# Jeremiah · 43

> https://missale.online/biblia/en/jr/43

## Verses

[↗](https://missale.online/biblia/en/jr/43#text-738a397ca42f89be3041)

**Latin**

Factum est autem, cum complesset Jeremias loquens ad populum universos sermones Domini Dei eorum, pro quibus miserat eum Dominus Deus eorum ad illos, omnia verba hæc,

**English**

This passage has not yet been translated.

[↗](https://missale.online/biblia/en/jr/43#text-a431dc21500084281aad)

**Latin**

dixit Azarias filius Osaiæ, et Johanan filius Caree, et omnes viri superbi, dicentes ad Jeremiam : Mendacium tu loqueris : non misit te Dominus Deus noster, dicens : Ne ingrediamini Ægyptum ut habitetis illuc.

**English**

This passage has not yet been translated.

[↗](https://missale.online/biblia/en/jr/43#text-51d615e65f2b8ce7b8f8)

**Latin**

Sed Baruch filius Neriæ incitat te adversum nos, ut tradat nos in manus Chaldæorum, ut interficiat nos, et traduci faciat in Babylonem.

**English**

This passage has not yet been translated.

[↗](https://missale.online/biblia/en/jr/43#text-5d4da59ebdbb384b8c9f)

**Latin**

Et non audivit Johanan filius Caree, et omnes principes bellatorum, et universus populus, vocem Domini, ut manerent in terra Juda.

**English**

This passage has not yet been translated.

[↗](https://missale.online/biblia/en/jr/43#text-c9a99567837d7d8a5257)

**Latin**

Sed tollens Johanan filius Caree, et universi principes bellatorum, universos reliquiarum Juda, qui reversi fuerant de cunctis gentibus ad quas fuerant ante dispersi, ut habitarent in terra Juda,

**English**

This passage has not yet been translated.

[↗](https://missale.online/biblia/en/jr/43#text-db8941e9bfe92ba71d70)

**Latin**

viros, et mulieres, et parvulos, et filias regis, et omnem animam quam reliquerat Nabuzardan princeps militiæ cum Godolia filio Ahicam filii Saphan, et Jeremiam prophetam, et Baruch filium Neriæ :

**English**

This passage has not yet been translated.

[↗](https://missale.online/biblia/en/jr/43#text-d18c4bffa042bddf03b6)

**Latin**

et ingressi sunt terram Ægypti, quia non obedierunt voci Domini, et venerunt usque ad Taphnis.

**English**

This passage has not yet been translated.

[↗](https://missale.online/biblia/en/jr/43#text-280b739fac2695c16a42)

**Latin**

Et factus est sermo Domini ad Jeremiam in Taphnis, dicens :

**English**

This passage has not yet been translated.

[↗](https://missale.online/biblia/en/jr/43#text-3dd53cfa29a281509a99)

**Latin**

Sume lapides grandes in manu tua, et abscondes eos in crypta quæ est sub muro latericio in porta domus Pharaonis in Taphnis, cernentibus viris Judæis :

**English**

This passage has not yet been translated.

[↗](https://missale.online/biblia/en/jr/43#text-c297fce5deb3b72375f2)

**Latin**

et dices ad eos : Hæc dicit Dominus exercituum, Deus Israël : Ecce ego mittam et assumam Nabuchodonosor regem Babylonis, servum meum : et ponam thronum ejus super lapides istos quos abscondi, et statuet solium suum super eos :

**English**

This passage has not yet been translated.

[↗](https://missale.online/biblia/en/jr/43#text-44b28169590526f68717)

**Latin**

veniensque percutiet terram Ægypti, quos in mortem, in mortem, et quos in captivitatem, in captivitatem, et quos in gladium, in gladium :

**English**

This passage has not yet been translated.

[↗](https://missale.online/biblia/en/jr/43#text-40022955d80a097e447c)

**Latin**

et succendet ignem in delubris deorum Ægypti, et comburet ea, et captivos ducet illos, et amicietur terra Ægypti sicut amicitur pastor pallio suo, et egredietur inde in pace :

**English**

This passage has not yet been translated.

[↗](https://missale.online/biblia/en/jr/43#text-9cddad593f73adeac016)

**Latin**

et conteret statuas domus solis quæ sunt in terra Ægypti, et delubra deorum Ægypti comburet igni.

**English**

This passage has not yet been translated.