# Klaagliederen · 2

> https://missale.online/biblia/nl/lam/2

## Verzen

[↗](https://missale.online/biblia/nl/lam/2#text-738a397ca42f89be3041)

**Latijn**

Aleph:
Quomodo obtexit caligine in furore suo
Dominus filiam Sion ;
projecit de cælo in terram
inclytam Israël,
et non est recordatus scabelli pedum suorum
in die furoris sui !

**Nederlands**

Deze passage is nog niet vertaald.

[↗](https://missale.online/biblia/nl/lam/2#text-a431dc21500084281aad)

**Latijn**

Beth:
Præcipitavit Dominus, nec pepercit
omnia speciosa Jacob :
destruxit in furore suo
munitiones virginis Juda,
et dejecit in terram ;
polluit regnum et principes ejus.

**Nederlands**

Deze passage is nog niet vertaald.

[↗](https://missale.online/biblia/nl/lam/2#text-51d615e65f2b8ce7b8f8)

**Latijn**

Ghimel:
Confregit in ira furoris sui
omne cornu Israël ;
avertit retrorsum dexteram suam
a facie inimici,
et succendit in Jacob quasi ignem
flammæ devorantis in gyro.

**Nederlands**

Deze passage is nog niet vertaald.

[↗](https://missale.online/biblia/nl/lam/2#text-5d4da59ebdbb384b8c9f)

**Latijn**

Daleth:
Tetendit arcum suum quasi inimicus,
firmavit dexteram suam quasi hostis,
et occidit omne quod pulchrum erat visu
in tabernaculo filiæ Sion ;
effudit quasi ignem
indignationem suam.

**Nederlands**

Deze passage is nog niet vertaald.

[↗](https://missale.online/biblia/nl/lam/2#text-c9a99567837d7d8a5257)

**Latijn**

He:
Factus est Dominus velut inimicus,
præcipitavit Israël :
præcipitavit omnia mœnia ejus,
dissipavit munitiones ejus,
et replevit in filia Juda
humiliatum et humiliatam.

**Nederlands**

Deze passage is nog niet vertaald.

[↗](https://missale.online/biblia/nl/lam/2#text-db8941e9bfe92ba71d70)

**Latijn**

Vau:
Et dissipavit quasi hortum tentorium suum ;
demolitus est tabernaculum suum.
Oblivioni tradidit Dominus in Sion
festivitatem et sabbatum ;
et in opprobrium, et in indignationem furoris sui,
regem et sacerdotem.

**Nederlands**

Deze passage is nog niet vertaald.

[↗](https://missale.online/biblia/nl/lam/2#text-d18c4bffa042bddf03b6)

**Latijn**

Zain:
Repulit Dominus altare suum ;
maledixit sanctificationi suæ :
tradidit in manu inimici
muros turrium ejus.
Vocem dederunt in domo Domini
sicut in die solemni.

**Nederlands**

Deze passage is nog niet vertaald.

[↗](https://missale.online/biblia/nl/lam/2#text-280b739fac2695c16a42)

**Latijn**

Heth:
Cogitavit Dominus dissipare
murum filiæ Sion ;
tetendit funiculum suum,
et non avertit manum suam a perditione :
luxitque antemurale,
et murus pariter dissipatus est.

**Nederlands**

Deze passage is nog niet vertaald.

[↗](https://missale.online/biblia/nl/lam/2#text-3dd53cfa29a281509a99)

**Latijn**

Teth:
Defixæ sunt in terra portæ ejus,
perdidit et contrivit vectes ejus ;
regem ejus et principes ejus in gentibus :
non est lex,
et prophetæ ejus non invenerunt
visionem a Domino.

**Nederlands**

Deze passage is nog niet vertaald.

[↗](https://missale.online/biblia/nl/lam/2#text-c297fce5deb3b72375f2)

**Latijn**

Jod:
Sederunt in terra, conticuerunt
senes filiæ Sion ;
consperserunt cinere capita sua,
accincti sunt ciliciis :
abjecerunt in terram capita sua
virgines Jerusalem.

**Nederlands**

Deze passage is nog niet vertaald.

[↗](https://missale.online/biblia/nl/lam/2#text-44b28169590526f68717)

**Latijn**

Caph:
Defecerunt præ lacrimis oculi mei,
conturbata sunt viscera mea ;
effusum est in terra jecur meum
super contritione filiæ populi mei,
cum deficeret parvulus et lactens
in plateis oppidi.

**Nederlands**

Deze passage is nog niet vertaald.

