# Jeremiah · 51

> https://missale.online/biblia/en/jr/51

## Verses

[↗](https://missale.online/biblia/en/jr/51#text-738a397ca42f89be3041)

**Latin**

Hæc dicit Dominus :
Ecce ego suscitabo super Babylonem et super habitatores ejus,
qui cor suum levaverunt contra me,
quasi ventum pestilentem :

**English**

This passage has not yet been translated.

[↗](https://missale.online/biblia/en/jr/51#text-a431dc21500084281aad)

**Latin**

et mittam in Babylonem ventilatores,
et ventilabunt eam et demolientur terram ejus,
quoniam venerunt super eam undique in die afflictionis ejus.

**English**

This passage has not yet been translated.

[↗](https://missale.online/biblia/en/jr/51#text-51d615e65f2b8ce7b8f8)

**Latin**

Non tendat qui tendit arcum suum,
et non ascendat loricatus :
nolite parcere juvenibus ejus ;
interficite omnem militiam ejus.

**English**

This passage has not yet been translated.

[↗](https://missale.online/biblia/en/jr/51#text-5d4da59ebdbb384b8c9f)

**Latin**

Et cadent interfecti in terra Chaldæorum,
et vulnerati in regionibus ejus.

**English**

This passage has not yet been translated.

[↗](https://missale.online/biblia/en/jr/51#text-c9a99567837d7d8a5257)

**Latin**

Quoniam non fuit viduatus Israël et Juda
a Deo suo, Domino exercituum,
terra autem eorum repleta est delicto
a Sancto Israël.

**English**

This passage has not yet been translated.

[↗](https://missale.online/biblia/en/jr/51#text-db8941e9bfe92ba71d70)

**Latin**

Fugite de medio Babylonis,
et salvet unusquisque animam suam :
nolite tacere super iniquitatem ejus,
quoniam tempus ultionis est a Domino :
vicissitudinem ipse retribuet ei.

**English**

This passage has not yet been translated.

[↗](https://missale.online/biblia/en/jr/51#text-d18c4bffa042bddf03b6)

**Latin**

Calix aureus Babylon in manu Domini,
inebrians omnem terram :
de vino ejus biberunt gentes,
et ideo commotæ sunt.

**English**

This passage has not yet been translated.

[↗](https://missale.online/biblia/en/jr/51#text-280b739fac2695c16a42)

**Latin**

Subito cecidit Babylon, et contrita est.
Ululate super eam :
tollite resinam ad dolorem ejus,
si forte sanetur.

**English**

This passage has not yet been translated.

[↗](https://missale.online/biblia/en/jr/51#text-3dd53cfa29a281509a99)

**Latin**

Curavimus Babylonem, et non est sanata :
derelinquamus eam, et eamus unusquisque in terram suam :
quoniam pervenit usque ad cælos judicium ejus,
et elevatum est usque ad nubes.

**English**

This passage has not yet been translated.

[↗](https://missale.online/biblia/en/jr/51#text-c297fce5deb3b72375f2)

**Latin**

Protulit Dominus justitias nostras :
venite, et narremus in Sion opus Domini Dei nostri.

**English**

This passage has not yet been translated.

[↗](https://missale.online/biblia/en/jr/51#text-44b28169590526f68717)

**Latin**

Acuite sagittas, implete pharetras :
suscitavit Dominus spiritum regum Medorum :
et contra Babylonem mens ejus est ut perdat eam,
quoniam ultio Domini est,
ultio templi sui.

**English**

This passage has not yet been translated.

[↗](https://missale.online/biblia/en/jr/51#text-40022955d80a097e447c)

**Latin**

Super muros Babylonis levate signum,
augete custodiam, levate custodes,
præparate insidias :
quia cogitavit Dominus,
et fecit quæcumque locutus est contra habitatores Babylonis.

**English**

This passage has not yet been translated.

[↗](https://missale.online/biblia/en/jr/51#text-9cddad593f73adeac016)

**Latin**

Quæ habitas super aquas multas,
locuples in thesauris :
venit finis tuus, pedalis præcisionis tuæ.

