# Mark · 10

> https://missale.online/biblia/en/mc/10

## Verses

[↗](https://missale.online/biblia/en/mc/10#text-738a397ca42f89be3041)

**Latin**

Et inde exsurgens venit in fines Judææ ultra Jordanem : et conveniunt iterum turbæ ad eum : et sicut consueverat, iterum docebat illos.

**English**

This passage has not yet been translated.

[↗](https://missale.online/biblia/en/mc/10#text-a431dc21500084281aad)

**Latin**

Et accedentes pharisæi interrogabant eum : Si licet viro uxorem dimittere : tentantes eum.

**English**

This passage has not yet been translated.

[↗](https://missale.online/biblia/en/mc/10#text-51d615e65f2b8ce7b8f8)

**Latin**

At ille respondens, dixit eis : Quid vobis præcepit Moyses ?

**English**

This passage has not yet been translated.

[↗](https://missale.online/biblia/en/mc/10#text-5d4da59ebdbb384b8c9f)

**Latin**

Qui dixerunt : Moyses permisit libellum repudii scribere, et dimittere.

**English**

This passage has not yet been translated.

[↗](https://missale.online/biblia/en/mc/10#text-c9a99567837d7d8a5257)

**Latin**

Quibus respondens Jesus, ait : Ad duritiam cordis vestri scripsit vobis præceptum istud :

**English**

This passage has not yet been translated.

[↗](https://missale.online/biblia/en/mc/10#text-db8941e9bfe92ba71d70)

**Latin**

ab initio autem creaturæ masculum et feminam fecit eos Deus.

**English**

This passage has not yet been translated.

[↗](https://missale.online/biblia/en/mc/10#text-d18c4bffa042bddf03b6)

**Latin**

Propter hoc relinquet homo patrem suum et matrem, et adhærebit ad uxorem suam :

**English**

This passage has not yet been translated.

[↗](https://missale.online/biblia/en/mc/10#text-280b739fac2695c16a42)

**Latin**

et erunt duo in carne una. Itaque jam non sunt duo, sed una caro.

**English**

This passage has not yet been translated.

[↗](https://missale.online/biblia/en/mc/10#text-3dd53cfa29a281509a99)

**Latin**

Quod ergo Deus conjunxit, homo non separet.

**English**

This passage has not yet been translated.

[↗](https://missale.online/biblia/en/mc/10#text-c297fce5deb3b72375f2)

**Latin**

Et in domo iterum discipuli ejus de eodem interrogaverunt eum.

**English**

This passage has not yet been translated.

[↗](https://missale.online/biblia/en/mc/10#text-44b28169590526f68717)

**Latin**

Et ait illis : Quicumque dimiserit uxorem suam, et aliam duxerit, adulterium committit super eam.

**English**

This passage has not yet been translated.

[↗](https://missale.online/biblia/en/mc/10#text-40022955d80a097e447c)

**Latin**

Et si uxor dimiserit virum suum, et alii nupserit, mœchatur.

**English**

This passage has not yet been translated.

[↗](https://missale.online/biblia/en/mc/10#text-9cddad593f73adeac016)

**Latin**

Et offerebant illi parvulos ut tangeret illos. Discipuli autem comminabantur offerentibus.

**English**

This passage has not yet been translated.

[↗](https://missale.online/biblia/en/mc/10#text-77f0bcf628a6b2c6b32a)

**Latin**

Quos cum videret Jesus, indigne tulit, et ait illis : Sinite parvulos venire ad me, et ne prohibueritis eos : talium enim est regnum Dei.

**English**

This passage has not yet been translated.

[↗](https://missale.online/biblia/en/mc/10#text-e93f4ea4f81375c9a221)

**Latin**

Amen dico vobis : Quisquis non receperit regnum Dei velut parvulus, non intrabit in illud.

**English**

This passage has not yet been translated.

[↗](https://missale.online/biblia/en/mc/10#text-ad0dbb7caa8136e57bff)

**Latin**

Et complexans eos, et imponens manus super illos, benedicebat eos.

**English**

This passage has not yet been translated.

[↗](https://missale.online/biblia/en/mc/10#text-a344e3eeceed7e93233c)

**Latin**

Et cum egressus esset in viam, procurrens quidam genu flexo ante eum, rogabat eum : Magister bone, quid faciam ut vitam æternam percipiam ?

**English**

This passage has not yet been translated.

[↗](https://missale.online/biblia/en/mc/10#text-292f98d53276b7e92ddb)

**Latin**

Jesus autem dixit ei : Quid me dicis bonum ? nemo bonus, nisi unus Deus.

**English**

This passage has not yet been translated.

