# Ruth · 2

> https://missale.online/biblia/en/rt/2

## Verses

[↗](https://missale.online/biblia/en/rt/2#text-738a397ca42f89be3041)

**Latin**

Erat autem viro Elimelech consanguineus, homo potens, et magnarum opum, nomine Booz.

**English**

This passage has not yet been translated.

[↗](https://missale.online/biblia/en/rt/2#text-a431dc21500084281aad)

**Latin**

Dixitque Ruth Moabitis ad socrum suam : Si jubes, vadam in agrum, et colligam spicas quæ fugerint manus metentium, ubicumque clementis in me patrisfamilias reperero gratiam. Cui illa respondit : Vade, filia mea.

**English**

This passage has not yet been translated.

[↗](https://missale.online/biblia/en/rt/2#text-51d615e65f2b8ce7b8f8)

**Latin**

Abiit itaque et colligebat spicas post terga metentium. Accidit autem ut ager ille haberet dominum nomine Booz, qui erat de cognatione Elimelech.

**English**

This passage has not yet been translated.

[↗](https://missale.online/biblia/en/rt/2#text-5d4da59ebdbb384b8c9f)

**Latin**

Et ecce, ipse veniebat de Bethlehem, dixitque messoribus : Dominus vobiscum. Qui responderunt ei : Benedicat tibi Dominus.

**English**

This passage has not yet been translated.

[↗](https://missale.online/biblia/en/rt/2#text-c9a99567837d7d8a5257)

**Latin**

Dixitque Booz juveni, qui messoribus præerat : Cujus est hæc puella ?

**English**

This passage has not yet been translated.

[↗](https://missale.online/biblia/en/rt/2#text-db8941e9bfe92ba71d70)

**Latin**

Cui respondit : Hæc est Moabitis, quæ venit cum Noëmi, de regione Moabitide,

**English**

This passage has not yet been translated.

[↗](https://missale.online/biblia/en/rt/2#text-d18c4bffa042bddf03b6)

**Latin**

et rogavit ut spicas colligeret remanentes, sequens messorum vestigia : et de mane usque nunc stat in agro, et ne ad momentum quidem domum reversa est.

**English**

This passage has not yet been translated.

[↗](https://missale.online/biblia/en/rt/2#text-280b739fac2695c16a42)

**Latin**

Et ait Booz ad Ruth : Audi, filia, ne vadas in alterum agrum ad colligendum, nec recedas ab hoc loco : sed jungere puellis meis,

**English**

This passage has not yet been translated.

[↗](https://missale.online/biblia/en/rt/2#text-3dd53cfa29a281509a99)

**Latin**

et ubi messuerint, sequere. Mandavi enim pueris meis, ut nemo molestus sit tibi : sed etiam si sitieris, vade ad sarcinulas, et bibe aquas, de quibus et pueri bibunt.

**English**

This passage has not yet been translated.

[↗](https://missale.online/biblia/en/rt/2#text-c297fce5deb3b72375f2)

**Latin**

Quæ cadens in faciem suam et adorans super terram, dixit ad eum : Unde mihi hoc, ut invenirem gratiam ante oculos tuos, et nosse me dignareris peregrinam mulierem ?

**English**

This passage has not yet been translated.

[↗](https://missale.online/biblia/en/rt/2#text-44b28169590526f68717)

**Latin**

Cui ille respondit : Nuntiata sunt mihi omnia quæ feceris socrui tuæ post mortem viri tui : et quod reliqueris parentes tuos, et terram in qua nata es, et veneris ad populum, quem antea nesciebas.

**English**

This passage has not yet been translated.

[↗](https://missale.online/biblia/en/rt/2#text-40022955d80a097e447c)

**Latin**

Reddat tibi Dominus pro opere tuo, et plenam mercedem recipias a Domino Deo Israël, ad quem venisti, et sub cujus confugisti alas.

**English**

This passage has not yet been translated.

[↗](https://missale.online/biblia/en/rt/2#text-9cddad593f73adeac016)

**Latin**

Quæ ait : Inveni gratiam apud oculos tuos, domine mi, qui consolatus es me, et locutus es ad cor ancillæ tuæ, quæ non sum similis unius puellarum tuarum.

**English**

This passage has not yet been translated.

[↗](https://missale.online/biblia/en/rt/2#text-77f0bcf628a6b2c6b32a)

**Latin**

Dixitque ad eam Booz : Quando hora vescendi fuerit, veni huc, et comede panem, et intinge buccellam tuam in aceto. Sedit itaque ad messorum latus, et congessit polentam sibi, comeditque et saturata est, et tulit reliquias.

**English**

This passage has not yet been translated.

[↗](https://missale.online/biblia/en/rt/2#text-e93f4ea4f81375c9a221)

**Latin**

Atque inde surrexit, ut spicas ex more colligeret. Præcepit autem Booz pueris suis, dicens : Etiamsi vobiscum metere voluerit, ne prohibeatis eam :

**English**

This passage has not yet been translated.

[↗](https://missale.online/biblia/en/rt/2#text-ad0dbb7caa8136e57bff)

**Latin**

et de vestris quoque manipulis projicite de industria, et remanere permittite, ut absque rubore colligat, et colligentem nemo corripiat.

**English**

This passage has not yet been translated.

[↗](https://missale.online/biblia/en/rt/2#text-a344e3eeceed7e93233c)

**Latin**

Collegit ergo in agro usque ad vesperam : et quæ collegerat virga cædens et excutiens, invenit hordei quasi ephi mensuram, id est, tres modios.

**English**

This passage has not yet been translated.

[↗](https://missale.online/biblia/en/rt/2#text-292f98d53276b7e92ddb)

**Latin**

Quos portans reversa est in civitatem, et ostendit socrui suæ : insuper protulit, et dedit ei de reliquiis cibi sui, quo saturata fuerat.

**English**

This passage has not yet been translated.

[↗](https://missale.online/biblia/en/rt/2#text-ea8c03b9efa00fc49552)

**Latin**

Dixitque ei socrus sua : Ubi hodie collegisti, et ubi fecisti opus ? sit benedictus qui misertus est tui. Indicavitque ei apud quem fuisset operata : et nomen dixit viri, quod Booz vocaretur.

**English**

This passage has not yet been translated.

[↗](https://missale.online/biblia/en/rt/2#text-0b9188f9827bc9369014)

**Latin**

Cui respondit Noëmi : Benedictus sit a Domino : quoniam eamdem gratiam, quam præbuerat vivis, servavit et mortuis. Rursumque ait : Propinquus noster est homo.

**English**

This passage has not yet been translated.

[↗](https://missale.online/biblia/en/rt/2#text-4a377fb8b3ab2ddc2997)

**Latin**

Et ait Ruth : Hoc quoque, inquit, præcepit mihi, ut tamdiu messoribus ejus jungerer, donec omnes segetes meterentur.

**English**

This passage has not yet been translated.

[↗](https://missale.online/biblia/en/rt/2#text-558828010cd7e67a3b8c)

**Latin**

Cui dixit socrus : Melius est, filia mea, ut cum puellis ejus exeas ad metendum, ne in alieno agro quispiam resistat tibi.

**English**

This passage has not yet been translated.

[↗](https://missale.online/biblia/en/rt/2#text-ec73ab42682871a72627)

**Latin**

Juncta est itaque puellis Booz : et tamdiu cum eis messuit, donec hordea et triticum in horreis conderentur.

**English**

This passage has not yet been translated.