**English**

This passage has not yet been translated.

[↗](https://missale.online/biblia/en/jr/51#text-77f0bcf628a6b2c6b32a)

**Latin**

Juravit Dominus exercituum per animam suam :
Quoniam replebo te hominibus quasi brucho,
et super te celeuma cantabitur.

**English**

This passage has not yet been translated.

[↗](https://missale.online/biblia/en/jr/51#text-e93f4ea4f81375c9a221)

**Latin**

Qui fecit terram in fortitudine sua,
præparavit orbem in sapientia sua,
et prudentia sua extendit cælos.

**English**

This passage has not yet been translated.

[↗](https://missale.online/biblia/en/jr/51#text-ad0dbb7caa8136e57bff)

**Latin**

Dante eo vocem, multiplicantur aquæ in cælo :
qui levat nubes ab extremo terræ,
fulgura in pluviam fecit,
et produxit ventum de thesauris suis.

**English**

This passage has not yet been translated.

[↗](https://missale.online/biblia/en/jr/51#text-a344e3eeceed7e93233c)

**Latin**

Stultus factus est omnis homo a scientia ;
confusus est omnis conflator in sculptili :
quia mendax est conflatio eorum,
nec est spiritus in eis.

**English**

This passage has not yet been translated.

[↗](https://missale.online/biblia/en/jr/51#text-292f98d53276b7e92ddb)

**Latin**

Vana sunt opera, et risu digna :
in tempore visitationis suæ peribunt.

**English**

This passage has not yet been translated.

[↗](https://missale.online/biblia/en/jr/51#text-ea8c03b9efa00fc49552)

**Latin**

Non sicut hæc, pars Jacob,
quia qui fecit omnia ipse est :
et Israël sceptrum hæreditatis ejus :
Dominus exercituum nomen ejus.

**English**

This passage has not yet been translated.

[↗](https://missale.online/biblia/en/jr/51#text-0b9188f9827bc9369014)

**Latin**

Collidis tu mihi vasa belli :
et ego collidam in te gentes,
et disperdam in te regna :

**English**

This passage has not yet been translated.

[↗](https://missale.online/biblia/en/jr/51#text-4a377fb8b3ab2ddc2997)

**Latin**

et collidam in te equum et equitem ejus :
et collidam in te currum et ascensorem ejus :

**English**

This passage has not yet been translated.

[↗](https://missale.online/biblia/en/jr/51#text-558828010cd7e67a3b8c)

**Latin**

et collidam in te virum et mulierem :
et collidam in te senem et puerum :
et collidam in te juvenem et virginem :

**English**

This passage has not yet been translated.

[↗](https://missale.online/biblia/en/jr/51#text-ec73ab42682871a72627)

**Latin**

et collidam in te pastorem et gregem ejus :
et collidam in te agricolam et jugales ejus :
et collidam in te duces et magistratus :

**English**

This passage has not yet been translated.

[↗](https://missale.online/biblia/en/jr/51#text-67cd7490abc0fa3b8079)

**Latin**

et reddam Babyloni, et cunctis habitatoribus Chaldææ,
omne malum suum quod fecerunt in Sion,
in oculis vestris, ait Dominus.

**English**

This passage has not yet been translated.

[↗](https://missale.online/biblia/en/jr/51#text-3ac038d6962289bd3c26)

**Latin**

Ecce ego ad te, mons pestifer, ait Dominus,
qui corrumpis universam terram :
et extendam manum meam super te,
et evolvam te de petris,
et dabo te in montem combustionis :

**English**

This passage has not yet been translated.

[↗](https://missale.online/biblia/en/jr/51#text-2b08b45b7a9fd92ff7f8)

**Latin**

et non tollent de te lapidem in angulum,
et lapidem in fundamenta :
sed perditus in æternum eris, ait Dominus.

**English**

This passage has not yet been translated.

