# Sirach · 1

> https://missale.online/biblia/en/sir/1

## Verses

[↗](https://missale.online/biblia/en/sir/1#text-738a397ca42f89be3041)

**Latin**

Prologus:
Multorum nobis et magnorum per legem, et prophetas, aliosque qui secuti sunt illos, sapientia demonstrata est, in quibus oportet laudare Israël doctrinæ et sapientiæ causa, quia non solum ipsos loquentes necesse est esse peritos, sed etiam extraneos posse et dicentes et scribentes doctissimos fieri. Avus meus Jesus, postquam se amplius dedit ad diligentiam lectionis legis, et prophetarum, et aliorum librorum qui nobis a parentibus nostris traditi sunt, voluit et ipse scribere aliquid horum quæ ad doctrinam et sapientiam pertinent, ut desiderantes discere, et illorum periti facti, magis magisque attendant animo, et confirmentur ad legitimam vitam. Hortor itaque venire vos cum benevolentia, et attentiori studio lectionem facere, et veniam habere in illis, in quibus videmur, sequentes imaginem sapientiæ, deficere in verborum compositione. Nam deficiunt verba hebraica, quando fuerint translata ad alteram linguam : non autem solum hæc, sed et ipsa lex, et prophetæ, ceteraque aliorum librorum non parvam habent differentiam quando inter se dicuntur. Nam in octavo et trigesimo anno temporibus Ptolemæi Evergetis regis, postquam perveni in Ægyptum, et cum multum temporis ibi fuissem, inveni ibi libros relictos, non parvæ neque contemnendæ doctrinæ. Itaque bonum et necessarium putavi et ipse aliquam addere diligentiam et laborem interpretandi librum istum : et multa vigilia attuli doctrinam in spatio temporis, ad illa quæ ad finem ducunt, librum istum dare, et illis qui volunt animum intendere, et discere quemadmodum oporteat instituere mores, qui secundum legem Domini proposuerint vitam agere. Omnis sapientia a Domino Deo est :
et cum illo fuit semper, et est ante ævum.

**English**

This passage has not yet been translated.

[↗](https://missale.online/biblia/en/sir/1#text-a431dc21500084281aad)

**Latin**

Arenam maris, et pluviæ guttas,
et dies sæculi, quis dinumeravit ?
altitudinem cæli, et latitudinem terræ,
et profundum abyssi, quis dimensus est ?

**English**

This passage has not yet been translated.

[↗](https://missale.online/biblia/en/sir/1#text-51d615e65f2b8ce7b8f8)

**Latin**

sapientiam Dei præcedentem omnia, quis investigavit ?

**English**

This passage has not yet been translated.

[↗](https://missale.online/biblia/en/sir/1#text-5d4da59ebdbb384b8c9f)

**Latin**

Prior omnium creata est sapientia,
et intellectus prudentiæ ab ævo.

**English**

This passage has not yet been translated.

[↗](https://missale.online/biblia/en/sir/1#text-c9a99567837d7d8a5257)

**Latin**

Fons sapientiæ verbum Dei in excelsis,
et ingressus illius mandata æterna.

**English**

This passage has not yet been translated.

[↗](https://missale.online/biblia/en/sir/1#text-db8941e9bfe92ba71d70)

**Latin**

Radix sapientiæ cui revelata est ?
et astutias illius quis agnovit ?

**English**

This passage has not yet been translated.

[↗](https://missale.online/biblia/en/sir/1#text-d18c4bffa042bddf03b6)

**Latin**

disciplina sapientiæ cui revelata est et manifestata ?
et multiplicationem ingressus illius quis intellexit ?

**English**

This passage has not yet been translated.

[↗](https://missale.online/biblia/en/sir/1#text-280b739fac2695c16a42)

**Latin**

Unus est altissimus, Creator omnipotens,
et rex potens et metuendus nimis,
sedens super thronum illius, et dominans Deus.

