# Malachi · 3

> https://missale.online/biblia/en/mal/3

## Verses

[↗](https://missale.online/biblia/en/mal/3#text-738a397ca42f89be3041)

**Latin**

Ecce ego mitto angelum meum, et præparabit viam ante faciem meam : et statim veniet ad templum suum Dominator quem vos quæritis, et angelus testamenti quem vos vultis. Ecce venit, dicit Dominus exercituum.

**English**

This passage has not yet been translated.

[↗](https://missale.online/biblia/en/mal/3#text-a431dc21500084281aad)

**Latin**

Et quis poterit cogitare diem adventus ejus, et quis stabit ad videndum eum ? ipse enim quasi ignis conflans, et quasi herba fullonum :

**English**

This passage has not yet been translated.

[↗](https://missale.online/biblia/en/mal/3#text-51d615e65f2b8ce7b8f8)

**Latin**

et sedebit conflans, et emundans argentum : et purgabit filios Levi, et colabit eos quasi aurum et quasi argentum, et erunt Domino offerentes sacrificia in justitia.

**English**

This passage has not yet been translated.

[↗](https://missale.online/biblia/en/mal/3#text-5d4da59ebdbb384b8c9f)

**Latin**

Et placebit Domino sacrificium Juda et Jerusalem, sicut dies sæculi, et sicut anni antiqui.

**English**

This passage has not yet been translated.

[↗](https://missale.online/biblia/en/mal/3#text-c9a99567837d7d8a5257)

**Latin**

Et accedam ad vos in judicio, et ero testis velox maleficis, et adulteris, et perjuris, et qui calumniantur mercedem mercenarii, viduas et pupillos, et opprimunt peregrinum, nec timuerunt me, dicit Dominus exercituum.

**English**

This passage has not yet been translated.

[↗](https://missale.online/biblia/en/mal/3#text-db8941e9bfe92ba71d70)

**Latin**

Ego enim Dominus, et non mutor : et vos filii Jacob, non estis consumpti.

**English**

This passage has not yet been translated.

[↗](https://missale.online/biblia/en/mal/3#text-d18c4bffa042bddf03b6)

**Latin**

A diebus enim patrum vestrorum recessistis a legitimis meis, et non custodistis : revertimini ad me, et revertar ad vos, dicit Dominus exercituum. Et dixistis : In quo revertemur ?

**English**

This passage has not yet been translated.

[↗](https://missale.online/biblia/en/mal/3#text-280b739fac2695c16a42)

**Latin**

Si affliget homo Deum, quia vos configitis me ? Et dixistis : In quo configimus te ? In decimis et in primitiis.

**English**

This passage has not yet been translated.

[↗](https://missale.online/biblia/en/mal/3#text-3dd53cfa29a281509a99)

**Latin**

Et in penuria vos maledicti estis, et me vos configitis gens tota.

**English**

This passage has not yet been translated.

[↗](https://missale.online/biblia/en/mal/3#text-c297fce5deb3b72375f2)

**Latin**

Inferte omnem decimam in horreum, et sit cibus in domo mea : et probate me super hoc, dicit Dominus : si non aperuero vobis cataractas cæli, et effudero vobis benedictionem usque ad abundantiam :

**English**

This passage has not yet been translated.

[↗](https://missale.online/biblia/en/mal/3#text-44b28169590526f68717)

**Latin**

et increpabo pro vobis devorantem, et non corrumpet fructum terræ vestræ, nec erit sterilis vinea in agro, dicit Dominus exercituum.

**English**

This passage has not yet been translated.

[↗](https://missale.online/biblia/en/mal/3#text-40022955d80a097e447c)

**Latin**

Et beatos vos dicent omnes gentes : eritis enim vos terra desiderabilis, dicit Dominus exercituum.

**English**

This passage has not yet been translated.

[↗](https://missale.online/biblia/en/mal/3#text-9cddad593f73adeac016)

**Latin**

Invaluerunt super me verba vestra, dicit Dominus.

**English**

This passage has not yet been translated.

[↗](https://missale.online/biblia/en/mal/3#text-77f0bcf628a6b2c6b32a)

**Latin**

Et dixistis : Quid locuti sumus contra te ? Dixistis : Vanus est qui servit Deo : et quod emolumentum quia custodivimus præcepta ejus, et quia ambulavimus tristes coram Domino exercituum ?

**English**

This passage has not yet been translated.

[↗](https://missale.online/biblia/en/mal/3#text-e93f4ea4f81375c9a221)

**Latin**

Ergo nunc beatos dicimus arrogantes : siquidem ædificati sunt facientes impietatem, et tentaverunt Deum, et salvi facti sunt.

**English**

This passage has not yet been translated.

[↗](https://missale.online/biblia/en/mal/3#text-ad0dbb7caa8136e57bff)

**Latin**

Tunc locuti sunt timentes Dominum, unusquisque cum proximo suo : et attendit Dominus, et audivit, et scriptus est liber monumenti coram eo timentibus Dominum, et cogitantibus nomen ejus.

**English**

This passage has not yet been translated.

[↗](https://missale.online/biblia/en/mal/3#text-a344e3eeceed7e93233c)

**Latin**

Et erunt mihi, ait Dominus exercituum, in die qua ego facio, in peculium : et parcam eis, sicut parcit vir filio suo servienti sibi.

**English**

This passage has not yet been translated.

[↗](https://missale.online/biblia/en/mal/3#text-292f98d53276b7e92ddb)

**Latin**

Et convertemini, et videbitis quid sit inter justum et impium, et inter servientem Deo et non servientem ei.

**English**

This passage has not yet been translated.