[↗](https://missale.online/biblia/en/jr/51#text-1b9b77d3fcc49350a3f4)

**Latin**

Levate signum in terra,
clangite buccina in gentibus,
sanctificate super eam gentes,
annuntiate contra illam regibus Ararat, Menni, et Ascenez :
numerate contra eam Taphsar,
adducite equum quasi bruchum aculeatum.

**English**

This passage has not yet been translated.

[↗](https://missale.online/biblia/en/jr/51#text-21478efda9e3bd77c058)

**Latin**

Sanctificate contra eam gentes,
reges Mediæ, duces ejus, et universos magistratus ejus,
cunctamque terram potestatis ejus.

**English**

This passage has not yet been translated.

[↗](https://missale.online/biblia/en/jr/51#text-66af0bf07849f0763ec9)

**Latin**

Et commovebitur terra et conturbabitur,
quia evigilabit contra Babylonem cogitatio Domini,
ut ponat terram Babylonis desertam et inhabitabilem.

**English**

This passage has not yet been translated.

[↗](https://missale.online/biblia/en/jr/51#text-8ce0bbceaab8ff918d3a)

**Latin**

Cessaverunt fortes Babylonis a prælio ;
habitaverunt in præsidiis :
devoratum est robur eorum,
et facti sunt quasi mulieres :
incensa sunt tabernacula ejus,
contriti sunt vectes ejus.

**English**

This passage has not yet been translated.

[↗](https://missale.online/biblia/en/jr/51#text-ccc106774904a733b00e)

**Latin**

Currens obviam currenti veniet,
et nuntius obvius nuntianti,
ut annuntiet regi Babylonis
quia capta est civitas ejus a summo usque ad summum.

**English**

This passage has not yet been translated.

[↗](https://missale.online/biblia/en/jr/51#text-3885b8fb3f9b0c24fd89)

**Latin**

Et vada præoccupata sunt,
et paludes incensæ sunt igni,
et viri bellatores conturbati sunt.

**English**

This passage has not yet been translated.

[↗](https://missale.online/biblia/en/jr/51#text-578310eff006266469cc)

**Latin**

Quia hæc dicit Dominus exercituum, Deus Israël :
Filia Babylonis quasi area,
tempus trituræ ejus :
adhuc modicum, et veniet tempus messionis ejus.

**English**

This passage has not yet been translated.

[↗](https://missale.online/biblia/en/jr/51#text-fe2917b9f5e3cb90d74f)

**Latin**

Comedit me, devoravit me Nabuchodonosor rex Babylonis :
reddidit me quasi vas inane,
absorbuit me quasi draco,
replevit ventrem suum teneritudine mea, et ejecit me.

**English**

This passage has not yet been translated.

[↗](https://missale.online/biblia/en/jr/51#text-79e5363277408edadf4d)

**Latin**

Iniquitas adversum me
et caro mea super Babylonem,
dicit habitatio Sion :
et sanguis meus super habitatores Chaldææ, dicit Jerusalem.

**English**

This passage has not yet been translated.

[↗](https://missale.online/biblia/en/jr/51#text-5f3b65a9d805032a9ee2)

**Latin**

Propterea hæc dicit Dominus :
Ecce ego judicabo causam tuam,
et ulciscar ultionem tuam :
et desertum faciam mare ejus,
et siccabo venam ejus.

**English**

This passage has not yet been translated.

[↗](https://missale.online/biblia/en/jr/51#text-762d295fd73e6f7c5976)

**Latin**

Et erit Babylon in tumulos,
habitatio draconum, stupor et sibilus,
eo quod non sit habitator.

**English**

This passage has not yet been translated.

[↗](https://missale.online/biblia/en/jr/51#text-cda9e96bec793da3010d)

**Latin**

Simul ut leones rugient ;
excutient comas veluti catuli leonum.

**English**

This passage has not yet been translated.

[↗](https://missale.online/biblia/en/jr/51#text-c9ba0458566bc71ea2f2)

**Latin**

In calore eorum ponam potus eorum,
et inebriabo eos ut sopiantur,
et dormiant somnum sempiternum,
et non consurgant, dicit Dominus.