[↗](https://missale.online/biblia/en/mc/10#text-ea8c03b9efa00fc49552)

**Latin**

Præcepta nosti : ne adulteres, ne occidas, ne fureris, ne falsum testimonium dixeris, ne fraudem feceris, honora patrem tuum et matrem.

**English**

This passage has not yet been translated.

[↗](https://missale.online/biblia/en/mc/10#text-0b9188f9827bc9369014)

**Latin**

At ille respondens, ait illi : Magister, hæc omnia observavi a juventute mea.

**English**

This passage has not yet been translated.

[↗](https://missale.online/biblia/en/mc/10#text-4a377fb8b3ab2ddc2997)

**Latin**

Jesus autem intuitus eum, dilexit eum, et dixit ei : Unum tibi deest : vade, quæcumque habes vende, et da pauperibus, et habebis thesaurum in cælo : et veni, sequere me.

**English**

This passage has not yet been translated.

[↗](https://missale.online/biblia/en/mc/10#text-558828010cd7e67a3b8c)

**Latin**

Qui contristatus in verbo, abiit mœrens : erat enim habens multas possessiones.

**English**

This passage has not yet been translated.

[↗](https://missale.online/biblia/en/mc/10#text-ec73ab42682871a72627)

**Latin**

Et circumspiciens Jesus, ait discipulis suis : Quam difficile qui pecunias habent, in regnum Dei introibunt !

**English**

This passage has not yet been translated.

[↗](https://missale.online/biblia/en/mc/10#text-67cd7490abc0fa3b8079)

**Latin**

Discipuli autem obstupescebant in verbis ejus. At Jesus rursus respondens ait illis : Filioli, quam difficile est, confidentes in pecuniis, in regnum Dei introire !

**English**

This passage has not yet been translated.

[↗](https://missale.online/biblia/en/mc/10#text-3ac038d6962289bd3c26)

**Latin**

Facilius est camelum per foramen acus transire, quam divitem intrare in regnum Dei.

**English**

This passage has not yet been translated.

[↗](https://missale.online/biblia/en/mc/10#text-2b08b45b7a9fd92ff7f8)

**Latin**

Qui magis admirabantur, dicentes ad semetipsos : Et quis potest salvus fieri ?

**English**

This passage has not yet been translated.

[↗](https://missale.online/biblia/en/mc/10#text-1b9b77d3fcc49350a3f4)

**Latin**

Et intuens illos Jesus, ait : Apud homines impossibile est, sed non apud Deum : omnia enim possibilia sunt apud Deum.

**English**

This passage has not yet been translated.

[↗](https://missale.online/biblia/en/mc/10#text-21478efda9e3bd77c058)

**Latin**

Et cœpit ei Petrus dicere : Ecce nos dimisimus omnia, et secuti sumus te.

**English**

This passage has not yet been translated.

[↗](https://missale.online/biblia/en/mc/10#text-66af0bf07849f0763ec9)

**Latin**

Respondens Jesus, ait : Amen dico vobis : Nemo est qui reliquerit domum, aut fratres, aut sorores, aut patrem, aut matrem, aut filios, aut agros propter me et propter Evangelium,

**English**

This passage has not yet been translated.

[↗](https://missale.online/biblia/en/mc/10#text-8ce0bbceaab8ff918d3a)

**Latin**

qui non accipiat centies tantum, nunc in tempore hoc : domos, et fratres, et sorores, et matres, et filios, et agros, cum persecutionibus, et in sæculo futuro vitam æternam.

**English**

This passage has not yet been translated.

[↗](https://missale.online/biblia/en/mc/10#text-ccc106774904a733b00e)

**Latin**

Multi autem erunt primi novissimi, et novissimi primi.

**English**

This passage has not yet been translated.

[↗](https://missale.online/biblia/en/mc/10#text-3885b8fb3f9b0c24fd89)

**Latin**

Erant autem in via ascendentes Jerosolymam : et præcedebat illos Jesus, et stupebant : et sequentes timebant. Et assumens iterum duodecim, cœpit illis dicere quæ essent ei eventura.

**English**

This passage has not yet been translated.

[↗](https://missale.online/biblia/en/mc/10#text-578310eff006266469cc)

**Latin**

Quia ecce ascendimus Jerosolymam, et Filius hominis tradetur principibus sacerdotum, et scribis, et senioribus, et damnabunt eum morte, et tradent eum gentibus :

**English**

This passage has not yet been translated.

[↗](https://missale.online/biblia/en/mc/10#text-fe2917b9f5e3cb90d74f)

**Latin**

et illudent ei, et conspuent eum, et flagellabunt eum, et interficient eum : et tertia die resurget.

**English**

This passage has not yet been translated.

[↗](https://missale.online/biblia/en/mc/10#text-79e5363277408edadf4d)

**Latin**

Et accedunt ad eum Jacobus et Joannes filii Zebedæi, dicentes : Magister, volumus ut quodcumque petierimus, facias nobis.

