/jos/6#text-ea8c03b9efa00fc49552) **Latin** Quidquid autem auri et argenti fuerit, et vasorum æneorum ac ferri, Domino consecretur, repositum in thesauris ejus. **English** This passage has not yet been translated. [↗](https://missale.online/biblia/en/jos/6#text-0b9188f9827bc9369014) **Latin** Igitur omni populo vociferante, et clangentibus tubis, postquam in aures multitudinis vox sonitusque increpuit, muri illico corruerunt : et ascendit unusquisque per locum qui contra se erat : ceperuntque civitatem, **English** This passage has not yet been translated. [↗](https://missale.online/biblia/en/jos/6#text-4a377fb8b3ab2ddc2997) **Latin** et interfecerunt omnia quæ erant in ea, a viro usque ad mulierem, ab infante usque ad senem. Boves quoque et oves et asinos in ore gladii percusserunt. **English** This passage has not yet been translated. [↗](https://missale.online/biblia/en/jos/6#text-558828010cd7e67a3b8c) **Latin** Duobus autem viris, qui exploratores missi fuerant, dixit Josue : Ingredimini domum mulieris meretricis, et producite eam, et omnia quæ illius sunt, sicut illi juramento firmastis. **English** This passage has not yet been translated. [↗](https://missale.online/biblia/en/jos/6#text-ec73ab42682871a72627) **Latin** Ingressique juvenes eduxerunt Rahab, et parentes ejus, fratres quoque, et cunctam supellectilem ac cognationem illius, et extra castra Israël manere fecerunt. **English** This passage has not yet been translated. [↗](https://missale.online/biblia/en/jos/6#text-67cd7490abc0fa3b8079) **Latin** Urbem autem, et omnia quæ erant in ea, succenderunt, absque auro et argento, et vasis æneis, ac ferro, quæ in ærarium Domini consecrarunt. **English** This passage has not yet been translated. [↗](https://missale.online/biblia/en/jos/6#text-3ac038d6962289bd3c26) **Latin** Rahab vero meretricem, et domum patris ejus, et omnia quæ habebat, fecit Josue vivere, et habitaverunt in medio Israël, usque in præsentem diem : eo quod absconderit nuntios, quos miserat ut explorarent Jericho. In tempore illo, imprecatus est Josue, dicens : **English** This passage has not yet been translated. [↗](https://missale.online/biblia/en/jos/6#text-2b08b45b7a9fd92ff7f8) **Latin** Maledictus vir coram Domino, qui suscitaverit et ædificaverit civitatem Jericho. In primogenito suo fundamenta illius jaciat, et in novissimo liberorum ponat portas ejus. **English** This passage has not yet been translated. [↗](https://missale.online/biblia/en/jos/6#text-1b9b77d3fcc49350a3f4) **Latin** Fuit ergo Dominus cum Josue, et nomen ejus vulgatum est in omni terra. **English** This passage has not yet been translated.