# Jeremiah · 28

> https://missale.online/biblia/en/jr/28

## Verses

[↗](https://missale.online/biblia/en/jr/28#text-738a397ca42f89be3041)

**Latin**

Et factum est in anno illo, in principio regni Sedeciæ regis Juda, in anno quarto, in mense quinto, dixit ad me Hananias filius Azur, propheta de Gabaon, in domo Domini, coram sacerdotibus et omni populo, dicens :

**English**

This passage has not yet been translated.

[↗](https://missale.online/biblia/en/jr/28#text-a431dc21500084281aad)

**Latin**

Hæc dicit Dominus exercituum, Deus Israël : Contrivi jugum regis Babylonis.

**English**

This passage has not yet been translated.

[↗](https://missale.online/biblia/en/jr/28#text-51d615e65f2b8ce7b8f8)

**Latin**

Adhuc duo anni dierum, et ego referri faciam ad locum istum omnia vasa domus Domini, quæ tulit Nabuchodonosor rex Babylonis de loco isto, et transtulit ea in Babylonem.

**English**

This passage has not yet been translated.

[↗](https://missale.online/biblia/en/jr/28#text-5d4da59ebdbb384b8c9f)

**Latin**

Et Jechoniam filium Joakim regem Juda, et omnem transmigrationem Juda, qui ingressi sunt in Babylonem, ego convertam ad locum istum, ait Dominus : conteram enim jugum regis Babylonis.

**English**

This passage has not yet been translated.

[↗](https://missale.online/biblia/en/jr/28#text-c9a99567837d7d8a5257)

**Latin**

Et dixit Jeremias propheta ad Hananiam prophetam, in oculis sacerdotum, et in oculis omnis populi qui stabat in domo Domini :

**English**

This passage has not yet been translated.

[↗](https://missale.online/biblia/en/jr/28#text-db8941e9bfe92ba71d70)

**Latin**

et ait Jeremias propheta : Amen ! sic faciat Dominus : suscitet Dominus verba tua quæ prophetasti, ut referantur vasa in domum Domini, et omnis transmigratio de Babylone ad locum istum.

**English**

This passage has not yet been translated.

[↗](https://missale.online/biblia/en/jr/28#text-d18c4bffa042bddf03b6)

**Latin**

Verumtamen audi verbum hoc quod ego loquor in auribus tuis, et in auribus universi populi :

**English**

This passage has not yet been translated.

[↗](https://missale.online/biblia/en/jr/28#text-280b739fac2695c16a42)

**Latin**

prophetæ qui fuerunt ante me et ante te, ab initio, et prophetaverunt super terras multas et super regna magna de prælio, et de afflictione, et de fame :

**English**

This passage has not yet been translated.

[↗](https://missale.online/biblia/en/jr/28#text-3dd53cfa29a281509a99)

**Latin**

propheta qui vaticinatus est pacem, cum venerit verbum ejus, scietur propheta quem misit Dominus in veritate.

**English**

This passage has not yet been translated.

[↗](https://missale.online/biblia/en/jr/28#text-c297fce5deb3b72375f2)

**Latin**

Et tulit Hananias propheta catenam de collo Jeremiæ prophetæ, et confregit eam.

**English**

This passage has not yet been translated.

[↗](https://missale.online/biblia/en/jr/28#text-44b28169590526f68717)

**Latin**

Et ait Hananias in conspectu omnis populi, dicens : Hæc dicit Dominus : Sic confringam jugum Nabuchodonosor regis Babylonis, post duos annos dierum de collo omnium gentium.

**English**

This passage has not yet been translated.

[↗](https://missale.online/biblia/en/jr/28#text-40022955d80a097e447c)

**Latin**

Et abiit Jeremias propheta in viam suam. Et factum est verbum Domini ad Jeremiam, postquam confregit Hananias propheta catenam de collo Jeremiæ prophetæ, dicens :

**English**

This passage has not yet been translated.

[↗](https://missale.online/biblia/en/jr/28#text-9cddad593f73adeac016)

**Latin**

Vade, et dices Hananiæ : Hæc dicit Dominus : Catenas ligneas contrivisti, et facies pro eis catenas ferreas.

**English**

This passage has not yet been translated.

[↗](https://missale.online/biblia/en/jr/28#text-77f0bcf628a6b2c6b32a)

**Latin**

Quia hæc dicit Dominus exercituum, Deus Israël : Jugum ferreum posui super collum cunctarum gentium istarum, ut serviant Nabuchodonosor regi Babylonis, et servient ei : insuper et bestias terræ dedi ei.

**English**

This passage has not yet been translated.

[↗](https://missale.online/biblia/en/jr/28#text-e93f4ea4f81375c9a221)

**Latin**

Et dixit Jeremias propheta ad Hananiam prophetam : Audi, Hanania : non misit te Dominus, et tu confidere fecisti populum istum in mendacio.

**English**

This passage has not yet been translated.

[↗](https://missale.online/biblia/en/jr/28#text-ad0dbb7caa8136e57bff)

**Latin**

Idcirco hæc dicit Dominus : Ecce ego mittam te a facie terræ : hoc anno morieris : adversum enim Dominum locutus es.

**English**

This passage has not yet been translated.

[↗](https://missale.online/biblia/en/jr/28#text-a344e3eeceed7e93233c)

**Latin**

Et mortuus est Hananias propheta in anno illo, mense septimo.

**English**

This passage has not yet been translated.