# Numbers · 21

> https://missale.online/biblia/en/nm/21

## Verses

[↗](https://missale.online/biblia/en/nm/21#text-738a397ca42f89be3041)

**Latin**

Quod cum audisset Chananæus rex Arad, qui habitabat ad meridiem, venisse scilicet Israël per exploratorum viam, pugnavit contra illum, et victor existens, duxit ex eo prædam.

**English**

This passage has not yet been translated.

[↗](https://missale.online/biblia/en/nm/21#text-a431dc21500084281aad)

**Latin**

At Israël voto se Domino obligans, ait : Si tradideris populum istum in manu mea, delebo urbes ejus.

**English**

This passage has not yet been translated.

[↗](https://missale.online/biblia/en/nm/21#text-51d615e65f2b8ce7b8f8)

**Latin**

Exaudivitque Dominus preces Israël, et tradidit Chananæum, quem ille interfecit subversis urbibus ejus : et vocavit nomen loci illius Horma, id est, anathema.

**English**

This passage has not yet been translated.

[↗](https://missale.online/biblia/en/nm/21#text-5d4da59ebdbb384b8c9f)

**Latin**

Profecti sunt autem et de monte Hor, per viam quæ ducit ad mare Rubrum, ut circumirent terram Edom. Et tædere cœpit populum itineris ac laboris :

**English**

This passage has not yet been translated.

[↗](https://missale.online/biblia/en/nm/21#text-c9a99567837d7d8a5257)

**Latin**

locutusque contra Deum et Moysen, ait : Cur eduxisti nos de Ægypto, ut moreremur in solitudine ? deest panis, non sunt aquæ : anima nostra jam nauseat super cibo isto levissimo.

**English**

This passage has not yet been translated.

[↗](https://missale.online/biblia/en/nm/21#text-db8941e9bfe92ba71d70)

**Latin**

Quam ob rem misit Dominus in populum ignitos serpentes, ad quorum plagas et mortes plurimorum,

**English**

This passage has not yet been translated.

[↗](https://missale.online/biblia/en/nm/21#text-d18c4bffa042bddf03b6)

**Latin**

venerunt ad Moysen, atque dixerunt : Peccavimus, quia locuti sumus contra Dominum et te : ora ut tollat a nobis serpentes. Oravitque Moyses pro populo,

**English**

This passage has not yet been translated.

[↗](https://missale.online/biblia/en/nm/21#text-280b739fac2695c16a42)

**Latin**

et locutus est Dominus ad eum : Fac serpentem æneum, et pone eum pro signo : qui percussus aspexerit eum, vivet.

**English**

This passage has not yet been translated.

[↗](https://missale.online/biblia/en/nm/21#text-3dd53cfa29a281509a99)

**Latin**

Fecit ergo Moyses serpentem æneum, et posuit eum pro signo : quem cum percussi aspicerent, sanabantur.

**English**

This passage has not yet been translated.

[↗](https://missale.online/biblia/en/nm/21#text-c297fce5deb3b72375f2)

**Latin**

Profectique filii Israël castrametati sunt in Oboth.

**English**

This passage has not yet been translated.

[↗](https://missale.online/biblia/en/nm/21#text-44b28169590526f68717)

**Latin**

Unde egressi fixere tentoria in Jeabarim, in solitudine quæ respicit Moab contra orientalem plagam.

**English**

This passage has not yet been translated.

[↗](https://missale.online/biblia/en/nm/21#text-40022955d80a097e447c)

**Latin**

Et inde moventes, venerunt ad torrentem Zared.

**English**

This passage has not yet been translated.

[↗](https://missale.online/biblia/en/nm/21#text-9cddad593f73adeac016)

**Latin**

Quem relinquentes castrametati sunt contra Arnon, quæ est in deserto, et prominet in finibus Amorrhæi. Siquidem Arnon terminus est Moab, dividens Moabitas et Amorrhæos.

**English**

This passage has not yet been translated.

[↗](https://missale.online/biblia/en/nm/21#text-77f0bcf628a6b2c6b32a)

**Latin**

Unde dicitur in libro bellorum Domini : Sicut fecit in mari Rubro,
sic faciet in torrentibus Arnon.

**English**

This passage has not yet been translated.

[↗](https://missale.online/biblia/en/nm/21#text-e93f4ea4f81375c9a221)

**Latin**

Scopuli torrentium inclinati sunt, ut requiescerent in Ar,
et recumberent in finibus Moabitarum.

**English**

This passage has not yet been translated.

[↗](https://missale.online/biblia/en/nm/21#text-ad0dbb7caa8136e57bff)

**Latin**

Ex eo loco apparuit puteus, super quo locutus est Dominus ad Moysen : Congrega populum, et dabo ei aquam.

**English**

This passage has not yet been translated.

[↗](https://missale.online/biblia/en/nm/21#text-a344e3eeceed7e93233c)

**Latin**

Tunc cecinit Israël carmen istud : Ascendat puteus. Concinebant :

**English**

This passage has not yet been translated.