**English**

This passage has not yet been translated.

[↗](https://missale.online/biblia/en/sir/1#text-3dd53cfa29a281509a99)

**Latin**

Ipse creavit illam in Spiritu Sancto,
et vidit, et dinumeravit, et mensus est :

**English**

This passage has not yet been translated.

[↗](https://missale.online/biblia/en/sir/1#text-c297fce5deb3b72375f2)

**Latin**

et effudit illam super omnia opera sua,
et super omnem carnem, secundum datum suum,
et præbuit illam diligentibus se.

**English**

This passage has not yet been translated.

[↗](https://missale.online/biblia/en/sir/1#text-44b28169590526f68717)

**Latin**

Timor Domini gloria, et gloriatio,
et lætitia, et corona exsultationis.

**English**

This passage has not yet been translated.

[↗](https://missale.online/biblia/en/sir/1#text-40022955d80a097e447c)

**Latin**

Timor Domini delectabit cor,
et dabit lætitiam, et gaudium, et longitudinem dierum.

**English**

This passage has not yet been translated.

[↗](https://missale.online/biblia/en/sir/1#text-9cddad593f73adeac016)

**Latin**

Timenti Dominum bene erit in extremis,
et in die defunctionis suæ benedicetur.

**English**

This passage has not yet been translated.

[↗](https://missale.online/biblia/en/sir/1#text-77f0bcf628a6b2c6b32a)

**Latin**

Dilectio Dei honorabilis sapientia :

**English**

This passage has not yet been translated.

[↗](https://missale.online/biblia/en/sir/1#text-e93f4ea4f81375c9a221)

**Latin**

quibus autem apparuerit in visu diligunt eam in visione,
et in agnitione magnalium suorum.

**English**

This passage has not yet been translated.

[↗](https://missale.online/biblia/en/sir/1#text-ad0dbb7caa8136e57bff)

**Latin**

Initium sapientiæ timor Domini :
et cum fidelibus in vulva concreatus est :
cum electis feminis graditur,
et cum justis et fidelibus agnoscitur.

**English**

This passage has not yet been translated.

[↗](https://missale.online/biblia/en/sir/1#text-a344e3eeceed7e93233c)

**Latin**

Timor Domini scientiæ religiositas :

**English**

This passage has not yet been translated.

[↗](https://missale.online/biblia/en/sir/1#text-292f98d53276b7e92ddb)

**Latin**

religiositas custodiet et justificabit cor ;
jucunditatem atque gaudium dabit.

**English**

This passage has not yet been translated.

[↗](https://missale.online/biblia/en/sir/1#text-ea8c03b9efa00fc49552)

**Latin**

Timenti Dominum bene erit,
et in diebus consummationis illius benedicetur.

**English**

This passage has not yet been translated.

[↗](https://missale.online/biblia/en/sir/1#text-0b9188f9827bc9369014)

**Latin**

Plenitudo sapientiæ est timere Deum,
et plenitudo a fructibus illius.

**English**

This passage has not yet been translated.

[↗](https://missale.online/biblia/en/sir/1#text-4a377fb8b3ab2ddc2997)

**Latin**

Omnem domum illius implebit a generationibus,
et receptacula a thesauris illius.

**English**

This passage has not yet been translated.

[↗](https://missale.online/biblia/en/sir/1#text-558828010cd7e67a3b8c)

**Latin**

Corona sapientiæ timor Domini,
replens pacem et salutis fructum :

**English**

This passage has not yet been translated.

[↗](https://missale.online/biblia/en/sir/1#text-ec73ab42682871a72627)

**Latin**

et vidit, et dinumeravit eam :
utraque autem sunt dona Dei.

**English**

This passage has not yet been translated.

[↗](https://missale.online/biblia/en/sir/1#text-67cd7490abc0fa3b8079)

**Latin**

Scientiam et intellectum prudentiæ sapientia compartietur,
et gloriam tenentium se exaltat.

