# Matteüs · 2

> https://missale.online/biblia/nl/mt/2

## Verzen

[↗](https://missale.online/biblia/nl/mt/2#text-738a397ca42f89be3041)

**Latijn**

Cum ergo natus esset Jesus in Bethlehem Juda in diebus Herodis regis, ecce magi ab oriente venerunt Jerosolymam,

**Nederlands**

Deze passage is nog niet vertaald.

[↗](https://missale.online/biblia/nl/mt/2#text-a431dc21500084281aad)

**Latijn**

dicentes : Ubi est qui natus est rex Judæorum ? vidimus enim stellam ejus in oriente, et venimus adorare eum.

**Nederlands**

Deze passage is nog niet vertaald.

[↗](https://missale.online/biblia/nl/mt/2#text-51d615e65f2b8ce7b8f8)

**Latijn**

Audiens autem Herodes rex, turbatus est, et omnis Jerosolyma cum illo.

**Nederlands**

Deze passage is nog niet vertaald.

[↗](https://missale.online/biblia/nl/mt/2#text-5d4da59ebdbb384b8c9f)

**Latijn**

Et congregans omnes principes sacerdotum, et scribas populi, sciscitabatur ab eis ubi Christus nasceretur.

**Nederlands**

Deze passage is nog niet vertaald.

[↗](https://missale.online/biblia/nl/mt/2#text-c9a99567837d7d8a5257)

**Latijn**

At illi dixerunt : In Bethlehem Judæ : sic enim scriptum est per prophetam :

**Nederlands**

Deze passage is nog niet vertaald.

[↗](https://missale.online/biblia/nl/mt/2#text-db8941e9bfe92ba71d70)

**Latijn**

Et tu Bethlehem terra Juda,
nequaquam minima es
in principibus Juda :
ex te enim exiet dux, qui regat populum meum Israël.

**Nederlands**

Deze passage is nog niet vertaald.

[↗](https://missale.online/biblia/nl/mt/2#text-d18c4bffa042bddf03b6)

**Latijn**

Tunc Herodes clam vocatis magis diligenter didicit ab eis tempus stellæ, quæ apparuit eis :

**Nederlands**

Deze passage is nog niet vertaald.

[↗](https://missale.online/biblia/nl/mt/2#text-280b739fac2695c16a42)

**Latijn**

et mittens illos in Bethlehem, dixit : Ite, et interrogate diligenter de puero : et cum inveneritis, renuntiate mihi, ut et ego veniens adorem eum.

**Nederlands**

Deze passage is nog niet vertaald.

[↗](https://missale.online/biblia/nl/mt/2#text-3dd53cfa29a281509a99)

**Latijn**

Qui cum audissent regem, abierunt, et ecce stella, quam viderant in oriente, antecedebat eos, usque dum veniens staret supra, ubi erat puer.

**Nederlands**

Deze passage is nog niet vertaald.

[↗](https://missale.online/biblia/nl/mt/2#text-c297fce5deb3b72375f2)

**Latijn**

Videntes autem stellam gavisi sunt gaudio magno valde.

**Nederlands**

Deze passage is nog niet vertaald.

[↗](https://missale.online/biblia/nl/mt/2#text-44b28169590526f68717)

**Latijn**

Et intrantes domum, invenerunt puerum cum Maria matre ejus, et procidentes adoraverunt eum : et apertis thesauris suis obtulerunt ei munera, aurum, thus, et myrrham.

**Nederlands**

Deze passage is nog niet vertaald.

[↗](https://missale.online/biblia/nl/mt/2#text-40022955d80a097e447c)

**Latijn**

Et responso accepto in somnis ne redirent ad Herodem, per aliam viam reversi sunt in regionem suam.

**Nederlands**

Deze passage is nog niet vertaald.

[↗](https://missale.online/biblia/nl/mt/2#text-9cddad593f73adeac016)

**Latijn**

Qui cum recessissent, ecce angelus Domini apparuit in somnis Joseph, dicens : Surge, et accipe puerum, et matrem ejus, et fuge in Ægyptum, et esto ibi usque dum dicam tibi. Futurum est enim ut Herodes quærat puerum ad perdendum eum.

**Nederlands**

Deze passage is nog niet vertaald.

[↗](https://missale.online/biblia/nl/mt/2#text-77f0bcf628a6b2c6b32a)

**Latijn**

Qui consurgens accepit puerum et matrem ejus nocte, et secessit in Ægyptum :

**Nederlands**

Deze passage is nog niet vertaald.

[↗](https://missale.online/biblia/nl/mt/2#text-e93f4ea4f81375c9a221)

**Latijn**

et erat ibi usque ad obitum Herodis : ut adimpleretur quod dictum est a Domino per prophetam dicentem : Ex Ægypto vocavi filium meum.

**Nederlands**

Deze passage is nog niet vertaald.

[↗](https://missale.online/biblia/nl/mt/2#text-ad0dbb7caa8136e57bff)

**Latijn**

Tunc Herodes videns quoniam illusus esset a magis, iratus est valde, et mittens occidit omnes pueros, qui erant in Bethlehem, et in omnibus finibus ejus, a bimatu et infra secundum tempus, quod exquisierat a magis.

**Nederlands**

Deze passage is nog niet vertaald.

[↗](https://missale.online/biblia/nl/mt/2#text-a344e3eeceed7e93233c)

**Latijn**

Tunc adimpletum est quod dictum est per Jeremiam prophetam dicentem :

**Nederlands**

Deze passage is nog niet vertaald.

[↗](https://missale.online/biblia/nl/mt/2#text-292f98d53276b7e92ddb)

**Latijn**

Vox in Rama audita est
ploratus, et ululatus multus :
Rachel plorans filios suos,
et noluit consolari, quia non sunt.

**Nederlands**

Deze passage is nog niet vertaald.

[↗](https://missale.online/biblia/nl/mt/2#text-ea8c03b9efa00fc49552)

**Latijn**

Defuncto autem Herode, ecce angelus Domini apparuit in somnis Joseph in Ægypto,

**Nederlands**

Deze passage is nog niet vertaald.

[↗](https://missale.online/biblia/nl/mt/2#text-0b9188f9827bc9369014)

**Latijn**

dicens : Surge, et accipe puerum, et matrem ejus, et vade in terram Israël : defuncti sunt enim qui quærebant animam pueri.

**Nederlands**

Deze passage is nog niet vertaald.

[↗](https://missale.online/biblia/nl/mt/2#text-4a377fb8b3ab2ddc2997)

**Latijn**

Qui consurgens, accepit puerum, et matrem ejus, et venit in terram Israël.

**Nederlands**

Deze passage is nog niet vertaald.

[↗](https://missale.online/biblia/nl/mt/2#text-558828010cd7e67a3b8c)

**Latijn**

Audiens autem quod Archelaus regnaret in Judæa pro Herode patre suo, timuit illo ire : et admonitus in somnis, secessit in partes Galilææ.

**Nederlands**

Deze passage is nog niet vertaald.

[↗](https://missale.online/biblia/nl/mt/2#text-ec73ab42682871a72627)

**Latijn**

Et veniens habitavit in civitate quæ vocatur Nazareth : ut adimpleretur quod dictum est per prophetas : Quoniam Nazaræus vocabitur.

**Nederlands**

Deze passage is nog niet vertaald.