# Matthew · 21

> https://missale.online/biblia/en/mt/21

## Verses

[↗](https://missale.online/biblia/en/mt/21#text-738a397ca42f89be3041)

**Latin**

Et cum appropinquassent Jerosolymis, et venissent Bethphage ad montem Oliveti : tunc Jesus misit duos discipulos,

**English**

This passage has not yet been translated.

[↗](https://missale.online/biblia/en/mt/21#text-a431dc21500084281aad)

**Latin**

dicens eis : Ite in castellum, quod contra vos est, et statim invenietis asinam alligatam, et pullum cum ea : solvite, et adducite mihi :

**English**

This passage has not yet been translated.

[↗](https://missale.online/biblia/en/mt/21#text-51d615e65f2b8ce7b8f8)

**Latin**

et si quis vobis aliquid dixerit, dicite quia Dominus his opus habet : et confestim dimittet eos.

**English**

This passage has not yet been translated.

[↗](https://missale.online/biblia/en/mt/21#text-5d4da59ebdbb384b8c9f)

**Latin**

Hoc autem totum factum est, ut adimpleretur quod dictum est per prophetam dicentem :

**English**

This passage has not yet been translated.

[↗](https://missale.online/biblia/en/mt/21#text-c9a99567837d7d8a5257)

**Latin**

Dicite filiæ Sion :
Ecce rex tuus venit tibi
mansuetus, sedens super asinam,
et pullum filium subjugalis.

**English**

This passage has not yet been translated.

[↗](https://missale.online/biblia/en/mt/21#text-db8941e9bfe92ba71d70)

**Latin**

Euntes autem discipuli fecerunt sicut præcepit illis Jesus.

**English**

This passage has not yet been translated.

[↗](https://missale.online/biblia/en/mt/21#text-d18c4bffa042bddf03b6)

**Latin**

Et adduxerunt asinam, et pullum : et imposuerunt super eos vestimenta sua, et eum desuper sedere fecerunt.

**English**

This passage has not yet been translated.

[↗](https://missale.online/biblia/en/mt/21#text-280b739fac2695c16a42)

**Latin**

Plurima autem turba straverunt vestimenta sua in via : alii autem cædebant ramos de arboribus, et sternebant in via :

**English**

This passage has not yet been translated.

[↗](https://missale.online/biblia/en/mt/21#text-3dd53cfa29a281509a99)

**Latin**

turbæ autem, quæ præcedebant, et quæ sequebantur, clamabant, dicentes : Hosanna filio David : benedictus, qui venit in nomine Domini : hosanna in altissimis.

**English**

This passage has not yet been translated.

[↗](https://missale.online/biblia/en/mt/21#text-c297fce5deb3b72375f2)

**Latin**

Et cum intrasset Jerosolymam, commota est universa civitas, dicens : Quis est hic ?

**English**

This passage has not yet been translated.

[↗](https://missale.online/biblia/en/mt/21#text-44b28169590526f68717)

**Latin**

Populi autem dicebant : Hic est Jesus propheta a Nazareth Galilææ.

**English**

This passage has not yet been translated.

[↗](https://missale.online/biblia/en/mt/21#text-40022955d80a097e447c)

**Latin**

Et intravit Jesus in templum Dei, et ejiciebat omnes vendentes et ementes in templo, et mensas numulariorum, et cathedras vendentium columbas evertit :

**English**

This passage has not yet been translated.

[↗](https://missale.online/biblia/en/mt/21#text-9cddad593f73adeac016)

**Latin**

et dicit eis : Scriptum est : Domus mea domus orationis vocabitur : vos autem fecistis illam speluncam latronum.

**English**

This passage has not yet been translated.

[↗](https://missale.online/biblia/en/mt/21#text-77f0bcf628a6b2c6b32a)

**Latin**

Et accesserunt ad eum cæci, et claudi in templo : et sanavit eos.

**English**

This passage has not yet been translated.

[↗](https://missale.online/biblia/en/mt/21#text-e93f4ea4f81375c9a221)

**Latin**

Videntes autem principes sacerdotum et scribæ mirabilia quæ fecit, et pueros clamantes in templo, et dicentes : Hosanna filio David : indignati sunt,

**English**

This passage has not yet been translated.

[↗](https://missale.online/biblia/en/mt/21#text-ad0dbb7caa8136e57bff)

**Latin**

et dixerunt ei : Audis quid isti dicunt ? Jesus autem dixit eis : Utique. Numquam legistis : Quia ex ore infantium et lactentium perfecisti laudem ?