[↗](https://missale.online/biblia/nl/lam/2#text-40022955d80a097e447c)

**Latijn**

Lamed:
Matribus suis dixerunt :
Ubi est triticum et vinum ?
cum deficerent quasi vulnerati
in plateis civitatis,
cum exhalarent animas suas
in sinu matrum suarum.

**Nederlands**

Deze passage is nog niet vertaald.

[↗](https://missale.online/biblia/nl/lam/2#text-9cddad593f73adeac016)

**Latijn**

Mem:
Cui comparabo te, vel cui assimilabo te,
filia Jerusalem ?
cui exæquabo te, et consolabor te,
virgo, filia Sion ?
magna est enim velut mare contritio tua :
quis medebitur tui ?

**Nederlands**

Deze passage is nog niet vertaald.

[↗](https://missale.online/biblia/nl/lam/2#text-77f0bcf628a6b2c6b32a)

**Latijn**

Nun:
Prophetæ tui viderunt tibi
falsa et stulta ;
nec aperiebant iniquitatem tuam,
ut te ad pœnitentiam provocarent ;
viderunt autem tibi assumptiones falsas,
et ejectiones.

**Nederlands**

Deze passage is nog niet vertaald.

[↗](https://missale.online/biblia/nl/lam/2#text-e93f4ea4f81375c9a221)

**Latijn**

Samech:
Plauserunt super te manibus
omnes transeuntes per viam ;
sibilaverunt et moverunt caput suum
super filiam Jerusalem :
Hæccine est urbs, dicentes, perfecti decoris,
gaudium universæ terræ ?

**Nederlands**

Deze passage is nog niet vertaald.

[↗](https://missale.online/biblia/nl/lam/2#text-ad0dbb7caa8136e57bff)

**Latijn**

Phe:
Aperuerunt super te os suum
omnes inimici tui :
sibilaverunt, et fremuerunt dentibus,
et dixerunt : Devorabimus :
en ista est dies quam exspectabamus ;
invenimus, vidimus.

**Nederlands**

Deze passage is nog niet vertaald.

[↗](https://missale.online/biblia/nl/lam/2#text-a344e3eeceed7e93233c)

**Latijn**

Ain:
Fecit Dominus quæ cogitavit ;
complevit sermonem suum,
quem præceperat a diebus antiquis :
destruxit, et non pepercit,
et lætificavit super te inimicum,
et exaltavit cornu hostium tuorum.

**Nederlands**

Deze passage is nog niet vertaald.

[↗](https://missale.online/biblia/nl/lam/2#text-292f98d53276b7e92ddb)

**Latijn**

Sade:
Clamavit cor eorum ad Dominum
super muros filiæ Sion :
Deduc quasi torrentem lacrimas
per diem et noctem ;
non des requiem tibi,
neque taceat pupilla oculi tui.

**Nederlands**

Deze passage is nog niet vertaald.

[↗](https://missale.online/biblia/nl/lam/2#text-ea8c03b9efa00fc49552)

**Latijn**

Coph:
Consurge, lauda in nocte,
in principio vigiliarum ;
effunde sicut aquam cor tuum
ante conspectum Domini :
leva ad eum manus tuas
pro anima parvulorum tuorum,
qui defecerunt in fame
in capite omnium compitorum.

**Nederlands**

Deze passage is nog niet vertaald.

[↗](https://missale.online/biblia/nl/lam/2#text-0b9188f9827bc9369014)

**Latijn**

Res:
Vide, Domine, et considera
quem vindemiaveris ita.
Ergone comedent mulieres fructum suum,
parvulos ad mensuram palmæ ?
si occiditur in sanctuario Domini
sacerdos et propheta ?

**Nederlands**

Deze passage is nog niet vertaald.

[↗](https://missale.online/biblia/nl/lam/2#text-4a377fb8b3ab2ddc2997)

**Latijn**

Sin:
Jacuerunt in terra foris
puer et senex ;
virgines meæ et juvenes mei
ceciderunt in gladio :
interfecisti in die furoris tui,
percussisti, nec misertus es.

**Nederlands**

Deze passage is nog niet vertaald.

[↗](https://missale.online/biblia/nl/lam/2#text-558828010cd7e67a3b8c)

**Latijn**

Thau:
Vocasti quasi ad diem solemnem,
qui terrerent me de circuitu ;
et non fuit in die furoris Domini qui effugeret,
et relinqueretur :
quos educavi et enutrivi,
inimicus meus consumpsit eos.

**Nederlands**

Deze passage is nog niet vertaald.