**English**

This passage has not yet been translated.

[↗](https://missale.online/biblia/en/jr/51#text-0a338341cf79beb16c8c)

**Latin**

Deducam eos quasi agnos ad victimam,
et quasi arietes cum hædis.

**English**

This passage has not yet been translated.

[↗](https://missale.online/biblia/en/jr/51#text-4f0f2d4b48873fb3fb7d)

**Latin**

Quomodo capta est Sesach,
et comprehensa est inclyta universæ terræ !
quomodo facta est in stuporem Babylon inter gentes !

**English**

This passage has not yet been translated.

[↗](https://missale.online/biblia/en/jr/51#text-fc584dea5d0f34768064)

**Latin**

Ascendit super Babylonem mare :
multitudine fluctuum ejus operta est.

**English**

This passage has not yet been translated.

[↗](https://missale.online/biblia/en/jr/51#text-1d4c9d6a2b609d4d8862)

**Latin**

Factæ sunt civitates ejus in stuporem,
terra inhabitabilis et deserta,
terra in qua nullus habitet,
nec transeat per eam filius hominis.

**English**

This passage has not yet been translated.

[↗](https://missale.online/biblia/en/jr/51#text-19e6b234a9c4be7552a1)

**Latin**

Et visitabo super Bel in Babylone,
et ejiciam quod absorbuerat de ore ejus :
et non confluent ad eum ultra gentes,
siquidem et murus Babylonis corruet.

**English**

This passage has not yet been translated.

[↗](https://missale.online/biblia/en/jr/51#text-bd57201e01a06d00b9fb)

**Latin**

Egredimini de medio ejus, populus meus,
ut salvet unusquisque animam suam ab ira furoris Domini,

**English**

This passage has not yet been translated.

[↗](https://missale.online/biblia/en/jr/51#text-73f4c9ab3d7f51b5198b)

**Latin**

et ne forte mollescat cor vestrum,
et timeatis auditum qui audietur in terra :
et veniet in anno auditio,
et post hunc annum auditio,
et iniquitas in terra,
et dominator super dominatorem.

**English**

This passage has not yet been translated.

[↗](https://missale.online/biblia/en/jr/51#text-523c85936a7443f13d60)

**Latin**

Propterea ecce dies veniunt,
et visitabo super sculptilia Babylonis,
et omnis terra ejus confundetur,
et universi interfecti ejus cadent in medio ejus.

**English**

This passage has not yet been translated.

[↗](https://missale.online/biblia/en/jr/51#text-22c467dc90ab9559a57d)

**Latin**

Et laudabunt super Babylonem cæli et terra,
et omnia quæ in eis sunt :
quia ab aquilone venient ei prædones, ait Dominus.

**English**

This passage has not yet been translated.

[↗](https://missale.online/biblia/en/jr/51#text-5bd5d3b5b9a9e19b5ca1)

**Latin**

Et quomodo fecit Babylon,
ut caderent occisi in Israël,
sic de Babylone
cadent occisi in universa terra.

**English**

This passage has not yet been translated.

[↗](https://missale.online/biblia/en/jr/51#text-84579d698f74cd639acf)

**Latin**

Qui fugistis gladium, venite,
nolite stare :
recordamini procul Domini,
et Jerusalem ascendat super cor vestrum.

**English**

This passage has not yet been translated.

[↗](https://missale.online/biblia/en/jr/51#text-576bcb50ed015fcf75b0)

**Latin**

Confusi sumus, quoniam audivimus opprobrium :
operuit ignominia facies nostras,
quia venerunt alieni super sanctificationem domus Domini.

**English**

This passage has not yet been translated.

[↗](https://missale.online/biblia/en/jr/51#text-4aff594e28dd82b02772)

**Latin**

Propterea ecce dies veniunt, ait Dominus,
et visitabo super sculptilia ejus,
et in omni terra ejus mugiet vulneratus.