**English**

This passage has not yet been translated.

[↗](https://missale.online/biblia/en/mt/21#text-a344e3eeceed7e93233c)

**Latin**

Et relictis illis, abiit foras extra civitatem in Bethaniam : ibique mansit.

**English**

This passage has not yet been translated.

[↗](https://missale.online/biblia/en/mt/21#text-292f98d53276b7e92ddb)

**Latin**

Mane autem revertens in civitatem, esuriit.

**English**

This passage has not yet been translated.

[↗](https://missale.online/biblia/en/mt/21#text-ea8c03b9efa00fc49552)

**Latin**

Et videns fici arborem unam secus viam, venit ad eam : et nihil invenit in ea nisi folia tantum, et ait illi : Numquam ex te fructus nascatur in sempiternum. Et arefacta est continuo ficulnea.

**English**

This passage has not yet been translated.

[↗](https://missale.online/biblia/en/mt/21#text-0b9188f9827bc9369014)

**Latin**

Et videntes discipuli, mirati sunt, dicentes : Quomodo continuo aruit ?

**English**

This passage has not yet been translated.

[↗](https://missale.online/biblia/en/mt/21#text-4a377fb8b3ab2ddc2997)

**Latin**

Respondens autem Jesus, ait eis : Amen dico vobis, si habueritis fidem, et non hæsitaveritis, non solum de ficulnea facietis, sed et si monti huic dixeritis : Tolle, et jacta te in mare, fiet.

**English**

This passage has not yet been translated.

[↗](https://missale.online/biblia/en/mt/21#text-558828010cd7e67a3b8c)

**Latin**

Et omnia quæcumque petieritis in oratione credentes, accipietis.

**English**

This passage has not yet been translated.

[↗](https://missale.online/biblia/en/mt/21#text-ec73ab42682871a72627)

**Latin**

Et cum venisset in templum, accesserunt ad eum docentem principes sacerdotum, et seniores populi, dicentes : In qua potestate hæc facis ? et quis tibi dedit hanc potestatem ?

**English**

This passage has not yet been translated.

[↗](https://missale.online/biblia/en/mt/21#text-67cd7490abc0fa3b8079)

**Latin**

Respondens Jesus dixit eis : Interrogabo vos et ego unum sermonem : quem si dixeritis mihi, et ego vobis dicam in qua potestate hæc facio.

**English**

This passage has not yet been translated.

[↗](https://missale.online/biblia/en/mt/21#text-3ac038d6962289bd3c26)

**Latin**

Baptismus Joannis unde erat ? e cælo, an ex hominibus ? At illi cogitabant inter se, dicentes :

**English**

This passage has not yet been translated.

[↗](https://missale.online/biblia/en/mt/21#text-2b08b45b7a9fd92ff7f8)

**Latin**

Si dixerimus, e cælo, dicet nobis : Quare ergo non credidistis illi ? Si autem dixerimus, ex hominibus, timemus turbam : omnes enim habebant Joannem sicut prophetam.

**English**

This passage has not yet been translated.

[↗](https://missale.online/biblia/en/mt/21#text-1b9b77d3fcc49350a3f4)

**Latin**

Et respondentes Jesu, dixerunt : Nescimus. Ait illis et ipse : Nec ego dico vobis in qua potestate hæc facio.

**English**

This passage has not yet been translated.

[↗](https://missale.online/biblia/en/mt/21#text-21478efda9e3bd77c058)

**Latin**

Quid autem vobis videtur ? Homo quidam habebat duos filios, et accedens ad primum, dixit : Fili, vade hodie, operare in vinea mea.

**English**

This passage has not yet been translated.

[↗](https://missale.online/biblia/en/mt/21#text-66af0bf07849f0763ec9)

**Latin**

Ille autem respondens, ait : Nolo. Postea autem, pœnitentia motus, abiit.

**English**

This passage has not yet been translated.

[↗](https://missale.online/biblia/en/mt/21#text-8ce0bbceaab8ff918d3a)

**Latin**

Accedens autem ad alterum, dixit similiter. At ille respondens, ait : Eo, domine, et non ivit :

**English**

This passage has not yet been translated.

[↗](https://missale.online/biblia/en/mt/21#text-ccc106774904a733b00e)

**Latin**

quis ex duobus fecit voluntatem patris ? Dicunt ei : Primus. Dicit illis Jesus : Amen dico vobis, quia publicani et meretrices præcedent vos in regnum Dei.