**English**

This passage has not yet been translated.

[↗](https://missale.online/biblia/en/sir/1#text-3ac038d6962289bd3c26)

**Latin**

Radix sapientiæ est timere Dominum,
et rami illius longævi.

**English**

This passage has not yet been translated.

[↗](https://missale.online/biblia/en/sir/1#text-2b08b45b7a9fd92ff7f8)

**Latin**

In thesauris sapientiæ intellectus et scientiæ religiositas :
execratio autem peccatoribus sapientia.

**English**

This passage has not yet been translated.

[↗](https://missale.online/biblia/en/sir/1#text-1b9b77d3fcc49350a3f4)

**Latin**

Timor Domini expellit peccatum :

**English**

This passage has not yet been translated.

[↗](https://missale.online/biblia/en/sir/1#text-21478efda9e3bd77c058)

**Latin**

nam qui sine timore est non poterit justificari :
iracundia enim animositatis illius subversio illius est.

**English**

This passage has not yet been translated.

[↗](https://missale.online/biblia/en/sir/1#text-66af0bf07849f0763ec9)

**Latin**

Usque in tempus sustinebit patiens,
et postea redditio jucunditatis.

**English**

This passage has not yet been translated.

[↗](https://missale.online/biblia/en/sir/1#text-8ce0bbceaab8ff918d3a)

**Latin**

Bonus sensus usque in tempus abscondet verba illius,
et labia multorum enarrabunt sensum illius.

**English**

This passage has not yet been translated.

[↗](https://missale.online/biblia/en/sir/1#text-ccc106774904a733b00e)

**Latin**

In thesauris sapientiæ significatio disciplinæ :

**English**

This passage has not yet been translated.

[↗](https://missale.online/biblia/en/sir/1#text-3885b8fb3f9b0c24fd89)

**Latin**

execratio autem peccatori cultura Dei.

**English**

This passage has not yet been translated.

[↗](https://missale.online/biblia/en/sir/1#text-578310eff006266469cc)

**Latin**

Fili, concupiscens sapientiam, conserva justitiam,
et Deus præbebit illam tibi.

**English**

This passage has not yet been translated.

[↗](https://missale.online/biblia/en/sir/1#text-fe2917b9f5e3cb90d74f)

**Latin**

Sapientia enim et disciplina timor Domini :
et quod beneplacitum est illi,

**English**

This passage has not yet been translated.

[↗](https://missale.online/biblia/en/sir/1#text-79e5363277408edadf4d)

**Latin**

fides et mansuetudo,
et adimplebit thesauros illius.

**English**

This passage has not yet been translated.

[↗](https://missale.online/biblia/en/sir/1#text-5f3b65a9d805032a9ee2)

**Latin**

Ne sis incredibilis timori Domini,
et ne accesseris ad illum duplici corde.

**English**

This passage has not yet been translated.

[↗](https://missale.online/biblia/en/sir/1#text-762d295fd73e6f7c5976)

**Latin**

Ne fueris hypocrita in conspectu hominum,
et non scandalizeris in labiis tuis.

**English**

This passage has not yet been translated.

[↗](https://missale.online/biblia/en/sir/1#text-cda9e96bec793da3010d)

**Latin**

Attende in illis, ne forte cadas,
et adducas animæ tuæ inhonorationem :

**English**

This passage has not yet been translated.

[↗](https://missale.online/biblia/en/sir/1#text-c9ba0458566bc71ea2f2)

**Latin**

et revelet Deus absconsa tua,
et in medio synagogæ elidat te :

**English**

This passage has not yet been translated.

[↗](https://missale.online/biblia/en/sir/1#text-0a338341cf79beb16c8c)

**Latin**

quoniam accessisti maligne ad Dominum,
et cor tuum plenum est dolo et fallacia.

**English**

This passage has not yet been translated.