# Leviticus · 20

> https://missale.online/biblia/en/lv/20

## Verses

[↗](https://missale.online/biblia/en/lv/20#text-738a397ca42f89be3041)

**Latin**

Locutusque est Dominus ad Moysen, dicens :

**English**

This passage has not yet been translated.

[↗](https://missale.online/biblia/en/lv/20#text-a431dc21500084281aad)

**Latin**

Hæc loqueris filiis Israël : Homo de filiis Israël, et de advenis qui habitant in Israël, si quis dederit de semine suo idolo Moloch, morte moriatur : populus terræ lapidabit eum.

**English**

This passage has not yet been translated.

[↗](https://missale.online/biblia/en/lv/20#text-51d615e65f2b8ce7b8f8)

**Latin**

Et ego ponam faciem meam contra illum : succidamque eum de medio populi sui, eo quod dederit de semine suo Moloch, et contaminaverit sanctuarium meum, ac polluerit nomen sanctum meum.

**English**

This passage has not yet been translated.

[↗](https://missale.online/biblia/en/lv/20#text-5d4da59ebdbb384b8c9f)

**Latin**

Quod si negligens populus terræ, et quasi parvipendens imperium meum, dimiserit hominem qui dedit de semine suo Moloch, nec voluerit eum occidere :

**English**

This passage has not yet been translated.

[↗](https://missale.online/biblia/en/lv/20#text-c9a99567837d7d8a5257)

**Latin**

ponam faciem meam super hominem illum, et super cognationem ejus, succidamque et ipsum, et omnes qui consenserunt ei ut fornicarentur cum Moloch, de medio populi sui.

**English**

This passage has not yet been translated.

[↗](https://missale.online/biblia/en/lv/20#text-db8941e9bfe92ba71d70)

**Latin**

Anima, quæ declinaverit ad magos et ariolos, et fornicata fuerit cum eis, ponam faciem meam contra eam, et interficiam illam de medio populi sui.

**English**

This passage has not yet been translated.

[↗](https://missale.online/biblia/en/lv/20#text-d18c4bffa042bddf03b6)

**Latin**

Sanctificamini et estote sancti, quia ego sum Dominus Deus vester.

**English**

This passage has not yet been translated.

[↗](https://missale.online/biblia/en/lv/20#text-280b739fac2695c16a42)

**Latin**

Custodite præcepta mea, et facite ea : ego Dominus qui sanctifico vos.

**English**

This passage has not yet been translated.

[↗](https://missale.online/biblia/en/lv/20#text-3dd53cfa29a281509a99)

**Latin**

Qui maledixerit patri suo, aut matri, morte moriatur : patri matrique maledixit : sanguis ejus sit super eum.

**English**

This passage has not yet been translated.

[↗](https://missale.online/biblia/en/lv/20#text-c297fce5deb3b72375f2)

**Latin**

Si mœchatus quis fuerit cum uxore alterius, et adulterium perpetraverit cum conjuge proximi sui, morte moriantur et mœchus et adultera.

**English**

This passage has not yet been translated.

[↗](https://missale.online/biblia/en/lv/20#text-44b28169590526f68717)

**Latin**

Qui dormierit cum noverca sua, et revelaverit ignominiam patris sui, morte moriantur ambo : sanguis eorum sit super eos.

**English**

This passage has not yet been translated.

[↗](https://missale.online/biblia/en/lv/20#text-40022955d80a097e447c)

**Latin**

Si quis dormierit cum nuru sua, uterque moriatur, quia scelus operati sunt : sanguis eorum sit super eos.

**English**

This passage has not yet been translated.

[↗](https://missale.online/biblia/en/lv/20#text-9cddad593f73adeac016)

**Latin**

Qui dormierit cum masculo coitu femineo, uterque operatus est nefas : morte moriantur : sit sanguis eorum super eos.

**English**

This passage has not yet been translated.

[↗](https://missale.online/biblia/en/lv/20#text-77f0bcf628a6b2c6b32a)

**Latin**

Qui supra uxorem filiam, duxerit matrem ejus, scelus operatus est : vivus ardebit cum eis, nec permanebit tantum nefas in medio vestri.

**English**

This passage has not yet been translated.

