# Jeremiah · 20

> https://missale.online/biblia/en/jr/20

## Verses

[↗](https://missale.online/biblia/en/jr/20#text-738a397ca42f89be3041)

**Latin**

Et audivit Phassur filius Emmer, sacerdos, qui constitutus erat princeps in domo Domini, Jeremiam prophetantem sermones istos.

**English**

This passage has not yet been translated.

[↗](https://missale.online/biblia/en/jr/20#text-a431dc21500084281aad)

**Latin**

Et percussit Phassur Jeremiam prophetam, et misit eum in nervum quod erat in porta Benjamin superiori, in domo Domini.

**English**

This passage has not yet been translated.

[↗](https://missale.online/biblia/en/jr/20#text-51d615e65f2b8ce7b8f8)

**Latin**

Cumque illuxisset in crastinum, eduxit Phassur Jeremiam de nervo, et dixit ad eum Jeremias : Non Phassur vocavit Dominus nomen tuum, sed Pavorem undique.

**English**

This passage has not yet been translated.

[↗](https://missale.online/biblia/en/jr/20#text-5d4da59ebdbb384b8c9f)

**Latin**

Quia hæc dicit Dominus : Ecce ego dabo te in pavorem,
te et omnes amicos tuos :
et corruent gladio inimicorum suorum,
et oculi tui videbunt :
et omnem Judam dabo in manum regis Babylonis,
et traducet eos in Babylonem,
et percutiet eos gladio.

**English**

This passage has not yet been translated.

[↗](https://missale.online/biblia/en/jr/20#text-c9a99567837d7d8a5257)

**Latin**

Et dabo universam substantiam civitatis hujus,
et omnem laborem ejus, omneque pretium,
et cunctos thesauros regum Juda
dabo in manu inimicorum eorum :
et diripient eos, et tollent,
et ducent in Babylonem.

**English**

This passage has not yet been translated.

[↗](https://missale.online/biblia/en/jr/20#text-db8941e9bfe92ba71d70)

**Latin**

Tu autem, Phassur, et omnes habitatores domus tuæ,
ibitis in captivitatem :
et in Babylonem venies,
et ibi morieris, ibique sepelieris
tu, et omnes amici tui,
quibus prophetasti mendacium.

**English**

This passage has not yet been translated.

[↗](https://missale.online/biblia/en/jr/20#text-d18c4bffa042bddf03b6)

**Latin**

Seduxisti me, Domine, et seductus sum :
fortior me fuisti, et invaluisti :
factus sum in derisum tota die ;
omnes subsannant me.

**English**

This passage has not yet been translated.

[↗](https://missale.online/biblia/en/jr/20#text-280b739fac2695c16a42)

**Latin**

Quia jam olim loquor,
vociferans iniquitatem, et vastitatem clamito :
et factus est mihi sermo Domini in opprobrium,
et in derisum tota die.

**English**

This passage has not yet been translated.

[↗](https://missale.online/biblia/en/jr/20#text-3dd53cfa29a281509a99)

**Latin**

Et dixi : Non recordabor ejus,
neque loquar ultra in nomine illius :
et factus est in corde meo quasi ignis exæstuans,
claususque in ossibus meis,
et defeci, ferre non sustinens.

**English**

This passage has not yet been translated.

[↗](https://missale.online/biblia/en/jr/20#text-c297fce5deb3b72375f2)

**Latin**

Audivi enim contumelias multorum,
et terrorem in circuitu :
Persequimini, et persequamur eum,
ab omnibus viris qui erant pacifici mei,
et custodientes latus meum :
si quomodo decipiatur, et prævaleamus adversus eum,
et consequamur ultionem ex eo.

**English**

This passage has not yet been translated.

[↗](https://missale.online/biblia/en/jr/20#text-44b28169590526f68717)

**Latin**

Dominus autem mecum est, quasi bellator fortis :
idcirco qui persequuntur me cadent,
et infirmi erunt :
confundentur vehementer,
quia non intellexerunt opprobrium sempiternum,
quod numquam delebitur.

**English**

This passage has not yet been translated.

[↗](https://missale.online/biblia/en/jr/20#text-40022955d80a097e447c)

**Latin**

Et tu, Domine exercituum, probator justi,
qui vides renes et cor,
videam, quæso, ultionem tuam ex eis :
tibi enim revelavi causam meam.

**English**

This passage has not yet been translated.

[↗](https://missale.online/biblia/en/jr/20#text-9cddad593f73adeac016)

**Latin**

Cantate Domino,
laudate Dominum,
quia liberavit animam pauperis de manu malorum.

**English**

This passage has not yet been translated.

[↗](https://missale.online/biblia/en/jr/20#text-77f0bcf628a6b2c6b32a)

**Latin**

Maledicta dies in qua natus sum !
dies in qua peperit me mater mea
non sit benedicta !

**English**

This passage has not yet been translated.

[↗](https://missale.online/biblia/en/jr/20#text-e93f4ea4f81375c9a221)

**Latin**

Maledictus vir qui annuntiavit patri meo,
dicens : Natus est tibi puer masculus,
et quasi gaudio lætificavit eum !

**English**

This passage has not yet been translated.

[↗](https://missale.online/biblia/en/jr/20#text-ad0dbb7caa8136e57bff)

**Latin**

Sit homo ille ut sunt civitates quæ subvertit Dominus,
et non pœnituit eum :
audiat clamorem mane,
et ululatum in tempore meridiano,

**English**

This passage has not yet been translated.

[↗](https://missale.online/biblia/en/jr/20#text-a344e3eeceed7e93233c)

**Latin**

qui non me interfecit a vulva,
ut fieret mihi mater mea sepulchrum,
et vulva ejus conceptus æternus !

**English**

This passage has not yet been translated.

[↗](https://missale.online/biblia/en/jr/20#text-292f98d53276b7e92ddb)

**Latin**

Quare de vulva egressus sum,
ut viderem laborem et dolorem,
et consumerentur in confusione dies mei ?

**English**

This passage has not yet been translated.