# Tobit · 10

> https://missale.online/biblia/nl/tob/10

## Verzen

[↗](https://missale.online/biblia/nl/tob/10#text-738a397ca42f89be3041)

**Latijn**

Cum vero moras faceret Tobias, causa nuptiarum, sollicitus erat pater ejus Tobias, dicens : Putas quare moratur filius meus, aut quare detentus est ibi ?

**Nederlands**

Deze passage is nog niet vertaald.

[↗](https://missale.online/biblia/nl/tob/10#text-a431dc21500084281aad)

**Latijn**

Putasne Gabelus mortuus est, et nemo reddet illi pecuniam ?

**Nederlands**

Deze passage is nog niet vertaald.

[↗](https://missale.online/biblia/nl/tob/10#text-51d615e65f2b8ce7b8f8)

**Latijn**

Cœpit autem contristari nimis ipse, et Anna uxor ejus cum eo : et cœperunt ambo simul flere, eo quod die statuto minime reverteretur filius eorum ad eos.

**Nederlands**

Deze passage is nog niet vertaald.

[↗](https://missale.online/biblia/nl/tob/10#text-5d4da59ebdbb384b8c9f)

**Latijn**

Flebat igitur mater ejus irremediabilibus lacrimis, atque dicebat : Heu, heu me, fili mi ! ut quid te misimus peregrinari, lumen oculorum nostrorum, baculum senectutis nostræ, solatium vitæ nostræ, spem posteritatis nostræ ?

**Nederlands**

Deze passage is nog niet vertaald.

[↗](https://missale.online/biblia/nl/tob/10#text-c9a99567837d7d8a5257)

**Latijn**

omnia simul in te uno habentes, te non debuimus dimittere a nobis.

**Nederlands**

Deze passage is nog niet vertaald.

[↗](https://missale.online/biblia/nl/tob/10#text-db8941e9bfe92ba71d70)

**Latijn**

Cui dicebat Tobias : Tace, et noli turbari : sanus est filius noster : satis fidelis est vir ille, cum quo misimus eum.

**Nederlands**

Deze passage is nog niet vertaald.

[↗](https://missale.online/biblia/nl/tob/10#text-d18c4bffa042bddf03b6)

**Latijn**

Illa autem nullo modo consolari poterat, sed quotidie exiliens circumspiciebat, et circuibat vias omnes per quas spes remeandi videbatur, ut procul videret eum, si fieri posset, venientem.

**Nederlands**

Deze passage is nog niet vertaald.

[↗](https://missale.online/biblia/nl/tob/10#text-280b739fac2695c16a42)

**Latijn**

At vero Raguel dicebat ad generum suum : Mane hic, et ego mittam nuntium salutis de te ad Tobiam patrem tuum.

**Nederlands**

Deze passage is nog niet vertaald.

[↗](https://missale.online/biblia/nl/tob/10#text-3dd53cfa29a281509a99)

**Latijn**

Cui Tobias ait : Ego novi quia pater meus et mater mea modo dies computant, et cruciatur spiritus eorum in ipsis.

**Nederlands**

Deze passage is nog niet vertaald.

[↗](https://missale.online/biblia/nl/tob/10#text-c297fce5deb3b72375f2)

**Latijn**

Cumque verbis multis rogaret Raguel Tobiam, et ille eum nulla ratione vellet audire, tradidit ei Saram, et dimidiam partem omnis substantiæ suæ in pueris, in puellis, in pecudibus, in camelis, et in vaccis, et in pecunia multa : et salvum atque gaudentem dimisit eum a se,

**Nederlands**

Deze passage is nog niet vertaald.

[↗](https://missale.online/biblia/nl/tob/10#text-44b28169590526f68717)

**Latijn**

dicens : Angelus Domini sanctus sit in itinere vestro, perducatque vos incolumes, et inveniatis omnia recte circa parentes vestros, et videant oculi mei filios vestros priusquam moriar.

**Nederlands**

Deze passage is nog niet vertaald.

[↗](https://missale.online/biblia/nl/tob/10#text-40022955d80a097e447c)

**Latijn**

Et apprehendentes parentes filiam suam, osculati sunt eam : et dimiserunt ire,

**Nederlands**

Deze passage is nog niet vertaald.

[↗](https://missale.online/biblia/nl/tob/10#text-9cddad593f73adeac016)

**Latijn**

monentes eam honorare soceros, diligere maritum, regere familiam, gubernare domum, et seipsam irreprehensibilem exhibere.

**Nederlands**

Deze passage is nog niet vertaald.