[↗](https://missale.online/biblia/en/lv/20#text-e93f4ea4f81375c9a221)

**Latin**

Qui cum jumento et pecore coierit, morte moriatur : pecus quoque occidite.

**English**

This passage has not yet been translated.

[↗](https://missale.online/biblia/en/lv/20#text-ad0dbb7caa8136e57bff)

**Latin**

Mulier, quæ succubuerit cuilibet jumento, simul interficietur cum eo : sanguis eorum sit super eos.

**English**

This passage has not yet been translated.

[↗](https://missale.online/biblia/en/lv/20#text-a344e3eeceed7e93233c)

**Latin**

Qui acceperit sororem suam filiam patris sui, vel filiam matris suæ, et viderit turpitudinem ejus, illaque conspexerit fratris ignominiam, nefariam rem operati sunt : occidentur in conspectu populi sui, eo quod turpitudinem suam mutuo revelaverint, et portabunt iniquitatem suam.

**English**

This passage has not yet been translated.

[↗](https://missale.online/biblia/en/lv/20#text-292f98d53276b7e92ddb)

**Latin**

Qui coierit cum muliere in fluxu menstruo, et revelaverit turpitudinem ejus, ipsaque aperuerit fontem sanguinis sui, interficientur ambo de medio populi sui.

**English**

This passage has not yet been translated.

[↗](https://missale.online/biblia/en/lv/20#text-ea8c03b9efa00fc49552)

**Latin**

Turpitudinem materteræ et amitæ tuæ non discooperies : qui hoc fecerit, ignominiam carnis suæ nudavit ; portabunt ambo iniquitatem suam.

**English**

This passage has not yet been translated.

[↗](https://missale.online/biblia/en/lv/20#text-0b9188f9827bc9369014)

**Latin**

Qui coierit cum uxore patrui vel avunculi sui, et revelaverit ignominiam cognationis suæ, portabunt ambo peccatum suum : absque liberis morientur.

**English**

This passage has not yet been translated.

[↗](https://missale.online/biblia/en/lv/20#text-4a377fb8b3ab2ddc2997)

**Latin**

Qui duxerit uxorem fratris sui, rem facit illicitam : turpitudinem fratris sui revelavit : absque liberis erunt.

**English**

This passage has not yet been translated.

[↗](https://missale.online/biblia/en/lv/20#text-558828010cd7e67a3b8c)

**Latin**

Custodite leges meas, atque judicia, et facite ea : ne et vos evomat terra quam intraturi estis et habitaturi.

**English**

This passage has not yet been translated.

[↗](https://missale.online/biblia/en/lv/20#text-ec73ab42682871a72627)

**Latin**

Nolite ambulare in legitimis nationum, quas ego expulsurus sum ante vos. Omnia enim hæc fecerunt, et abominatus sum eas.

**English**

This passage has not yet been translated.

[↗](https://missale.online/biblia/en/lv/20#text-67cd7490abc0fa3b8079)

**Latin**

Vobis autem loquor. Possidete terram eorum, quam dabo vobis in hæreditatem, terram fluentem lacte et melle. Ego Dominus Deus vester, qui separavi vos a ceteris populis.

**English**

This passage has not yet been translated.

[↗](https://missale.online/biblia/en/lv/20#text-3ac038d6962289bd3c26)

**Latin**

Separate ergo et vos jumentum mundum ab immundo, et avem mundam ab immunda : ne polluatis animas vestras in pecore, et avibus, et cunctis quæ moventur in terra, et quæ vobis ostendi esse polluta.

**English**

This passage has not yet been translated.

[↗](https://missale.online/biblia/en/lv/20#text-2b08b45b7a9fd92ff7f8)

**Latin**

Eritis mihi sancti, quia sanctus sum ego Dominus, et separavi vos a ceteris populis, ut essetis mei.

**English**

This passage has not yet been translated.

[↗](https://missale.online/biblia/en/lv/20#text-1b9b77d3fcc49350a3f4)

**Latin**

Vir, sive mulier, in quibus pythonicus, vel divinationis fuerit spiritus, morte moriantur : lapidibus obruent eos : sanguis eorum sit super illos.

**English**

This passage has not yet been translated.