# Ruth · 1

> https://missale.online/biblia/en/rt/1

## Verses

[↗](https://missale.online/biblia/en/rt/1#text-738a397ca42f89be3041)

**Latin**

In diebus unius judicis, quando judices præerant, facta est fames in terra. Abiitque homo de Bethlehem Juda, ut peregrinaretur in regione Moabitide cum uxore sua ac duobus liberis.

**English**

This passage has not yet been translated.

[↗](https://missale.online/biblia/en/rt/1#text-a431dc21500084281aad)

**Latin**

Ipse vocabatur Elimelech, et uxor ejus Noëmi : et duo filii, alter Mahalon, et alter Chelion, Ephrathæi de Bethlehem Juda. Ingressique regionem Moabitidem, morabantur ibi.

**English**

This passage has not yet been translated.

[↗](https://missale.online/biblia/en/rt/1#text-51d615e65f2b8ce7b8f8)

**Latin**

Et mortuus est Elimelech maritus Noëmi : remansitque ipsa cum filiis.

**English**

This passage has not yet been translated.

[↗](https://missale.online/biblia/en/rt/1#text-5d4da59ebdbb384b8c9f)

**Latin**

Qui acceperunt uxores Moabitidas, quarum una vocabatur Orpha, altera vero Ruth. Manseruntque ibi decem annis,

**English**

This passage has not yet been translated.

[↗](https://missale.online/biblia/en/rt/1#text-c9a99567837d7d8a5257)

**Latin**

et ambo mortui sunt, Mahalon videlicet et Chelion : remansitque mulier orbata duobus liberis ac marito.

**English**

This passage has not yet been translated.

[↗](https://missale.online/biblia/en/rt/1#text-db8941e9bfe92ba71d70)

**Latin**

Et surrexit ut in patriam pergeret cum utraque nuru sua de regione Moabitide : audierat enim quod respexisset Dominus populum suum, et dedisset eis escas.

**English**

This passage has not yet been translated.

[↗](https://missale.online/biblia/en/rt/1#text-d18c4bffa042bddf03b6)

**Latin**

Egressa est itaque de loco peregrinationis suæ, cum utraque nuru : et jam in via revertendi posita in terram Juda,

**English**

This passage has not yet been translated.

[↗](https://missale.online/biblia/en/rt/1#text-280b739fac2695c16a42)

**Latin**

dixit ad eas : Ite in domum matris vestræ : faciat vobiscum Dominus misericordiam, sicut fecistis cum mortuis, et mecum.

**English**

This passage has not yet been translated.

[↗](https://missale.online/biblia/en/rt/1#text-3dd53cfa29a281509a99)

**Latin**

Det vobis invenire requiem in domibus virorum quos sortituræ estis. Et osculata est eas. Quæ elevata voce flere cœperunt,

**English**

This passage has not yet been translated.

[↗](https://missale.online/biblia/en/rt/1#text-c297fce5deb3b72375f2)

**Latin**

et dicere : Tecum pergemus ad populum tuum.

**English**

This passage has not yet been translated.

[↗](https://missale.online/biblia/en/rt/1#text-44b28169590526f68717)

**Latin**

Quibus illa respondit : Revertimini, filiæ meæ, cur venitis mecum ? num ultra habeo filios in utero meo, ut viros ex me sperare possitis ?

**English**

This passage has not yet been translated.

[↗](https://missale.online/biblia/en/rt/1#text-40022955d80a097e447c)

**Latin**

Revertimini, filiæ meæ, et abite : jam enim senectute confecta sum, nec apta vinculo conjugali : etiamsi possem hac nocte concipere, et parere filios,

**English**

This passage has not yet been translated.

[↗](https://missale.online/biblia/en/rt/1#text-9cddad593f73adeac016)

**Latin**

si eos expectare velitis donec crescant, et annos pubertatis impleant, ante eritis vetulæ quam nubatis. Nolite, quæso, filiæ meæ : quia vestra angustia magis me premit, et egressa est manus Domini contra me.

**English**

This passage has not yet been translated.

[↗](https://missale.online/biblia/en/rt/1#text-77f0bcf628a6b2c6b32a)

**Latin**

Elevata igitur voce, rursum flere cœperunt : Orpha osculata est socrum, ac reversa est ; Ruth adhæsit socrui suæ :

**English**

This passage has not yet been translated.

[↗](https://missale.online/biblia/en/rt/1#text-e93f4ea4f81375c9a221)

**Latin**

cui dixit Noëmi : En reversa est cognata tua ad populum suum, et ad deos suos, vade cum ea.

**English**

This passage has not yet been translated.

[↗](https://missale.online/biblia/en/rt/1#text-ad0dbb7caa8136e57bff)

**Latin**

Quæ respondit : Ne adverseris mihi ut relinquam te et abeam : quocumque enim perrexeris, pergam, et ubi morata fueris, et ego pariter morabor. Populus tuus populus meus, et Deus tuus Deus meus.

**English**

This passage has not yet been translated.

[↗](https://missale.online/biblia/en/rt/1#text-a344e3eeceed7e93233c)

**Latin**

Quæ te terra morientem susceperit, in ea moriar : ibique locum accipiam sepulturæ. Hæc mihi faciat Dominus, et hæc addat, si non sola mors me et te separaverit.

**English**

This passage has not yet been translated.

[↗](https://missale.online/biblia/en/rt/1#text-292f98d53276b7e92ddb)

**Latin**

Videns ergo Noëmi quod obstinato animo Ruth decrevisset secum pergere, adversari noluit, nec ad suos ultra reditum persuadere :

**English**

This passage has not yet been translated.

[↗](https://missale.online/biblia/en/rt/1#text-ea8c03b9efa00fc49552)

**Latin**

profectæque sunt simul, et venerunt in Bethlehem. Quibus urbem ingressis, velox apud cunctos fama percrebruit : dicebantque mulieres : Hæc est illa Noëmi.

**English**

This passage has not yet been translated.

[↗](https://missale.online/biblia/en/rt/1#text-0b9188f9827bc9369014)

**Latin**

Quibus ait : Ne vocetis me Noëmi (id est, pulchram), sed vocate me Mara (id est, amaram), quia amaritudine valde replevit me Omnipotens.

**English**

This passage has not yet been translated.

[↗](https://missale.online/biblia/en/rt/1#text-4a377fb8b3ab2ddc2997)

**Latin**

Egressa sum plena, et vacuam reduxit me Dominus. Cur ergo vocatis me Noëmi, quam Dominus humiliavit, et afflixit Omnipotens ?

**English**

This passage has not yet been translated.

[↗](https://missale.online/biblia/en/rt/1#text-558828010cd7e67a3b8c)

**Latin**

Venit ergo Noëmi cum Ruth Moabitide nuru sua, de terra peregrinationis suæ : ac reversa est in Bethlehem, quando primum hordea metebantur.

**English**

This passage has not yet been translated.