# Jeremiah · 37

> https://missale.online/biblia/en/jr/37

## Verses

[↗](https://missale.online/biblia/en/jr/37#text-738a397ca42f89be3041)

**Latin**

Et regnavit rex Sedecias filius Josiæ pro Jechonia filio Joakim, quem constituit regem Nabuchodonosor rex Babylonis in terra Juda :

**English**

This passage has not yet been translated.

[↗](https://missale.online/biblia/en/jr/37#text-a431dc21500084281aad)

**Latin**

et non obedivit ipse, et servi ejus, et populus terræ, verbis Domini, quæ locutus est in manu Jeremiæ prophetæ.

**English**

This passage has not yet been translated.

[↗](https://missale.online/biblia/en/jr/37#text-51d615e65f2b8ce7b8f8)

**Latin**

Et misit rex Sedecias Juchal filium Selemiæ, et Sophoniam filium Maasiæ, sacerdotem, ad Jeremiam prophetam, dicens : Ora pro nobis Dominum Deum nostrum.

**English**

This passage has not yet been translated.

[↗](https://missale.online/biblia/en/jr/37#text-5d4da59ebdbb384b8c9f)

**Latin**

Jeremias autem libere ambulabat in medio populi : non enim miserant eum in custodiam carceris. Igitur exercitus Pharaonis egressus est de Ægypto, et audientes Chaldæi qui obsidebant Jerusalem, hujuscemodi nuntium, recesserunt ab Jerusalem.

**English**

This passage has not yet been translated.

[↗](https://missale.online/biblia/en/jr/37#text-c9a99567837d7d8a5257)

**Latin**

Et factum est verbum Domini ad Jeremiam prophetam, dicens :

**English**

This passage has not yet been translated.

[↗](https://missale.online/biblia/en/jr/37#text-db8941e9bfe92ba71d70)

**Latin**

Hæc dicit Dominus Deus Israël : Sic dicetis regi Juda, qui misit vos ad me interrogandum : Ecce exercitus Pharaonis, qui egressus est vobis in auxilium, revertetur in terram suam in Ægyptum :

**English**

This passage has not yet been translated.

[↗](https://missale.online/biblia/en/jr/37#text-d18c4bffa042bddf03b6)

**Latin**

et redient Chaldæi, et bellabunt contra civitatem hanc, et capient eam, et succendent eam igni.

**English**

This passage has not yet been translated.

[↗](https://missale.online/biblia/en/jr/37#text-280b739fac2695c16a42)

**Latin**

Hæc dicit Dominus : Nolite decipere animas vestras, dicentes : Euntes abibunt, et recedent a nobis Chaldæi : quia non abibunt.

**English**

This passage has not yet been translated.

[↗](https://missale.online/biblia/en/jr/37#text-3dd53cfa29a281509a99)

**Latin**

Sed etsi percusseritis omnem exercitum Chaldæorum qui præliantur adversum vos, et derelicti fuerint ex eis aliqui vulnerati, singuli de tentorio suo consurgent, et incendent civitatem hanc igni.

**English**

This passage has not yet been translated.

[↗](https://missale.online/biblia/en/jr/37#text-c297fce5deb3b72375f2)

**Latin**

Ergo cum recessisset exercitus Chaldæorum ab Jerusalem, propter exercitum Pharaonis,

**English**

This passage has not yet been translated.

[↗](https://missale.online/biblia/en/jr/37#text-44b28169590526f68717)

**Latin**

egressus est Jeremias de Jerusalem ut iret in terram Benjamin, et divideret ibi possessionem in conspectu civium.

**English**

This passage has not yet been translated.

[↗](https://missale.online/biblia/en/jr/37#text-40022955d80a097e447c)

**Latin**

Cumque pervenisset ad portam Benjamin, erat ibi custos portæ per vices, nomine Jerias filius Selemiæ filii Hananiæ : et apprehendit Jeremiam prophetam, dicens : Ad Chaldæos profugis.

**English**

This passage has not yet been translated.

[↗](https://missale.online/biblia/en/jr/37#text-9cddad593f73adeac016)

**Latin**

Et respondit Jeremias : Falsum est : non fugio ad Chaldæos. Et non audivit eum, sed comprehendit Jerias Jeremiam, et adduxit eum ad principes :

**English**

This passage has not yet been translated.

[↗](https://missale.online/biblia/en/jr/37#text-77f0bcf628a6b2c6b32a)

**Latin**

quam ob rem irati principes contra Jeremiam, cæsum eum miserunt in carcerem qui erat in domo Jonathan scribæ : ipse enim præpositus erat super carcerem.

**English**

This passage has not yet been translated.

[↗](https://missale.online/biblia/en/jr/37#text-e93f4ea4f81375c9a221)

**Latin**

Itaque ingressus est Jeremias in domum laci et in ergastulum : et sedit ibi Jeremias diebus multis.

**English**

This passage has not yet been translated.

[↗](https://missale.online/biblia/en/jr/37#text-ad0dbb7caa8136e57bff)

**Latin**

Mittens autem Sedecias rex, tulit eum : et interrogavit eum in domo sua abscondite, et dixit : Putasne est sermo a Domino ? Et dixit Jeremias : Est : et ait : In manus regis Babylonis traderis.

**English**

This passage has not yet been translated.

[↗](https://missale.online/biblia/en/jr/37#text-a344e3eeceed7e93233c)

**Latin**

Et dixit Jeremias ad regem Sedeciam : Quid peccavi tibi, et servis tuis, et populo tuo, quia misisti me in domum carceris ?

**English**

This passage has not yet been translated.

[↗](https://missale.online/biblia/en/jr/37#text-292f98d53276b7e92ddb)

**Latin**

ubi sunt prophetæ vestri, qui prophetabant vobis, et dicebant : Non veniet rex Babylonis super vos, et super terram hanc ?

**English**

This passage has not yet been translated.

[↗](https://missale.online/biblia/en/jr/37#text-ea8c03b9efa00fc49552)

**Latin**

Nunc ergo audi, obsecro, domine mi rex : valeat deprecatio mea in conspectu tuo, et ne me remittas in domum Jonathan scribæ, ne moriar ibi.

**English**

This passage has not yet been translated.

[↗](https://missale.online/biblia/en/jr/37#text-0b9188f9827bc9369014)

**Latin**

Præcepit ergo rex Sedecias ut traderetur Jeremias in vestibulo carceris, et daretur ei torta panis quotidie, excepto pulmento, donec consumerentur omnes panes de civitate : et mansit Jeremias in vestibulo carceris.

**English**

This passage has not yet been translated.