# Numbers · 11

> https://missale.online/biblia/en/nm/11

## Verses

[↗](https://missale.online/biblia/en/nm/11#text-738a397ca42f89be3041)

**Latin**

Interea ortum est murmur populi, quasi dolentium pro labore, contra Dominum. Quod cum audisset Dominus, iratus est. Et accensus in eos ignis Domini, devoravit extremam castrorum partem.

**English**

This passage has not yet been translated.

[↗](https://missale.online/biblia/en/nm/11#text-a431dc21500084281aad)

**Latin**

Cumque clamasset populus ad Moysen, oravit Moyses ad Dominum, et absorptus est ignis.

**English**

This passage has not yet been translated.

[↗](https://missale.online/biblia/en/nm/11#text-51d615e65f2b8ce7b8f8)

**Latin**

Vocavitque nomen loci illius, Incensio : eo quod incensus fuisset contra eos ignis Domini.

**English**

This passage has not yet been translated.

[↗](https://missale.online/biblia/en/nm/11#text-5d4da59ebdbb384b8c9f)

**Latin**

Vulgus quippe promiscuum, quod ascenderat cum eis, flagravit desiderio, sedens et flens, junctis sibi pariter filiis Israël, et ait : Quis dabit nobis ad vescendum carnes ?

**English**

This passage has not yet been translated.

[↗](https://missale.online/biblia/en/nm/11#text-c9a99567837d7d8a5257)

**Latin**

recordamur piscium quos comedebamus in Ægypto gratis : in mentem nobis veniunt cucumeres, et pepones, porrique, et cæpe, et allia.

**English**

This passage has not yet been translated.

[↗](https://missale.online/biblia/en/nm/11#text-db8941e9bfe92ba71d70)

**Latin**

Anima nostra arida est : nihil aliud respiciunt oculi nostri nisi man.

**English**

This passage has not yet been translated.

[↗](https://missale.online/biblia/en/nm/11#text-d18c4bffa042bddf03b6)

**Latin**

Erat autem man quasi semen coriandri, coloris bdellii.

**English**

This passage has not yet been translated.

[↗](https://missale.online/biblia/en/nm/11#text-280b739fac2695c16a42)

**Latin**

Circuibatque populus, et colligens illud, frangebat mola, sive terebat in mortario, coquens in olla, et faciens ex eo tortulas saporis quasi panis oleati.

**English**

This passage has not yet been translated.

[↗](https://missale.online/biblia/en/nm/11#text-3dd53cfa29a281509a99)

**Latin**

Cumque descenderet nocte super castra ros, descendebat pariter et man.

**English**

This passage has not yet been translated.

[↗](https://missale.online/biblia/en/nm/11#text-c297fce5deb3b72375f2)

**Latin**

Audivit ergo Moyses flentem populum per familias, singulos per ostia tentorii sui. Iratusque est furor Domini valde : sed et Moysi intoleranda res visa est,

**English**

This passage has not yet been translated.

[↗](https://missale.online/biblia/en/nm/11#text-44b28169590526f68717)

**Latin**

et ait ad Dominum : Cur afflixisti servum tuum ? quare non invenio gratiam coram te ? et cur imposuisti pondus universi populi hujus super me ?

**English**

This passage has not yet been translated.

[↗](https://missale.online/biblia/en/nm/11#text-40022955d80a097e447c)

**Latin**

Numquid ego concepi omnem hanc multitudinem, vel genui eam, ut dicas mihi : Porta eos in sinu tuo sicut portare solet nutrix infantulum, et defer in terram, pro qua jurasti patribus eorum ?

**English**

This passage has not yet been translated.

[↗](https://missale.online/biblia/en/nm/11#text-9cddad593f73adeac016)

**Latin**

Unde mihi carnes ut dem tantæ multitudini ? flent contra me, dicentes : Da nobis carnes ut comedamus.

**English**

This passage has not yet been translated.

[↗](https://missale.online/biblia/en/nm/11#text-77f0bcf628a6b2c6b32a)

**Latin**

Non possum solus sustinere omnem hunc populum, quia gravis est mihi.

**English**

This passage has not yet been translated.

[↗](https://missale.online/biblia/en/nm/11#text-e93f4ea4f81375c9a221)

**Latin**

Sin aliter tibi videtur, obsecro ut interficias me, et inveniam gratiam in oculis tuis, ne tantis afficiar malis.

**English**

This passage has not yet been translated.

[↗](https://missale.online/biblia/en/nm/11#text-ad0dbb7caa8136e57bff)

**Latin**

Et dixit Dominus ad Moysen : Congrega mihi septuaginta viros de senibus Israël, quos tu nosti quod senes populi sint ac magistri : et duces eos ad ostium tabernaculi fœderis, faciesque ibi stare tecum,

**English**

This passage has not yet been translated.

[↗](https://missale.online/biblia/en/nm/11#text-a344e3eeceed7e93233c)

**Latin**

ut descendam et loquar tibi : et auferam de spiritu tuo, tradamque eis, ut sustentent tecum onus populi, et non tu solus graveris.

**English**

This passage has not yet been translated.

