# Matthew · 17

> https://missale.online/biblia/en/mt/17

## Verses

[↗](https://missale.online/biblia/en/mt/17#text-738a397ca42f89be3041)

**Latin**

Et post dies sex assumit Jesus Petrum, et Jacobum, et Joannem fratrem ejus, et ducit illos in montem excelsum seorsum :

**English**

This passage has not yet been translated.

[↗](https://missale.online/biblia/en/mt/17#text-a431dc21500084281aad)

**Latin**

et transfiguratus est ante eos. Et resplenduit facies ejus sicut sol : vestimenta autem ejus facta sunt alba sicut nix.

**English**

This passage has not yet been translated.

[↗](https://missale.online/biblia/en/mt/17#text-51d615e65f2b8ce7b8f8)

**Latin**

Et ecce apparuerunt illis Moyses et Elias cum eo loquentes.

**English**

This passage has not yet been translated.

[↗](https://missale.online/biblia/en/mt/17#text-5d4da59ebdbb384b8c9f)

**Latin**

Respondens autem Petrus, dixit ad Jesum : Domine, bonum est nos hic esse : si vis, faciamus tria tabernacula, tibi unum, Moysi unum, et Eliæ unum.

**English**

This passage has not yet been translated.

[↗](https://missale.online/biblia/en/mt/17#text-c9a99567837d7d8a5257)

**Latin**

Adhuc eo loquente, ecce nubes lucida obumbravit eos. Et ecce vox de nube, dicens : Hic est Filius meus dilectus, in quo mihi bene complacui : ipsum audite.

**English**

This passage has not yet been translated.

[↗](https://missale.online/biblia/en/mt/17#text-db8941e9bfe92ba71d70)

**Latin**

Et audientes discipuli ceciderunt in faciem suam, et timuerunt valde.

**English**

This passage has not yet been translated.

[↗](https://missale.online/biblia/en/mt/17#text-d18c4bffa042bddf03b6)

**Latin**

Et accessit Jesus, et tetigit eos : dixitque eis : Surgite, et nolite timere.

**English**

This passage has not yet been translated.

[↗](https://missale.online/biblia/en/mt/17#text-280b739fac2695c16a42)

**Latin**

Levantes autem oculos suos, neminem viderunt, nisi solum Jesum.

**English**

This passage has not yet been translated.

[↗](https://missale.online/biblia/en/mt/17#text-3dd53cfa29a281509a99)

**Latin**

Et descendentibus illis de monte, præcepit eis Jesus, dicens : Nemini dixeritis visionem, donec Filius hominis a mortuis resurgat.

**English**

This passage has not yet been translated.

[↗](https://missale.online/biblia/en/mt/17#text-c297fce5deb3b72375f2)

**Latin**

Et interrogaverunt eum discipuli, dicentes : Quid ergo scribæ dicunt, quod Eliam oporteat primum venire ?

**English**

This passage has not yet been translated.

[↗](https://missale.online/biblia/en/mt/17#text-44b28169590526f68717)

**Latin**

At ille respondens, ait eis : Elias quidem venturus est, et restituet omnia.

**English**

This passage has not yet been translated.

[↗](https://missale.online/biblia/en/mt/17#text-40022955d80a097e447c)

**Latin**

Dico autem vobis, quia Elias jam venit, et non cognoverunt eum, sed fecerunt in eo quæcumque voluerunt. Sic et Filius hominis passurus est ab eis.

**English**

This passage has not yet been translated.

[↗](https://missale.online/biblia/en/mt/17#text-9cddad593f73adeac016)

**Latin**

Tunc intellexerunt discipuli, quia de Joanne Baptista dixisset eis.

**English**

This passage has not yet been translated.

[↗](https://missale.online/biblia/en/mt/17#text-77f0bcf628a6b2c6b32a)

**Latin**

Et cum venisset ad turbam, accessit ad eum homo genibus provolutus ante eum, dicens : Domine, miserere filio meo, quia lunaticus est, et male patitur : nam sæpe cadit in ignem, et crebro in aquam.

**English**

This passage has not yet been translated.

[↗](https://missale.online/biblia/en/mt/17#text-e93f4ea4f81375c9a221)

**Latin**

Et obtuli eum discipulis tuis, et non potuerunt curare eum.

**English**

This passage has not yet been translated.

[↗](https://missale.online/biblia/en/mt/17#text-ad0dbb7caa8136e57bff)

**Latin**

Respondens autem Jesus, ait : O generatio incredula, et perversa, quousque ero vobiscum ? usquequo patiar vos ? Afferte huc illum ad me.

**English**

This passage has not yet been translated.

[↗](https://missale.online/biblia/en/mt/17#text-a344e3eeceed7e93233c)

**Latin**

Et increpavit illum Jesus, et exiit ab eo dæmonium, et curatus est puer ex illa hora.

**English**

This passage has not yet been translated.

[↗](https://missale.online/biblia/en/mt/17#text-292f98d53276b7e92ddb)

**Latin**

Tunc accesserunt discipuli ad Jesum secreto, et dixerunt : Quare nos non potuimus ejicere illum ?

**English**

This passage has not yet been translated.

[↗](https://missale.online/biblia/en/mt/17#text-ea8c03b9efa00fc49552)

**Latin**

Dixit illis Jesus : Propter incredulitatem vestram. Amen quippe dico vobis, si habueritis fidem sicut granum sinapis, dicetis monti huic : Transi hinc illuc, et transibit, et nihil impossibile erit vobis.

**English**

This passage has not yet been translated.

[↗](https://missale.online/biblia/en/mt/17#text-0b9188f9827bc9369014)

**Latin**

Hoc autem genus non ejicitur nisi per orationem et jejunium.

**English**

This passage has not yet been translated.

[↗](https://missale.online/biblia/en/mt/17#text-4a377fb8b3ab2ddc2997)

**Latin**

Conversantibus autem eis in Galilæa, dixit illis Jesus : Filius hominis tradendus est in manus hominum :

**English**

This passage has not yet been translated.

[↗](https://missale.online/biblia/en/mt/17#text-558828010cd7e67a3b8c)

**Latin**

et occident eum, et tertia die resurget. Et contristati sunt vehementer.

**English**

This passage has not yet been translated.

[↗](https://missale.online/biblia/en/mt/17#text-ec73ab42682871a72627)

**Latin**

Et cum venissent Capharnaum, accesserunt qui didrachma accipiebant ad Petrum, et dixerunt ei : Magister vester non solvit didrachma ?

**English**

This passage has not yet been translated.

[↗](https://missale.online/biblia/en/mt/17#text-67cd7490abc0fa3b8079)

**Latin**

Ait : Etiam. Et cum intrasset in domum, prævenit eum Jesus, dicens : Quid tibi videtur Simon ? reges terræ a quibus accipiunt tributum vel censum ? a filiis suis, an ab alienis ?

**English**

This passage has not yet been translated.

[↗](https://missale.online/biblia/en/mt/17#text-3ac038d6962289bd3c26)

**Latin**

Et ille dixit : Ab alienis. Dixit illi Jesus : Ergo liberi sunt filii.

**English**

This passage has not yet been translated.

[↗](https://missale.online/biblia/en/mt/17#text-2b08b45b7a9fd92ff7f8)

**Latin**

Ut autem non scandalizemus eos, vade ad mare, et mitte hamum : et eum piscem, qui primus ascenderit, tolle : et aperto ore ejus, invenies staterem : illum sumens, da eis pro me et te.

**English**

This passage has not yet been translated.