**English**

This passage has not yet been translated.

[↗](https://missale.online/biblia/en/mc/10#text-5f3b65a9d805032a9ee2)

**Latin**

At ille dixit eis : Quid vultis ut faciam vobis ?

**English**

This passage has not yet been translated.

[↗](https://missale.online/biblia/en/mc/10#text-762d295fd73e6f7c5976)

**Latin**

Et dixerunt : Da nobis ut unus ad dexteram tuam, et alius ad sinistram tuam sedeamus in gloria tua.

**English**

This passage has not yet been translated.

[↗](https://missale.online/biblia/en/mc/10#text-cda9e96bec793da3010d)

**Latin**

Jesus autem ait eis : Nescitis quid petatis : potestis bibere calicem, quem ego bibo, aut baptismo, quo ego baptizor, baptizari ?

**English**

This passage has not yet been translated.

[↗](https://missale.online/biblia/en/mc/10#text-c9ba0458566bc71ea2f2)

**Latin**

At illi dixerunt ei : Possumus. Jesus autem ait eis : Calicem quidem, quem ego bibo, bibetis ; et baptismo, quo ego baptizor, baptizabimini :

**English**

This passage has not yet been translated.

[↗](https://missale.online/biblia/en/mc/10#text-0a338341cf79beb16c8c)

**Latin**

sedere autem ad dexteram meam, vel ad sinistram, non est meum dare vobis, sed quibus paratum est.

**English**

This passage has not yet been translated.

[↗](https://missale.online/biblia/en/mc/10#text-4f0f2d4b48873fb3fb7d)

**Latin**

Et audientes decem, cœperunt indignari de Jacobo et Joanne.

**English**

This passage has not yet been translated.

[↗](https://missale.online/biblia/en/mc/10#text-fc584dea5d0f34768064)

**Latin**

Jesus autem vocans eos, ait illis : Scitis quia hi, qui videntur principari gentibus, dominantur eis : et principes eorum potestatem habent ipsorum.

**English**

This passage has not yet been translated.

[↗](https://missale.online/biblia/en/mc/10#text-1d4c9d6a2b609d4d8862)

**Latin**

Non ita est autem in vobis, sed quicumque voluerit fieri major, erit vester minister :

**English**

This passage has not yet been translated.

[↗](https://missale.online/biblia/en/mc/10#text-19e6b234a9c4be7552a1)

**Latin**

et quicumque voluerit in vobis primus esse, erit omnium servus.

**English**

This passage has not yet been translated.

[↗](https://missale.online/biblia/en/mc/10#text-bd57201e01a06d00b9fb)

**Latin**

Nam et Filius hominis non venit ut ministraretur ei, sed ut ministraret, et daret animam suam redemptionem pro multis.

**English**

This passage has not yet been translated.

[↗](https://missale.online/biblia/en/mc/10#text-73f4c9ab3d7f51b5198b)

**Latin**

Et veniunt Jericho : et proficiscente eo de Jericho, et discipulis ejus, et plurima multitudine, filius Timæi Bartimæus cæcus, sedebat juxta viam mendicans.

**English**

This passage has not yet been translated.

[↗](https://missale.online/biblia/en/mc/10#text-523c85936a7443f13d60)

**Latin**

Qui cum audisset quia Jesus Nazarenus est, cœpit clamare, et dicere : Jesu fili David, miserere mei.

**English**

This passage has not yet been translated.

[↗](https://missale.online/biblia/en/mc/10#text-22c467dc90ab9559a57d)

**Latin**

Et comminabantur ei multi ut taceret. At ille multo magis clamabat : Fili David, miserere mei.

**English**

This passage has not yet been translated.

[↗](https://missale.online/biblia/en/mc/10#text-5bd5d3b5b9a9e19b5ca1)

**Latin**

Et stans Jesus præcepit illum vocari. Et vocant cæcum, dicentes ei : Animæquior esto : surge, vocat te.

**English**

This passage has not yet been translated.

[↗](https://missale.online/biblia/en/mc/10#text-84579d698f74cd639acf)

**Latin**

Qui projecto vestimento suo exiliens, venit ad eum.

**English**

This passage has not yet been translated.

[↗](https://missale.online/biblia/en/mc/10#text-576bcb50ed015fcf75b0)

**Latin**

Et respondens Jesus dixit illi : Quid tibi vis faciam ? Cæcus autem dixit ei : Rabboni, ut videam.

**English**

This passage has not yet been translated.

[↗](https://missale.online/biblia/en/mc/10#text-4aff594e28dd82b02772)

**Latin**

Jesus autem ait illi : Vade, fides tua te salvum fecit. Et confestim vidit, et sequebatur eum in via.

**English**

This passage has not yet been translated.