[↗](https://missale.online/biblia/en/nm/11#text-292f98d53276b7e92ddb)

**Latin**

Populo quoque dices : Sanctificamini (cras comedetis carnes : ego enim audivi vos dicere : Quis dabit nobis escas carnium ? bene nobis erat in Ægypto), ut det vobis Dominus carnes, et comedatis :

**English**

This passage has not yet been translated.

[↗](https://missale.online/biblia/en/nm/11#text-ea8c03b9efa00fc49552)

**Latin**

non uno die, nec duobus, vel quinque aut decem, nec viginti quidem,

**English**

This passage has not yet been translated.

[↗](https://missale.online/biblia/en/nm/11#text-0b9188f9827bc9369014)

**Latin**

sed usque ad mensem dierum, donec exeat per nares vestras, et vertatur in nauseam, eo quod repuleritis Dominum, qui in medio vestri est, et fleveritis coram eo, dicentes : Quare egressi sumus ex Ægypto ?

**English**

This passage has not yet been translated.

[↗](https://missale.online/biblia/en/nm/11#text-4a377fb8b3ab2ddc2997)

**Latin**

Et ait Moyses : Sexcenta millia peditum hujus populi sunt : et tu dicis : Dabo eis esum carnium mense integro ?

**English**

This passage has not yet been translated.

[↗](https://missale.online/biblia/en/nm/11#text-558828010cd7e67a3b8c)

**Latin**

numquid ovium et boum multitudo cædetur, ut possit sufficere ad cibum ? vel omnes pisces maris in unum congregabuntur, ut eos satient ?

**English**

This passage has not yet been translated.

[↗](https://missale.online/biblia/en/nm/11#text-ec73ab42682871a72627)

**Latin**

Cui respondit Dominus : Numquid manus Domini invalida est ? jam nunc videbis utrum meus sermo opere compleatur.

**English**

This passage has not yet been translated.

[↗](https://missale.online/biblia/en/nm/11#text-67cd7490abc0fa3b8079)

**Latin**

Venit igitur Moyses, et narravit populo verba Domini, congregans septuaginta viros de senibus Israël, quos stare fecit circa tabernaculum.

**English**

This passage has not yet been translated.

[↗](https://missale.online/biblia/en/nm/11#text-3ac038d6962289bd3c26)

**Latin**

Descenditque Dominus per nubem, et locutus est ad eum, auferens de spiritu qui erat in Moyse, et dans septuaginta viris. Cumque requievisset in eis spiritus, prophetaverunt, nec ultra cessaverunt.

**English**

This passage has not yet been translated.

[↗](https://missale.online/biblia/en/nm/11#text-2b08b45b7a9fd92ff7f8)

**Latin**

Remanserat autem in castris duo viri, quorum unus vocabatur Eldad, et alter Medad, super quos requievit spiritus. Nam et ipsi descripti fuerant, et non exierant ad tabernaculum.

**English**

This passage has not yet been translated.

[↗](https://missale.online/biblia/en/nm/11#text-1b9b77d3fcc49350a3f4)

**Latin**

Cumque prophetarent in castris, cucurrit puer, et nuntiavit Moysi, dicens : Eldad et Medad prophetant in castris.

**English**

This passage has not yet been translated.

[↗](https://missale.online/biblia/en/nm/11#text-21478efda9e3bd77c058)

**Latin**

Statim Josue filius Nun, minister Moysi, et electus e pluribus, ait : Domine mi Moyses, prohibe eos.

**English**

This passage has not yet been translated.

[↗](https://missale.online/biblia/en/nm/11#text-66af0bf07849f0763ec9)

**Latin**

At ille : Quid, inquit æmularis pro me ? quis tribuat ut omnis populus prophetet, et det eis Dominus spiritum suum ?

**English**

This passage has not yet been translated.

[↗](https://missale.online/biblia/en/nm/11#text-8ce0bbceaab8ff918d3a)

**Latin**

Reversusque est Moyses, et majores natu Israël in castra.

**English**

This passage has not yet been translated.

[↗](https://missale.online/biblia/en/nm/11#text-ccc106774904a733b00e)

**Latin**

Ventus autem egrediens a Domino, arreptans trans mare coturnices detulit, et demisit in castra itinere quantum uno die confici potest, ex omni parte castrorum per circuitum, volabantque in aëre duobus cubitis altitudine super terram.

**English**

This passage has not yet been translated.

[↗](https://missale.online/biblia/en/nm/11#text-3885b8fb3f9b0c24fd89)

**Latin**

Surgens ergo populus toto die illo, et nocte, ac die altero, congregavit coturnicum : qui parum, decem coros : et siccaverunt eas per gyrum castrorum.

**English**

This passage has not yet been translated.

[↗](https://missale.online/biblia/en/nm/11#text-578310eff006266469cc)

**Latin**

Adhuc carnes erant in dentibus eorum, nec defecerat hujuscemodi cibus : et ecce furor Domini concitatus in populum, percussit eum plaga magna nimis.

**English**

This passage has not yet been translated.

[↗](https://missale.online/biblia/en/nm/11#text-fe2917b9f5e3cb90d74f)

**Latin**

Vocatusque est ille locus, Sepulchra concupiscentiæ : ibi enim sepelierunt populum qui desideraverat. Egressi autem de Sepulchris concupiscentiæ, venerunt in Haseroth, et manserunt ibi.

**English**

This passage has not yet been translated.