**English**

This passage has not yet been translated.

[↗](https://missale.online/biblia/en/jr/51#text-9ce51c1678cd99941ef6)

**Latin**

Si ascenderit Babylon in cælum,
et firmaverit in excelso robur suum,
a me venient vastatores ejus, ait Dominus.

**English**

This passage has not yet been translated.

[↗](https://missale.online/biblia/en/jr/51#text-d686ce59144b94e5ac11)

**Latin**

Vox clamoris de Babylone,
et contritio magna de terra Chaldæorum :

**English**

This passage has not yet been translated.

[↗](https://missale.online/biblia/en/jr/51#text-459cbe6b096a5b39bcf3)

**Latin**

quoniam vastavit Dominus Babylonem,
et perdidit ex ea vocem magnam :
et sonabunt fluctus eorum quasi aquæ multæ ;
dedit sonitum vox eorum :

**English**

This passage has not yet been translated.

[↗](https://missale.online/biblia/en/jr/51#text-3255ee65bdf267e95308)

**Latin**

quia venit super eam, id est super Babylonem, prædo,
et apprehensi sunt fortes ejus,
et emarcuit arcus eorum,
quia fortis ultor Dominus reddens retribuet.

**English**

This passage has not yet been translated.

[↗](https://missale.online/biblia/en/jr/51#text-16fad7a270954fa4e7ea)

**Latin**

Et inebriabo principes ejus, et sapientes ejus,
et duces ejus, et magistratus ejus, et fortes ejus :
et dormient somnum sempiternum,
et non expergiscentur, ait Rex
(Dominus exercituum nomen ejus).

**English**

This passage has not yet been translated.

[↗](https://missale.online/biblia/en/jr/51#text-0c97aca743c606a91afc)

**Latin**

Hæc dicit Dominus exercituum :
Murus Babylonis ille latissimus suffossione suffodietur,
et portæ ejus excelsæ igni comburentur,
et labores populorum ad nihilum,
et gentium in ignem erunt, et disperibunt.

**English**

This passage has not yet been translated.

[↗](https://missale.online/biblia/en/jr/51#text-6e53b6a5bface4f4b0d5)

**Latin**

Verbum quod præcepit Jeremias propheta Saraiæ filio Neriæ filii Maasiæ, cum pergeret cum Sedecia rege in Babylonem, in anno quarto regni ejus : Saraias autem erat princeps prophetiæ.

**English**

This passage has not yet been translated.

[↗](https://missale.online/biblia/en/jr/51#text-fe5e27815b275bd31af1)

**Latin**

Et scripsit Jeremias omne malum quod venturum erat super Babylonem, in libro uno : omnia verba hæc quæ scripta sunt contra Babylonem.

**English**

This passage has not yet been translated.

[↗](https://missale.online/biblia/en/jr/51#text-8010ae92926f2f9d0df5)

**Latin**

Et dixit Jeremias ad Saraiam : Cum veneris in Babylonem, et videris, et legeris omnia verba hæc,

**English**

This passage has not yet been translated.

[↗](https://missale.online/biblia/en/jr/51#text-9a1f33cf8c69b33b44b1)

**Latin**

dices : Domine, tu locutus es contra locum istum, ut disperderes eum, ne sit qui in eo habitet, ab homine usque ad pecus, et ut sit perpetua solitudo.

**English**

This passage has not yet been translated.

[↗](https://missale.online/biblia/en/jr/51#text-90d24d28a001f17ffd8e)

**Latin**

Cumque compleveris legere librum istum, ligabis ad eum lapidem, et projicies illum in medium Euphraten,

**English**

This passage has not yet been translated.

[↗](https://missale.online/biblia/en/jr/51#text-0547193b6f1971924b69)

**Latin**

et dices : Sic submergetur Babylon, et non consurget a facie afflictionis quam ego adduco super eam, et dissolvetur. Hucusque verba Jeremiæ.

**English**

This passage has not yet been translated.