[↗](https://missale.online/biblia/en/nm/21#text-292f98d53276b7e92ddb)

**Latin**

Puteus, quem foderunt principes
et paraverunt duces multitudinis
in datore legis, et in baculis suis. De solitudine, Matthana.

**English**

This passage has not yet been translated.

[↗](https://missale.online/biblia/en/nm/21#text-ea8c03b9efa00fc49552)

**Latin**

De Matthana in Nahaliel : de Nahaliel in Bamoth.

**English**

This passage has not yet been translated.

[↗](https://missale.online/biblia/en/nm/21#text-0b9188f9827bc9369014)

**Latin**

De Bamoth, vallis est in regione Moab, in vertice Phasga, quod respicit contra desertum.

**English**

This passage has not yet been translated.

[↗](https://missale.online/biblia/en/nm/21#text-4a377fb8b3ab2ddc2997)

**Latin**

Misit autem Israël nuntios ad Sehon regem Amorrhæorum, dicens :

**English**

This passage has not yet been translated.

[↗](https://missale.online/biblia/en/nm/21#text-558828010cd7e67a3b8c)

**Latin**

Obsecro ut transire mihi liceat per terram tuam : non declinabimus in agros et vineas ; non bibemus aquas ex puteis : via regia gradiemur, donec transeamus terminos tuos.

**English**

This passage has not yet been translated.

[↗](https://missale.online/biblia/en/nm/21#text-ec73ab42682871a72627)

**Latin**

Qui concedere noluit ut transiret Israël per fines suos : quin potius exercitu congregato, egressus est obviam in desertum, et venit in Jasa, pugnavitque contra eum.

**English**

This passage has not yet been translated.

[↗](https://missale.online/biblia/en/nm/21#text-67cd7490abc0fa3b8079)

**Latin**

A quo percussus est in ore gladii, et possessa est terra ejus ab Arnon usque Jeboc, et filios Ammon : quia forti præsidio tenebantur termini Ammonitarum.

**English**

This passage has not yet been translated.

[↗](https://missale.online/biblia/en/nm/21#text-3ac038d6962289bd3c26)

**Latin**

Tulit ergo Israël omnes civitates ejus, et habitavit in urbibus Amorrhæi, in Hesebon scilicet, et viculis ejus.

**English**

This passage has not yet been translated.

[↗](https://missale.online/biblia/en/nm/21#text-2b08b45b7a9fd92ff7f8)

**Latin**

Urbs Hesebon fuit Sehon regis Amorrhæi, qui pugnavit contra regem Moab : et tulit omnem terram, quæ ditionis illius fuerat usque Arnon.

**English**

This passage has not yet been translated.

[↗](https://missale.online/biblia/en/nm/21#text-1b9b77d3fcc49350a3f4)

**Latin**

Idcirco dicitur in proverbio : Venite in Hesebon : ædificetur, et construatur civitas Sehon :

**English**

This passage has not yet been translated.

[↗](https://missale.online/biblia/en/nm/21#text-21478efda9e3bd77c058)

**Latin**

ignis egressus est de Hesebon, flamma de oppido Sehon,
et devoravit Ar Moabitarum, et habitatores excelsorum Arnon.

**English**

This passage has not yet been translated.

[↗](https://missale.online/biblia/en/nm/21#text-66af0bf07849f0763ec9)

**Latin**

Væ tibi Moab ; peristi popule Chamos.
Dedit filios ejus in fugam, et filias in captivitatem regi Amorrhæorum Sehon.

**English**

This passage has not yet been translated.

[↗](https://missale.online/biblia/en/nm/21#text-8ce0bbceaab8ff918d3a)

**Latin**

Jugum ipsorum disperiit ad Hesebon usque Dibon :
lassi pervenerunt in Nophe, et usque Medaba.

**English**

This passage has not yet been translated.

[↗](https://missale.online/biblia/en/nm/21#text-ccc106774904a733b00e)

**Latin**

Habitavit itaque Israël in terra Amorrhæi.

**English**

This passage has not yet been translated.

[↗](https://missale.online/biblia/en/nm/21#text-3885b8fb3f9b0c24fd89)

**Latin**

Misitque Moyses qui explorarent Jazer : cujus ceperunt viculos, et possederunt habitatores.

**English**

This passage has not yet been translated.

[↗](https://missale.online/biblia/en/nm/21#text-578310eff006266469cc)

**Latin**

Verteruntque se, et ascenderunt per viam Basan, et occurrit eis Og, rex Basan, cum omni populo suo, pugnaturus in Edrai.

**English**

This passage has not yet been translated.

[↗](https://missale.online/biblia/en/nm/21#text-fe2917b9f5e3cb90d74f)

**Latin**

Dixitque Dominus ad Moysen : Ne timeas eum, quia in manu tua tradidi illum, et omnem populum ac terram ejus : faciesque illi sicut fecisti Sehon, regi Amorrhæorum habitatori Hesebon.

**English**

This passage has not yet been translated.

[↗](https://missale.online/biblia/en/nm/21#text-79e5363277408edadf4d)

**Latin**

Percusserunt igitur et hunc cum filiis suis, universumque populum ejus usque ad internecionem, et possederunt terram illius.

**English**

This passage has not yet been translated.