# Jeremiah · 21

> https://missale.online/biblia/en/jr/21

## Verses

[↗](https://missale.online/biblia/en/jr/21#text-738a397ca42f89be3041)

**Latin**

Verbum quod factum est ad Jeremiam a Domino, quando misit ad eum rex Sedecias Phassur filium Melchiæ, et Sophoniam filium Maasiæ sacerdotem, dicens :

**English**

This passage has not yet been translated.

[↗](https://missale.online/biblia/en/jr/21#text-a431dc21500084281aad)

**Latin**

Interroga pro nobis Dominum, quia Nabuchodonosor, rex Babylonis, præliatur adversum nos : si forte faciat Dominus nobiscum secundum omnia mirabilia sua, et recedat a nobis.

**English**

This passage has not yet been translated.

[↗](https://missale.online/biblia/en/jr/21#text-51d615e65f2b8ce7b8f8)

**Latin**

Et dixit Jeremias ad eos : Sic dicetis Sedeciæ :

**English**

This passage has not yet been translated.

[↗](https://missale.online/biblia/en/jr/21#text-5d4da59ebdbb384b8c9f)

**Latin**

Hæc dicit Dominus Deus Israël : Ecce ego convertam vasa belli quæ in manibus vestris sunt, et quibus vos pugnatis adversum regem Babylonis et Chaldæos qui obsident vos in circuitu murorum : et congregabo ea in medio civitatis hujus.

**English**

This passage has not yet been translated.

[↗](https://missale.online/biblia/en/jr/21#text-c9a99567837d7d8a5257)

**Latin**

Et debellabo ego vos in manu extenta, et in brachio forti, et in furore, et in indignatione, et in ira grandi.

**English**

This passage has not yet been translated.

[↗](https://missale.online/biblia/en/jr/21#text-db8941e9bfe92ba71d70)

**Latin**

Et percutiam habitatores civitatis hujus : homines et bestiæ pestilentia magna morientur.

**English**

This passage has not yet been translated.

[↗](https://missale.online/biblia/en/jr/21#text-d18c4bffa042bddf03b6)

**Latin**

Et post hæc, ait Dominus, dabo Sedeciam regem Juda, et servos ejus, et populum ejus, et qui derelicti sunt in civitate hac a peste, et gladio, et fame, in manu Nabuchodonosor regis Babylonis, et in manu inimicorum eorum, et in manu quærentium animam eorum : et percutiet eos in ore gladii, et non flectetur, neque parcet, nec miserebitur.

**English**

This passage has not yet been translated.

[↗](https://missale.online/biblia/en/jr/21#text-280b739fac2695c16a42)

**Latin**

Et ad populum hunc dices : Hæc dicit Dominus : Ecce ego do coram vobis viam vitæ, et viam mortis.

**English**

This passage has not yet been translated.

[↗](https://missale.online/biblia/en/jr/21#text-3dd53cfa29a281509a99)

**Latin**

Qui habitaverit in urbe hac morietur gladio, et fame, et peste : qui autem egressus fuerit, et transfugerit ad Chaldæos qui obsident vos, vivet, et erit ei anima sua quasi spolium.

**English**

This passage has not yet been translated.

[↗](https://missale.online/biblia/en/jr/21#text-c297fce5deb3b72375f2)

**Latin**

Posui enim faciem meam super civitatem hanc in malum, et non in bonum, ait Dominus : in manu regis Babylonis dabitur, et exuret eam igni.

**English**

This passage has not yet been translated.

[↗](https://missale.online/biblia/en/jr/21#text-44b28169590526f68717)

**Latin**

Et domui regis Juda : Audite verba Domini,

**English**

This passage has not yet been translated.

[↗](https://missale.online/biblia/en/jr/21#text-40022955d80a097e447c)

**Latin**

domus David.
Hæc dicit Dominus :
Judicate mane judicium,
et eruite vi oppressum de manu calumniantis,
ne forte egrediatur ut ignis indignatio mea,
et succendatur, et non sit qui extinguat,
propter malitiam studiorum vestrorum.

**English**

This passage has not yet been translated.

[↗](https://missale.online/biblia/en/jr/21#text-9cddad593f73adeac016)

**Latin**

Ecce ego ad te, habitatricem vallis solidæ atque campestris,
ait Dominus :
qui dicitis : Quis percutiet nos ?
et quis ingredietur domos nostras ?

**English**

This passage has not yet been translated.

[↗](https://missale.online/biblia/en/jr/21#text-77f0bcf628a6b2c6b32a)

**Latin**

Et visitabo super vos juxta fructum studiorum vestrorum,
dicit Dominus :
et succendam ignem in saltu ejus,
et devorabit omnia in circuitu ejus.

**English**

This passage has not yet been translated.