**English**

This passage has not yet been translated.

[↗](https://missale.online/biblia/en/mt/21#text-3885b8fb3f9b0c24fd89)

**Latin**

Venit enim ad vos Joannes in via justitiæ, et non credidistis ei : publicani autem et meretrices crediderunt ei : vos autem videntes nec pœnitentiam habuistis postea, ut crederetis ei.

**English**

This passage has not yet been translated.

[↗](https://missale.online/biblia/en/mt/21#text-578310eff006266469cc)

**Latin**

Aliam parabolam audite : Homo erat paterfamilias, qui plantavit vineam, et sepem circumdedit ei, et fodit in ea torcular, et ædificavit turrim, et locavit eam agricolis, et peregre profectus est.

**English**

This passage has not yet been translated.

[↗](https://missale.online/biblia/en/mt/21#text-fe2917b9f5e3cb90d74f)

**Latin**

Cum autem tempus fructuum appropinquasset, misit servos suos ad agricolas, ut acciperent fructus ejus.

**English**

This passage has not yet been translated.

[↗](https://missale.online/biblia/en/mt/21#text-79e5363277408edadf4d)

**Latin**

Et agricolæ, apprehensis servis ejus, alium ceciderunt, alium occiderunt, alium vero lapidaverunt.

**English**

This passage has not yet been translated.

[↗](https://missale.online/biblia/en/mt/21#text-5f3b65a9d805032a9ee2)

**Latin**

Iterum misit alios servos plures prioribus, et fecerunt illis similiter.

**English**

This passage has not yet been translated.

[↗](https://missale.online/biblia/en/mt/21#text-762d295fd73e6f7c5976)

**Latin**

Novissime autem misit ad eos filium suum, dicens : Verebuntur filium meum.

**English**

This passage has not yet been translated.

[↗](https://missale.online/biblia/en/mt/21#text-cda9e96bec793da3010d)

**Latin**

Agricolæ autem videntes filium dixerunt intra se : Hic est hæres, venite, occidamus eum, et habebimus hæreditatem ejus.

**English**

This passage has not yet been translated.

[↗](https://missale.online/biblia/en/mt/21#text-c9ba0458566bc71ea2f2)

**Latin**

Et apprehensum eum ejecerunt extra vineam, et occiderunt.

**English**

This passage has not yet been translated.

[↗](https://missale.online/biblia/en/mt/21#text-0a338341cf79beb16c8c)

**Latin**

Cum ergo venerit dominus vineæ, quid faciet agricolis illis ?

**English**

This passage has not yet been translated.

[↗](https://missale.online/biblia/en/mt/21#text-4f0f2d4b48873fb3fb7d)

**Latin**

Aiunt illi : Malos male perdet : et vineam suam locabit aliis agricolis, qui reddant ei fructum temporibus suis.

**English**

This passage has not yet been translated.

[↗](https://missale.online/biblia/en/mt/21#text-fc584dea5d0f34768064)

**Latin**

Dicit illis Jesus : Numquam legistis in Scripturis : Lapidem quem reprobaverunt ædificantes,
hic factus est in caput anguli :
a Domino factum est istud,
et est mirabile in oculis nostris ?

**English**

This passage has not yet been translated.

[↗](https://missale.online/biblia/en/mt/21#text-1d4c9d6a2b609d4d8862)

**Latin**

Ideo dico vobis, quia auferetur a vobis regnum Dei, et dabitur genti facienti fructus ejus.

**English**

This passage has not yet been translated.

[↗](https://missale.online/biblia/en/mt/21#text-19e6b234a9c4be7552a1)

**Latin**

Et qui ceciderit super lapidem istum, confringetur : super quem vero ceciderit, conteret eum.

**English**

This passage has not yet been translated.

[↗](https://missale.online/biblia/en/mt/21#text-bd57201e01a06d00b9fb)

**Latin**

Et cum audissent principes sacerdotum et pharisæi parabolas ejus, cognoverunt quod de ipsis diceret.

**English**

This passage has not yet been translated.

[↗](https://missale.online/biblia/en/mt/21#text-73f4c9ab3d7f51b5198b)

**Latin**

Et quærentes eum tenere, timuerunt turbas : quoniam sicut prophetam eum habebant.

**English**

This passage has not yet been translated.