# Nehemiah · 1

> https://missale.online/biblia/en/neh/1

## Verses

[↗](https://missale.online/biblia/en/neh/1#text-738a397ca42f89be3041)

**Latin**

Verba Nehemiæ filii Helchiæ. Et factum est in mense Casleu, anno vigesimo, et ego eram in Susis castro.

**English**

This passage has not yet been translated.

[↗](https://missale.online/biblia/en/neh/1#text-a431dc21500084281aad)

**Latin**

Et venit Hanani, unus de fratribus meis, ipse et viri ex Juda : et interrogavi eos de Judæis qui remanserant, et supererant de captivitate, et Jerusalem.

**English**

This passage has not yet been translated.

[↗](https://missale.online/biblia/en/neh/1#text-51d615e65f2b8ce7b8f8)

**Latin**

Et dixerunt mihi : Qui remanserunt, et relicti sunt de captivitate ibi in provincia, in afflictione magna sunt, et in opprobrio : et murus Jerusalem dissipatus est, et portæ ejus combustæ sunt igni.

**English**

This passage has not yet been translated.

[↗](https://missale.online/biblia/en/neh/1#text-5d4da59ebdbb384b8c9f)

**Latin**

Cumque audissem verba hujuscemodi, sedi, et flevi, et luxi diebus multis : jejunabam, et orabam ante faciem Dei cæli :

**English**

This passage has not yet been translated.

[↗](https://missale.online/biblia/en/neh/1#text-c9a99567837d7d8a5257)

**Latin**

et dixi : Quæso, Domine Deus cæli fortis, magne atque terribilis, qui custodis pactum et misericordiam cum his qui te diligunt, et custodiunt mandata tua :

**English**

This passage has not yet been translated.

[↗](https://missale.online/biblia/en/neh/1#text-db8941e9bfe92ba71d70)

**Latin**

fiant aures tuæ auscultantes, et oculi tui aperti, ut audias orationem servi tui, quam ego oro coram te hodie nocte et die pro filiis Israël servis tuis : et confiteor pro peccatis filiorum Israël, quibus peccaverunt tibi : ego et domus patris mei peccavimus,

**English**

This passage has not yet been translated.

[↗](https://missale.online/biblia/en/neh/1#text-d18c4bffa042bddf03b6)

**Latin**

vanitate seducti sumus, et non custodivimus mandatum tuum, et cæremonias, et judicia quæ præcepisti Moysi famulo tuo.

**English**

This passage has not yet been translated.

[↗](https://missale.online/biblia/en/neh/1#text-280b739fac2695c16a42)

**Latin**

Memento verbi quod mandasti Moysi servo tuo, dicens : Cum transgressi fueritis, ego dispergam vos in populos :

**English**

This passage has not yet been translated.

[↗](https://missale.online/biblia/en/neh/1#text-3dd53cfa29a281509a99)

**Latin**

et si revertamini ad me, et custodiatis præcepta mea, et faciatis ea : etiamsi abducti fueritis ad extrema cæli, inde congregabo vos, et reducam in locum quem elegi ut habitaret nomen meum ibi.

**English**

This passage has not yet been translated.

[↗](https://missale.online/biblia/en/neh/1#text-c297fce5deb3b72375f2)

**Latin**

Et ipsi servi tui, et populus tuus, quos redemisti in fortitudine tua magna, et in manu tua valida.

**English**

This passage has not yet been translated.

[↗](https://missale.online/biblia/en/neh/1#text-44b28169590526f68717)

**Latin**

Obsecro, Domine, sit auris tua attendens ad orationem servi tui, et ad orationem servorum tuorum, qui volunt timere nomen tuum : et dirige servum tuum hodie, et da ei misericordiam ante virum hunc. Ego enim eram pincerna regis.

**English**

This passage has not yet been translated.